spot_img
Homeຂ່າວພາຍ​ໃນພິທີເຊັນສັນຍາ ຊື້ຂາຍຮຸ້ນຂອງ ບໍລິສັດລັດວິສາຫະກິດໄປສະນີລາວ

ພິທີເຊັນສັນຍາ ຊື້ຂາຍຮຸ້ນຂອງ ບໍລິສັດລັດວິສາຫະກິດໄປສະນີລາວ

Published on

ໃນວັນທີ 28 ເມສາ2022 ທີ່ຫ້ອງປະຊຸມໃຫຍ່ກະຊວງການເງິນ ໄດ້ຈັດພິທີເຊັນສັນຍາ ຊື້ຂາຍຮຸ້ນຂອງບໍລິສັດລັດວິສາຫະກິດໄປສະນີລາວ ເຊັນສັນຍາຮ່ວມຮຸ້ນສ້າງຕັ້ງບໍລິສັດໄປສະນີລາວຈຳກັດ ລະຫວ່າງ ກະຊວງການເງິນ ຕ່າງໜ້າຜູ້ປະຕິຮູບລັດວິສາຫະກິດ ກັບປະກັນໄພ ກັບບໍລິສັດໂລຈິດສຕິກ ເວັນເຈີ ຈຳກັດ ບໍລິສັດໃນເຄືອ ບໍລິສັດເອເຊຍລົງທຶນ ແລະ ບໍລິການຈຳກັດຜູ້ດຽວ ໂດຍຕາງໜ້າລົງນາມ ຂອງທ່ານ ປອ ສອນເພັດ ອິນທະວົງ ຫົວໜ້າກົມປະຕິຮູບລັດວິສາຫະກິດ ແລະ ການປະກັນໄພ ກະຊວງ ການເງິນ ແລະ ທ່ານລັດຕະນະມະນີ ຄູນນີວົງ ຮອງປະທານອາວຸໂສ ກຸ່ມບໍລິສັດ ເອເຊຍ ລົງທຶນ ແລະ ບໍລິການຈຳກັດຜູ້ດຽວ.

ໂດຍໃຫ້ກຽດເຂົ້າຮ່ວມເປັນສັກຂີພະຍານ ຂອງທ່ານ ບຸນປອນ ວັນນະຈິດ ຮອງລັດຖະມົນຕີ ກະຊວງການເງິນ ແລະ ທ່ານ ປອ ສັນຕິສຸກ ສີມມະລາວົງ ຮອງລັດຖະມົນຕີ ກະຊວງເທັກໂນໂລຊີ ແລະ ການສື່ສານ, ມີທ່ານຫົວໜ້າຫ້ອງການກະຊວງການເງີນ, ຫົວໜ້າກົມໄປສະນີ, ສະຊວງເຕັກໂນໂລຊີ ແລະ ການສື່ສານ ບັນດາຫົວໜ້າກົມ, ຮອງກົມ, ພະແນກການທີ່ກ່ຽວຂ້ອງເຂົ້າຮ່ວມ ໂດຍການປະຕິບັດແຈ້ງການ ຂອງຫ້ອງວ່າການ ສຳນັກງານ ນາຍົກລັດຖະມົນຕີ ວ່າດ້ວຍທິດຊີ້ນຳ ຜົນການປະມູນຊື້ຂາຍຮຸ້ນບໍລິສັດລັດວິສາຫະກິດ ໄປສະນີລາວ ແລະ ມອບໃຫ້ກະຊວງການເງິນເຊັນສັນຍາຊື້ຂາຍຮຸ້ນ ແລະ ສັນຍາຮ່ວມຮຸ້ນ ກັບບໍລິສັດ ໂລຈິດສຕິກ ເວັນເຈີ ຈຳກັດ ສະບັບເລກທີ 225/ຫສນຍ ລົງວັນທີ 18 ກຸມພາ ປີ 2022 ແລະ ອີງຕາມຂໍ້ຕົກລົງ ຂອງລັດຖະມົນຕີ ກະຊວງການເງິນ ສະບັບເລກທີ 1091/ກງ ລົງວັນທີ 22 ເມສາ 2022 ວ່າດ້ວຍການອານຸມັດເຫັນດີໃຫ້ເຊັນສັນຍາຊື້ຂາຍຮຸ້ນບໍລິສັດ ລັດວິສະຫະກິດ ໄປສະນີລາວ ແລະ ສັນຍາຮ່ວມຮຸ້ນ ບໍລິສັດ ໄປສະນີລາວ ຈຳກັດ ລະຫວ່າງກະຊວງການເງິນ ຕາງໜ້າໂດຍ ກົມປະຕິຮູບລັດວິສະຫະກິດ ແລະ ການປະກັນໄພ ຮ່ວມກັບ ບໍລິສັດໂລຈິສຕິກ ເວນເຈີຈຳກັດ ໂດຍລັດຖະບານລາວຕາງໜ້າໂດຍກະຊວງການເງີນ ຖືຫຸ້ນ 49% ແລະ ບໍລິສັດໂລຈິສຕິກ ເວນເຈີຈຳກັດຖືຫຸ້ນ 51%.

