ໃນວັນທີ 25 ພຶດສະພາ ສຳນັກຂ່າວຣອຍເຕີໄດ້ລາຍງານວ່າ ກອງທັບຣັດເຊຍໄດ້ໂຈມຕີເມືອງທີ່ຢູເຄຣນຍຶດຄອງຢູ່ໃນພູມິພາກດອນບັດສ (Donbas) ເຊິ່ງໃນຂະນະນີ້ເປັນຈຸດສົນໃຈຂອງສົງຄາມ ໂດຍຖືກຂູ່ວ່າຈະປິດເສັ້ນທາງລົບໜີຫຼັກສຸດທ້າຍຂອງປະຊາຊົນ.
ຫຼັງຈາກທີ່ຣັດເຊຍປະລາໄຊຈາກການຍຶດເມືອງຫຼວງຄີຟຂອງຢູເຄຣນ ຫຼື ເມືອງທີ່ 2 ຂອງຄາຄີຟ, ຣັດເຊຍໄດ້ພະຍາຍາມຈະເຂົ້າຄວບຄຸມເຂດດອນບັສ ເຊິ່ງປະກອບມີ ແຂວງທາງພາກຕະເວັນອອກ.
ຣັດເຊຍໄດ້ສົ່ງກອງທັບທະຫານເຂົ້າມາໃນເຂດນັ້ນ ເພື່ອພະຍາຍາມລ້ອມເອົາກອງກຳລັງຢູເຄຣນທີ່ຍັງຍຶດຢູ່ໃນເມືອງ Sievierodonetsk ແລະ Lysychansk. ຣັດເຊຍໄດ້ຖະລົ່ມພວດເຂົາເຮັດໃຫ້ແຂວງນັ້ນຢູ່ພາຍໃຕ້ຄວບຄຸມຂອງຣັດເຊຍ ເຊິ່ງເປັນເປົ້າໝາຍຂອງການເຮັດສົງຄາມ.
ຕຳຫຼວດໃນເມືອງ Lysychansk ກຳລັງເກັບກຳຈຳນວນສົບຂອງຜູ້ເສຍຊີວິດເພື່ອນຳໄປຝັງ, ທ່ານ ສະຮີເກໄດ ເຈົ້າເມືອງ Lysychansk ໄດ້ກ່າວວ່າ: “ມີປະມານ 150 ຄົນທີ່ໄດ້ຖືກຝັງໃນຂຸມສົບໃນເມືອງນີ້”.
ທ່ານ ເກໄດ ໄດ້ກ່າວເພີ່ມວ່າ: “ຂອງຄົວຂອງຜູ້ເສຍຊີວິດທີ່ຖືກຝັງໃນຂຸມສົບ ສາມາດດຳເນີນການຝັງສົບຄືນໃໝ່ໄດ້ພາຍຫຼັງສົງຄາມຈົບ ແລະ ຕຳຫຼວດກຳລັງອອກເອກະສານທີ່ເຮັດໃຫ້ຊາວຢູເຄຣນສາມາດຮັບເອົາໃບຢັ້ງຢືນການເສຍຊີວິດໃຫ້ຄົນໃນຄອບຄົວໄດ້”.
