spot_img
Homeຂ່າວຕ່າງປະເທດເກົາຫຼີເໜືອຈັດທະຫານ ສົ່ງຢາຮັກສາພະຍາດໂຄວິດ-19 ໃຫ້ຮ້ານຂາຍຢາຕ່າງໆ ທົ່ວປະເທດ

ເກົາຫຼີເໜືອຈັດທະຫານ ສົ່ງຢາຮັກສາພະຍາດໂຄວິດ-19 ໃຫ້ຮ້ານຂາຍຢາຕ່າງໆ ທົ່ວປະເທດ

Published on

ໃນວັນອັງຄານ ຕາມການລາຍງາຍສື່ທາງການກຸງປຽງຢາງ, ເກົາຫຼີເໜືອຈັດທະຫານເພື່ອສົ່ງຢາຮັກສາພະຍາດໂຄວິດ-19 ໃຫ້ຮ້ານຂາຍຢາຕ່າງໆ ທົ່ວປະເທດ, ໃນຂະນະນີ້ ມີລາຍງານວ່າມີການລະບາດຂອງໂຄວິດເພີ່ມອີກ 270,000 ຄົນ.

ສຳນັກຂ່າວເຄຊີເອັນເອຂອງເກົາຫຼີເໜືອ ລາຍງານວ່າ: ມີຜູ້ເສຍຊີວິດຈາກໂຄວິດ-19 ເພີ່ມເປັນ 6​ ຄົນໃນວັນອັງຄານ ເຮັດໃຫ້ມີຜູ້ເສຍຊີວິດສະສົມໃນເກົາຫຼີເໜືອເປັນ 56 ຄົນ, ໂດຍຕັ້ງແຕ່ເດືອນເມສາ ມີຄົນເກົາຫຼີເໜືອເກືອບ 1.5ລ້ານຄົນ ທີ່ມີອາການໄຂ້ຂຶ້ນສູງ ເປັນ 5.7% ຂອງປະຊາກອນປະເທດ.

ຜູ້ຊ່ຽວຊານເຊື່ອວ່າ ຜົນກະທົບທີ່ແທ້ຈິງຂອງການລະບາດຂອງພະຍາດໂຄວິດ ອາດຈະຫຼາຍກວ່າທີ່ທາງການກຸງປຽງຢາງໄດ້ລາຍງານໄວ້ ໂດຍເກົາຫຼີເໜືອຍັງຂາດແຄນຊັບພະຍາກອນທີ່ຈຳເປັນໃນການກວດຫາເຊື້ອພະຍາດໂຄວິດ ແລະ ຮັກສາຜູ້ທີ່ມີເຊື້ອໂຄວິດ.

ລັດຖະບານກຸງປຽງຢາງໄດ້ສັ່ງໃຫ້ທະຫານເກົາຫຼີເໜືອເຂົ້າຊ່ວຍໃນການຮັບມືກັບການລະບາດໃນເທື່ອນີ້ ລວມເຖິງການສົ່ງຢາຮັກສາໂຄວິດໄປຫາຮ້ານຂາຍຢາທົ່ວປະເທດ ຫຼັງຈາກທີ່ຜູ້ນຳ ຄິມຈອງອຶນ ໄດ້ກ່າວຕຳໜິເຈົ້າໜ້າທີ່ວ່າ ບໍ່ມີຄວາມຮັບຜິດຊອບທີ່ຈະສົ່ງຢາໃຫ້ກັບຮ້ານຂາຍຢາໄດ້ຊ້າ.

ໃນວັນອາທິດທີ່ຜ່ານມານີ້ ທ່ານ ຄິມ ໄດ້ລົງກວດສອບຮ້ານຂາຍຢາດ້ວຍຕົນເອງ ແລະ ພົບວ່າຮ້ານສ່ວນໃຫຍ່ນັ້ນບໍ່ໄດ້ມາດຕະຖານ ບໍ່ມີຢາເກັບສຳຮອງ ແລະ ຂາດສຸຂະອານາໄມ.

ທາງດ້ານເກົາຫຼີໃຕ້ ໄດ້ຖະແຫຼງການທີ່ຈະຊ່ວຍເຫຼືອເກົາຫຼີເໜືອໃນການສະໜອງ ຢາ, ວັກຊີນ, ອຸປະກອນ ແລະ ບຸກຄະລາກອນ ເພື່ອໃຊ້ໃນການຮັບມືຈາກເກົາຫຼີເໜືອ.

ຢ່າງໃດກໍຕາມ ເກົາຫຼີເໜືອຍັງບໍ່ຕອບຮັບຂໍ້ສະເໜີໃນການສົ່ງຄວາມຊ່ວຍເຫຼືອນີ້.

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...