ອີງຕາມການລາຍງານ ຂ່າວສານຕ່າງປະເທດ ລາຍງານໃນວັນທີ 30 ເມສາ 2022 ທີ່ຜ່ານມາວ່າ: ໄດ້ເກີດລົດບັນທຸກນໍ້າມັນລະເບີດທັງໝົດ 30 ຄັນ ຢູ່ໃນເມືອງປັບບີ ເຂດນາວເຊລາ ທາງຕາເວັນອອກຂອງປະເທດປາກີສະຖານ ເຊິ່ງມີລົດບັນທຸກນ້ຳມັນ 70 ຄັນໄດ້ຮັບຄວາມເສຍຫາຍ ແລະ ສູນເສຍນ້ຳມັນຫຼາຍກວ່າ 2 ລ້ານລິດ.

ເຫດການດັ່ງກ່າວເກີດຂື້ນໃນລະຫວ່າງລົດບັນທຸກນໍ້າມັນກຳລັງຂົນຖ່າຍນໍ້າມັນທີ່ຄັງສາງນໍ້າມັນ ທີ່ມີລົດ 150 ຄັນທີ່ບັນທຸກນໍ້າມັນແອັດຊັງ, ກາຊວນ ບາງສ່ວນແມ່ນອົບພະຍົບທັນເວລາ ກູ້ໄພ້ສາມາດດັບໄຟໄດ້ໃນຊ່ວງຕອນເດິກ

ຈາກການລາຍງານຂອງຕຳຫຼວດບອກວ່າ: ໄຟໄດ້ມາຈາກລົດບັນທຸກນໍ້າມັນຄັນໜື່ງ ທີ່ຄາດວ່າມາຈາກໄຟຟ້າລັດວົງຈອນ ແລະ ໄດ້ໄໝ້ລາມໃສ່ລົດຄັນອື່ນ ສ່ວນສາເຫດນັ້ນກຳລັງຢູ່ໃນຂັ້ນຕອນການສືບສວນ

ຂໍ້ມູນ:ຂ່າວສານຕ່າງປະເທດ