ໃນວັນທີ 28 ກໍລະກົດ ລາຍງານຈາກສຳນັກຂ່າວທາງການຂອງເກົາຫຼີເໜືອ ໄດ້ລາຍງານວ່າ: ທ່ານ ຄິມ ຈອງ ອຶນ ຜູ້ນຳສູງສຸດຂອງເກົາຫຼີເໜືອ ຂຶ້ນກ່າວປາໄສໃນວັນຄົບຮອບ 69 ປີ ຂອງການສິ້ນສຸດສົງຄາມໃນເກົາຫຼີ ໃນວັນທີ 27 ກໍລະກົດ ປະກາດວ່າ ກອງທັບເກົາຫຼີເໜືອ ພ້ອມລະດົມອາວຸດນິວເຄຼຍສຳລັບການຄັດແຍ່ງທາງທະຫານ ທີ່ອາດຈະເກີດຂຶ້ນກັບສະຫະລັດອາເມຣິກາ ທີ່ພະຍາຍາມກ່າວຫາວ່າ ພະຍາຍາມສ້າງພາບຊົ່ວຮ້າຍໃຫ້ເກົາຫຼີເໜືອ.
ຂະນະນີ້ທາງອາເມຣິກາ ແລະ ເກົາຫຼີໃຕ້ໄດ້ກັງວົນວ່າ ເກົາຫຼີເໜືອອາດຈະກຽມການທົດສອບນິວເຄຼຍຄັ້ງທີ 7.