ອາທິສັກ ຣັຕະນະວົງ ຫຼື ສັກ ວົງເຊວ ນັກສິລະປິນເພງຣັອກຊື່ດັງທີ່ສຸດຂອງລາວ ສຸດດີໃຈທີ່ພັນລະຍາຂອງເຂົາໄດ້ໃຫ້ກຳເນີດລູກແຝດສຸດໜ້າຮັກສອງຄົນ ເປັນຊາຍໝົດ.
ສັກ ໄດ້ກ່າວວ່າ: ເຂົາສຸດທີ່ດີໃຈ ທີ່ມີບຸນວາດສະໜາໄດ້ລູກແຝດທີ່ສຸດແສນໜ້າຮັກສອງຄົນ ເປັນຊາຍທັງສອງ ແລະໄດ້ໃສ່ຊື່ໃຫ້ແກ່ລູກທັງສອງແລ້ວ ຄືແຝດອ້າຍ ຊື່ ອາລິຍະສັກ ຣັຕະນະວົງ (ໄມຕີ້) ແປວ່າ:ຈອມພະລັງ, ເກີດໃນວັນທີ 31/10/2014 ເວລາ 11:56 ໂມງ ນ້ຳໜັກ 2575 ກລາມ
ແລະ ແຝດນ້ອງ ຊື່ ອາລິຍະສິດ ຣັຕະນະວົງ (ແມັຕຊີ) ແປວ່າ: ຂອງຂັວນຈາກພະເຈົ້າ ເກີດໃນວັນ 31/10/2014 ເວລາ 11:57ໂມງ ນ້ຳໜັກ 2102 ກລາມ ແລະມີສຸຂະພາບແຂງແຮງສົມບູນທັງສອງຄົນ.
ສັກ ໄດ້ເວົ້າຕື່ມວ່າ: ມັນເປັນຄວາມປາຖະໜາຂອງຫຼາຍໆ ຄົນທີ່ຢາກມີລູກແຝດ ເຊັ່ນດຽວກັບຕົນເອງ ທີ່ມີລູກສາວແລ້ວ ກໍຍັງຢາກໄດ້ລູກຊາຍ ແລະຍິ່ງເປັນເລື່ອງທີ່ດີໃຈຫຼາຍທີ່ໄດ້ລູກແຝດນຳອີກ.
