ເຈົ້າໜ້າທີ່ຕຳຫຼວດທ່ານໜຶ່ງ ທີ່ຕົກເປັນຂ່າວໃນໂລກອອນລາຍນ໌ ວ່າເປັນເອສແລະພະຍາຍາມແພ່ເຊື້ອ ໄດ້ອອກມາບອກວ່າໂຕເອງບໍ່ໄດ້ເປັນເອສ ພ້ອມໃບຢັ້ງຢືນຜົນການກວດພະຍາດ
ພາຍຫຼັງທີ່ມີຜູ້ບໍ່ຫວັງດີໃນໂລກອອນລາຍນ໌ ກ່າວຫາວ່າ ທ້າວ ໄກ່ສະໝອນ ພະນັກງານຕຳຫຼວດເມືອງໂຄງເຊດົນ ແຂວງສາລະວັນ ເປັນຜູ້ປ່ວຍເອສ ແລະພະຍາຍາມຫາວິທີແພ່ເຊື້ອສູ່ສັງຄົມ ໃນໄລຍະທີ່ຜ່ານມານັ້ນ. ຫຼ້າສຸດຜູ້ກ່ຽວໄດ້ອອກມາບອກວ່າໂຕເອງບໍ່ໄດ້ເປັນເອສ ແລະບໍ່ໄດ້ມີພຶດຕິກຳສ່ຽງ ພ້ອມທັງສະແດງຜົນການກວດຈາກໂຮງໝໍ ແລະຢືນຢັນວ່າຜູ້ກ່ຽວບໍ່ມີເຊື້ອເອສ.
ຕໍ່ຜູ້ທີ່ໄດ້ສ້າງຂ່າວລືໃນໄລຍະທີ່ຜ່ານມານັ້ນ ເຈົ້າໜ້າທີ່ຕຳຫຼວດກຳລັງຕິດຕາມໂຕ ມາລົງໂທດຕາມລະບຽບກົດໝາຍ
