spot_img
Homeຂ່າວພາຍ​ໃນແຂວງເຊກອງ ສຸມໃສ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ

ແຂວງເຊກອງ ສຸມໃສ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ

Published on

ວັນທີ 19 ສິງຫາ 2022 ໜັງສືພິມປ້ອງກັນຄວາມສະຫງົບ ລາຍງານວ່າ: ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ກ່າວຕໍ່ກອງປະຊຸມ 6 ເດືອນຕົ້ນປີ 2022 ຂອງລັດຖະບານ ຊຸດທີ IX ທີ່ຈັດຂຶ້ນໃນເດືອນກໍລະກົດ ຜ່ານມາວ່າ ໃນ 6 ເດືອນຜ່ານມາອົງການປົກຄອງແຂວງ ໄດ້ເອົາໃຈໃສ່ປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບຢ່າງເປັນລະບົບຕໍ່ເນື່ອງ, ເພີ່ມທະວີການປະຕິບັດພາລະບົດບາດ, ກຽມພ້ອມສູ້ຮົບ, ປົກປັກຮັກສາຄວາມສະຫງົບ ແລະ ຄວາມເປັນລະບຽບ ຮຽບຮ້ອຍຕາມຂອບເຂດຊາຍແດນ ແລະ ເຂດເຊື່ອມຕໍ່, ຍົກສູງຄວາມເປັນເຈົ້າການສະກັດກັ້ນປະກົດການຫຍໍ້ທໍ້ໃນສັງຄົມ ເປັນຕົ້ນການປະຕິບັດວາລະແຫ່ງຊາດ ວ່າດ້ວຍແກ້ໄຂບັນຫາຢາເສບຕິດ.

ໃນ 6 ເດືອນຕົ້ນປີ 2022 ເຈົ້າຫນ້າທີ່ແຂວງເຊກອງ ສາມາດເລີກ ແລະ ມ້າງລາຍຄະດີຄ້າຂາຍຢາເສບຕິດໄດ້ທັງ ຫມົດ 46 ເລື່ອງ, ຈັບຕົວຜູ້ຖືກຫາໄດ້ 54 ຄົນ ຍິງ 3 ຄົນ: ໃນ ນີ້, ເປົ້າຫມາຍຄ້າຂາຍລາຍໃຫຍ່ 2 ຄົນ, ລາຍກາງ ແລະ ຍ່ອຍ 52 ຄົນ ຍິງ 3 ຄົນ, ຢຶດຂອງກາງປະເພດຢາ ບ້າໄດ້ຈໍານວນ 68.615 ເມັດ, ລົດໃຫຍ່ຮຸນໄດ 1 ຄົນ, ລົດຈັກ 24 ຄັນ, ໂທລະສັບ 35 ຫນ່ວຍ, ປືນ ດັດແປງ 4 ກະບອກ ( ປືນແກັບ 2 ກະບອກ ), ເງິນກີບ 14.000.0000 ກີບ.

ນອກຈາກການແກ້ໄຂແລ້ວ, ການນໍາແຂວງເຊກອງ ລົງເຄື່ອນໄຫວເຜີຍແຜ່ວງລະແຫ່ງຊາດ ວ່າດ້ວຍການແກ້ໄຂຢາເສບຕິດໃຫ້ເປັນປົກກະຕິ ໂດຍເລັ່ງ ໃສ່ບັນດາອົງການຈັດຕັ້ງຂອງລັດ ແລະ ເອກະຊົນໃຫ້ສໍາເລັດ ແລ້ວຫັນລົງໄປສູ່ບັນດາສະຖາບັນການສຶກສາ ໂດຍສະເພາະແມ່ນວິທະຍາໄລ ແລະ ໂຮງຮຽນ ທັງພາກລັດ ແລະ ເອກະຊົນ, ບັນດາໂຄງຈັກ-ໂຮງງານ, ບັນດາກຸ່ມບ້ານ ແລະ ບັນດາຊຸມ ຊົນທີ່ເຫັນວ່າມີຄວາມສ່ຽງໃນການຄ້າ-ຂາຍ ແລະ ມົ້ວສຸມສິ່ງເສບຕິດ, ເຊິ່ງການລົງເຜີຍແຜ່ວາລະດັ່ງກ່າວນີ້ ກໍເພື່ອເຮັດໃຫ້ພະນັກງານລັດຖະກອນ, ພໍ່ ແມ່ປະຊາຊົນ, ຊາວຄ້າຂາຍ, ນັກຮຽນ ແລະ ນັກສຶກສາ ສາມາດຮັບຮູ້ເຖິງໄພອັນຕະລາຍຂອງສິ່ງເສບຕິດ ແລະ ໂທດທີ່ຈະໄດ້ຮັບຕາມມາ ເມື່ອໄປຫຍຸ້ງກ່ຽວ ແລະ ພົວພັນກັບສິ່ງເສບຕິດ, ເມື່ອກຸ່ມ ຄົນດັ່ງກ່າວຮັບຮູ້ ແລະ ເຂົ້າໃຈ ເຊື່ອວ່າບັນຫາ ຄ້າ-ຂາຍ ແລະ ມົ້ວສຸມຢາເສບຕິດຢູ່ພາຍໃນແຂວງກໍຈະຄ່ອຍໆຫຼຸດລົງ.

ສະນັ້ນ, ເພື່ອຮັບປະກັນໃຫ້ ບັນຫາຢາເສບຕິດຢູ່ພາຍໃນແຂວງເຊກອງ ຫຼຸດຫນ້ອຍຖອຍລົງ ແລະ ຄ່ອຍ ໆຫມົດໄປເທື່ອລະກ້າວ ການນໍາແຂວງເຊກອງ ຈະສືບຕໍ່ນໍາພາກໍາລັງປະກອບອາວຸດປະຕິບັດແນວທາງປ້ອງກັນຊາດ-ປ້ອງກັນຄວາມສະຫົງບທົ່ວປວງຊົນຮອບດ້ານຂອງພັກ ຍົກສູງຄວາມຮັບຜິດ ຊອບການ ເມືອງ ແລະ ວິຊາສະເພາະຂອງນາຍ ແລະ ພົນທະຫານ, ນາຍ ແລະ ພົນຕໍາຫຼວດ ໃຫ້ສູງຂຶ້ນກວ່າເກົ່າ, ເພີ່ມທະວີຄວາມຈົ່ງຮັກພັກດີ, ຄວາມເສຍສະຫຼະໃນການຮັບໃຊ້ປະເທດຊາດ ແລະ ປະຊາຊົນ; ສືບຕໍ່ເອົາໃຈໃສ່ ແກ້ໄຂບັນຫາປະກົດການຫຍໍ້ທໍ້ໃນສັງຄົມ ເປັນຕົ້ນບັນຫາຢາເສບຕິດ, ຄ້າຂາຍເຖື່ອນ, ສາສະຫນາ, ປຸ້ນຈີ້ຊິງ ຊັບ, ຂີ້ລັກງັດແງະ ແລະບັນຫາອື່ນໆ.

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...