spot_img
Homeຂ່າວຕ່າງປະເທດFBI ໄດ້ບຸກບ້ານຂອງອະດີດປະທານາທິບໍດີສະຫະລັດອາເມຣິກາ ໂດນັລ ທຣັມ

FBI ໄດ້ບຸກບ້ານຂອງອະດີດປະທານາທິບໍດີສະຫະລັດອາເມຣິກາ ໂດນັລ ທຣັມ

Published on

ເຈົ້າໜ້າທີ່ ທີ່ຢູ່ລັດ ຟໍຣິດາ ເພື່ອຈະໄດ້ເອົາເອກະສານທີ່ເສຍໄປໃນທຳນຽບຂາວ.

ໃນຕອນແລງ ວັນທີ 8 ສິງຫາ 2022 ຕາມເວລາທ້ອງຖິ່ນຂອງອາເມຣິກາ, ສຳນັກງານສອບສວນກາງສະຫະລັດ ຫຼື  FBI ໄດ້ບຸກເຂົ້າລີສອດ Mar-a-Lago ຂອງອະດີດປະທານາທິບໍດີ ໂດນັລ ທຣັມ ໃນເມືອງປາມບີສ ລັດຟໍຣິດາ.

ຈາກແຫຼ່ງຂ່າວຂອງ ສະຫະລັດອາເມຣິກາ ລາຍງານວ່າ:​ ໃນອາເມຣິກາ ຫຼັງ​ຈາກ​ທີ່​ປະ​ທາ​ນາ​ທິ​ບໍ​ດີ​ອອກ​ຈາກ​ຕໍາ​ແໜ່ງ​ແລ້ວ ຕ້ອງ​ມອບ​ເອ​ກະ​ສານ​ທັງ​ໝົດ​ຄືນ​ໃຫ້​ລັດ​ຖະ​ບານ ແຕ່ທາງລັດຖະບານບໍ່ພົບເອກະສານສຳຄັນຫຼາຍຢ່າງ ແລະ ເອກະສານລັບ ບໍ່ຢູ່ໃນທຳນຽບຂາວ ເຊິ່ງ ໂດນັລ ທຣັມ ອາດຈະເອົາມາເກັບໄວ້ທີ່ລີສອດຂອງລາວ ແຕ່ມີລາຍງານທີ່ບໍ່ເປັນທາງການ ລາຍງານວ່າ ທຣັມ ໄດ້ລົບ ແລະ ທຳລາຍ ເອກະສານບັນທຶກຂອງທຳນຽບຂາວຢ່າງຜິດກົດໝາຍ ຫຼັງຈາກທີ່ລາວໄດ້ລົງຈາກຕຳແໜ່ງແລ້ວ.

ຫໍຈົດໝາຍແຫ່ງຊາດຂອງອາເມຣິກາ ມີໜ້າທີ່ລວມ ແລະ ຄັດແຍກຈົດໝາຍຂອງປະທານາທິບໍດີ ກ່າວວ່າ ມີເອກະສານຢ່າງໜ້ອຍ 15 ກ່ອງ ຖືກນຳໄປທີ່ລີສອດ Mar-a-Lago ຂອງ ທຣັມ ໃນນັ້ນມີເອກະສານທີ່ເປັນຄວາມລັບ ແຕ່ໄດ້ຮັບຄືນມາບາງອັນ ຈາກການເຈລະຈາກັບທະນາຍຂອງ ທັຣມ.

ຢ່າງໃດກໍຕາມ ມີຂໍ້ມູນວ່າ ອະດີດປະທານາທິບໍດີ ໄດ້ນຳເອກະສານບາງອັນຕິດໂຕໄປນຳ ເຊິ່ງມັນລະບຸວ່າເປັນເອກະສານລັບ ແລະ ມັນສົ່ງຜົນຕໍ່ຄວາມໝັ້ນຄົງຂອງຊາດ.

ໂດນັລ ທຣັມ ຢືນຢັນວ່າ ເຈົ້າ ໜ້າທີ່ FBI ໄດ້ບຸກເຂົ້າໄປ ລີສອດ Mar-a-Lago ແທ້ ແລະ ກ່າວວ່າ FBI ຍັງໄດ້ໄປກວດສອບໃນຕູ້ເຊຟ, ລີຊອດ ກໍເຕັມໄປດ້ວຍເຈົ້າໜ້າທີ່ FBI ອ້ອມຮອບ.

ທັ້ງນີ້ ໃນຂະນະທີ່ FBI ບຸກເຂົ້າໄປນັ້ນ ອະດີດປະທານາທິບໍດີບໍ່ໄດ້ຢູ່ທີ່ນັ້ນ ແລະ FBI ມຸ່ງເນັ້ນການຄົ້ນຫາສຳນັກງານ ແລະ ຫ້ອງພັກສ່ວນຕົວຂອງທຣັມ.

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...