ອີງຕາມການລາຍງານຂ່າວຈາກ VOVWORLD, ເມື່ອບໍ່ດົນມານີ້ ຢູ່ນະຄອນຫລວງ ລອນດອນ ໄດ້ຈັດກອງປະຊຸມ ເຈົ້າໜ້າທີ່ອາວຸໂສ (SOM) ອາຊຽນ – ອັງກິດ ຄັ້ງທຳອິດ, ນັບຕັ້ງແຕ່ ສອງຝ່າຍສ້າງຕັ້ງການພົວພັນ ຄູ່ຮ່ວມມືເຈລະຈາ ຄົບຖ້ວນໃນເດືອນ ສິງຫາປີກາຍນີ້.
ໃນກອງປະຊຸມຄັ້ງນີ້ ອາຊຽນ ແລະ ອັງກິດ ໄດ້ຍົກໃຫ້ເຫັນ ກົນໄກຮ່ວມມື ໃນຂອບເຂດ ການພົວພັນ ທີ່ຫາກໍ ໄດ້ສ້າງຕັ້ງ ຂຶ້ນໃໝ່ ນຳເຂົ້າ ເຄື່ອນໄຫວ ແບບຍືນຍົງ ແລະ ມີປະສິດທິຜົນ ໂດຍໄວ, ໃນນັ້ນ ມີການສ້າງຮ່າງ ແຜນການ ກະທຳ ໄລຍະ 2022–2027, ປະກອບສ່ວນ ກຳນົດທິດ ແລະ ສ້າງເງື່ອນໄຂ ສະດວກເພື່ອຊຸກຍູ້ ການຮ່ວມມືສອງຝ່າຍ ໃຫ້ພັດທະນາຢ່າງແທດຈິງ ແລະ ມີປະສິດທິຜົນຫລາຍຂຶ້ນ.
ຄຽງຄູ່ກັນນັ້ນ ຍັງສືບຕໍ່ໃຫ້ບຸລິມະສິດ ແກ່ການຄວບຄຸມໂລກລະບາດໂຄວິດ-19 ແລະ ພ້ອມກັນຊຸກຍູ້ການຟື້ນຟູເພື່ອມຸ່ງໄປເຖິງ ການພັດທະນາແບບຍືນຍົງ; ຟື້ນຟູ-ຍູ້ແຮງການແລກປ່ຽນ ການຄ້າ-ລົງທຶນ, ເພີ່ມທະວີ ການເຊື່ອມຕໍ່ລະບົບສະໜອງ, ພ້ອມທັງ ເຊື່ອມຕໍ່ຄືນ ແລະ ເພີ່ມທະວີລາຍການຮ່ວມມື ທາງດ້ານການສຶກສາ-ກໍ່ສ້າງ, ພັດທະນາແຫລ່ງຊັບພະຍາກອນມະນຸດ, ແລກປ່ຽນ ວັດທະນະທຳ, ສິລະປະ, ກິລາ, ທ່ອງທ່ຽວ, ພົວພັນ ແລກປ່ຽນຊາວໜຸ່ມ, ນັກສຶກສາ ເພື່ອແນໃສ່ຍົກສູງຄວາມເຂົ້າໃຈ ເຊິ່ງກັນ ແລະ ກັນ ແລະ ເພີ່ມທະວີ ຄວາມສະໜິດ ຕິດພັນ ລະຫວ່າງ ປະຊາຊົນ ສອງຝ່າຍ.
ນອກນີ້ ທັງສອງຝ່າຍ ກໍພ້ອມກັນ ຖືເປັນສຳຄັນ ການຄ້າ ຫລາຍຝ່າຍ, ເຫັນດີ ສົມທົບກັນ, ຊຸກຍູ້ ການຮ່ວມ ສຳພັນ ເສດຖະກິດ ພາກພື້ນ, ປະກອບ ສ່ວນຍູ້ໄວ ວິວັດການ ຟື້ນຟູ ຮອບດ້ານ.
ທີ່ມາ: ຂປລ