ບໍລິສັດໂລຈິສຕິກ ເວນເຈີຈຳກັດ ເປັນບໍລິສັດ ໃນເຄືອຂອງກຸ່ມບໍລິສັດ ເອເຊຍລົງທຶນ ແລະ ບໍລິການ ຈຳກັດຜູ້ດຽວ ທີ່ດຳເນີນທຸລະກິດໃນຫຼາຍຂະແໜງການ ທັງພາຍໃນ ແລະ ຕ່າງປະເທດ ເຊັ່ນ: ທະນາຄານການບໍລິການ, ການຂົນສົ່ງ, ໂທລະຄົມ, ໄອທີ, ການພັດທະນາຊັອບແວ ແລະ ອື່ນໆ.

ພາຍຫຼັງທີບໍລິສັດໄດ້ຮັບການປະມູນຊຶ້ຂາຍຮຸ້ນ ຂອງລັດວິສະຫະກິດ ໄປສະນີລາວ ໂດຍອີງຕາມເອກະສານການປະມູນຊື້ຂາຍຮຸ້ນຂອງລັດວິສະຫະກິດ ໄປສະນີລາວ ກຸ່ມບໍລິສັດໂລຈິສຕິກ ເວນເຈີຈຳກັດ ເປັນຜູ້ຊະນະການປະມູນ ຄະນະກຳມະການຄົ້ນຄວ້າ ລັດວິສະຫະກິດໄປສະນີລາວ ກໍໄດ້ເຫັນດີໃຫ້ບໍລິສັດ ໂລຈິສຕິກ ເວນເຈີຈຳກັດຖື ດຳເນີນການປະມູນຄ່າຊັບສິນຂອງ ລັດວິສະຫະກິດ ໄປສະນີລາວ ຄືນໃໝ່ ທັງບໍລິສັດກໍໄດ້ດຳເນີນການຈັດຫາບໍລິສັດທີ່ປຶກສາທາງດ້ານການເງິນ ເພື່ອທຳການປະມູນຮຸ້ນຄືນຕໍ່ກັບມູນຄ່າຊັບສິນຂອງລັດວິສະຫະກິດ ໄປສະນີລາວ ຫຼັງຈາກນັ້ນກົມປະຕິຮູບ ລັດວິສະຫະກິດ ແລະ ການປະກັນໄພ ກໍໄດ້ຄັດເລືອກ ເອົາບໍລິສັດລັກຊັບລາວ-ຈີນ ເປັນຜູ້ປະເມີນຊັບສິນໃນຄັ້ງນີ້.

ທັງນີ້ກໍເພື່ອສືບຕໍ່ການຫັນວິສະຫະກິດຂອງລັດໃຫ້ທັນສະໃໝ ພ້ອມທັງເປັນການສະໜອງທຶນໃຫ້ແກ່ງົບປະມານຂອງຊາດນຳອີກດ້ວຍ.

ແຫຼ່ງຂ່າວ: ກະຊວງການເງິນ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...