ຫ້ອງການອຸດສາຫະກຳ-ການຄ້າເມືອງໂພນໂຮງ ສົມທົບພາກສ່ວນກ່ຽວຂ້ອງລົງກວດກາຜູ້ປະກອບການຂາຍນ້ຳມັນໃສ່ກະຕຸກໂດຍບໍ່ໄດ້ຮັບອະນຸຍາດ.
ໃນວັນທີ 23 ພຶດສະພາ 2022 ທີ່ຜ່ານມາ ຫ້ອງການອຸດສາຫະກຳ-ການຄ້າເມືອງໂພນໂຮງ ນຳໂດຍ ທ່ານ ຈຳປາທອງ ແກ້ວວິຈິດ ກຳມະການພັກເມືອງ ຫົວໜ້າ ຫ້ອງການອຸດສາຫະກຳ-ການຄ້າເມືອງ ເຊິ່ງສົມທົບ ພາກສ່ວນກ່ຽວຂ້ອງຂອງເມືອງໄດ້ລົງຕິດຕາມ ກວດກາ ແລະ ສຶກສາອົບຮົມ ຜູ້ປະກອບການຂາຍນ້ຳມັນໃສ່ກະຕຸກ ທີ່ຈຳໜ່າຍຢູ່ແຄມທາງ ທີ່ບໍ່ໄດ້ຮັບອະນຸຍາດ.
ເຊິາງໃນການລົງເຄື່ອນໄຫວເຮັດວຽກພາກສ່ວນກ່ຽວຂ້ອງຄັ້ງນີ້ ເພື່ອເປັນສະກັດກັ້ນການຈຳໜ່າຍນ້ຳມັນທີ່ບໍ່ໄດ້ຮັບອະນຸຍາດ ພ້ອມທັງເປັນການປົກປ້ອງຄວາມອັນຕະລາຍຂອງການຈຳໜ່າຍນ້ຳມັນທີ່ຊະຊາຍ. ພົບເຫັນຜູ້ກະທຳຜິດ ມີ 8 ກໍລະນີ ລວມມີ 8 ຈຸດ ທີ່ພົບເຫັນການລະເມີດຕໍ່ລະບຽບການຄຸ້ມຄອງ, ໃນແຕ່ລະຈຸດ ໄດ້ສຶກສາອົບຮົມ ແລະ ເຮັດບົດບັນທຶກກ່າວເຕືອນ ເພື່ອບໍ່ໃຫ້ຈຳໜ່າຍນ້ຳມັນເຊິ່ງການຈຳໜ່າຍດັ່ງກ່າວເປັນແບບຢ່າງບໍ່ທີ່ດີ ແລະ ບໍ່ສອດຄອງລະບຽບການຄຸ້ມຄອງທີ່ວາງອອກ.