spot_img
Homeຂ່າວພາຍ​ໃນລັດຖະບານ​ເອ​ລ​ຊັນວາດໍປະກາດພາວະສຸກເສີນຫຼັງຈາກເກີດເຫດສັງຫານໝູ່

ລັດຖະບານ​ເອ​ລ​ຊັນວາດໍປະກາດພາວະສຸກເສີນຫຼັງຈາກເກີດເຫດສັງຫານໝູ່

Published on

ລັດ​ຖະ​ບານ​ເອ​ລ​ຊັນວາດໍ​ກ່າວ​ວ່າ: ​ໄດ້​​ຈັບ​ຜູ້​ຕ້ອງ​ສົງ​ໃສ​ແລ້ວ​ກວ່າ 600 ຄົນ ​ແລະ​ ສັ່ງ​ຫຼຸດ​ອາ​ຫານ​ສໍາ​ລັບ​ຜູ້​ຖືກ​ຂັງໃນ​ຢູ່​ໃນເຮືອນຈຳ ຫຼັງຈາກເກີດ​ການ​ສັງຫານ​ໝູ່​ໃນ​ທ້າຍ​ອາທິດ​ຜ່ານ​ມາ.

ລັດຖະບານປະກາດພາວະສຸກເສີນ ແລະ ປິດຄຸກຂັງ 24 ຊົ່ວໂມງ ຫຼັງຈາກມີການຄາດຕະກຳ 87 ຄະດີໃນວັນສຸກ, ວັນເສົາ ແລະ ວັນອາທິດ ເມື່ອປຽບທຽບແລ້ວມີຄະດີຄາດຕະກຳ 79 ຄະດີຕະຫຼອດເດືອນກຸມພາ. ເຈົ້າໜ້າທີ່ໄດ້ຕໍາໜິຕິຕຽນສະມາຊິກແກ໊ງ ແລະ ເມື່ອວັນຈັນ ທາງການກ່າວວ່າ ທະຫານ ແລະ ຕຳຫຼວດໄດ້ບຸກໂຈມຕີທີ່ໝັ້ນຂອງແກ໊ງເອລຊັນວາດໍ

ປະທານາທິບໍດີ ນາຍິບ ບູເຄເລ ຂຽນວ່າ ຜູ້ທີ່ຖືກຄວບຄຸມຕົວຈະບໍ່ໄດ້ຮັບການປ່ອຍຕົວ ແລະ ສັ່ງວ່າອາຫານສຳລັບນັກໂທດ ທີ່ຖືກກັກຂັງ ທີ່ຄຸກເອລຊັນວາດໍ ຈະເຫລືອສອງຄາບຕໍ່ມື້ ພ້ອມຈະຂະຫຍາຍສະບຽງອາຫານໃນປັດຈຸບັນໄປລ້ຽງຜູ້ຕ້ອງຂັງລາຍໃໝ່ອີກດ້ວຍ.

ຈາກເຫດການຄາດຕະກຳຄ້າຍຈະເຊື່ອມໂຍງກັບກຸ່ມແກ້ງທີ່ມີຊື່ສຽງຂອງປະເທດ ທີ່ຄວບຄຸມພື້ນທີ່ຕ່າງໆໃນນະຄອນຫຼວງໄດ້ຢ່າງມີປະສິດທິພາບ ເຈົ້າໜ້າທີ່ຕຳຫຼວດແຫ່ງຊາດ ລາຍງານວ່າ: ພວກເຂົາໄດ້ຈັບເປັນຜູ້ນຳຫ້າຄົນຂອງ Mara Salvatrucha ຫຼື MS-13 ເຊິ່ງແມ່ນກຳລັງສັ່ງໃຫ້ສັງຫານໃນຊ່ວງທ້າຍອາທິດ.

ກ່ອນໜ້ານີ້ທ່ານ ບູເຄເລ ສັ່ງໃຫ້ຫົວໜ້າເຮືອນຈຳຂອງປະເທດດຳເນີນການລ໋ອກນັກໂທດໃນຫ້ອງຂັງທັນທີຕະຫຼອດ 24 ຊົ່ວໂມງທຸກມື້ ເຊິ່ງ ສະຖານະ​ການ​ສຸກ​ເສີນ​ໄດ້​ໂຈະ​ການ​ຄ້ຳປະກັນ​ຕາມ​ລັດຖະທຳ​ມະນູນ​ກ່ຽວ​ກັບ​ສິດ​ເສລີ​ໃນ​ການ​ໂຮມ​ຊຸມນຸມ ​ແລະ​ຜ່ອນ​ຄາຍ​ກົດ​ລະບຽບ​ການ​ຈັບ​ກຸມ​ເປັນ​ເວລາ​ສາມ​ສິບ​ວັນ, ​ແຕ່​ສາມາດ​ຕໍ່​ເວລາ​ໄດ້. ດຳລັດດັ່ງກ່າວ ອະນຸຍາດໃຫ້ກັກຕົວຜູ້ຕ້ອງສົງໄສ ໂດຍບໍ່ມີທະນາຍຄວາມ ເປັນເວລາ 15 ວັນ, ແລະ ອະນຸຍາດໃຫ້ຕຳຫຼວດ ສາມາດຄົ້ນໂທລະສັບມືຖື ແລະ ເບິ່ງຂໍ້ຄວາມໄດ້.

 

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...