ເສື້ອຊ້ອນທີ່ແພງສຸດໃນໂລກປະມານ 2 ລ້ານໂດລ້າ ຈາກແບຣນ Victoria’s Secret ທີ່ຖືກສວມໃສ່ໂດຍນາງແບບຊື່ດັງ ອາເລັກຊານດຣາ ແອມໂບນຊິໂອ້ ແລະ ເອເດລີນາ ລິມ່າ ງານນີ້ງາມເລີດສົມກັບການລໍຄອຍແທ້ໆ
ເມື່ອໃດທີ່ມີຂ່າວເປີດຕົວສິນຄ້າ ຫລື ໂຊວຈາກ Victoria’s Secret ເທື່ອໃດ ກໍບໍ່ເຮັດໃຫ້ສາວໆ ທີ່ເປັນແຟນຂອງແບຣນນີ້ຜິດຫວັງແທ້ໆ ລ່າສຸດແບຣນນີ້ກໍໄດ້ເປີດຕົວແຟນຕາຊີບຣາຂອງປີນີ້ ໂດຍ 2 ນາງຟ້າ ວິກຕໍເລຍ ຊີເຄັດສຸດຮອ໋ດ ອາເລັກຊານດຣາ ແອມໂບນຊິໂອ້ (Alessandra Ambrosio) ແລະ ເອເດລີນາ ລິມ່າ (Adriana Lima) ຖືກເລືອກໃຫ້ເປັນຜູ້ສວມໃສ່ສຸດອາລັງການນີ້
ສຳລັບແຟນຕາຊີບຣານີ້ຖືກເຮັດຂຶ້ນດ້ວຍຝີມືຂອງ (Pascal Mouawad) ຊຶ່ງໃນຊຸດເສື້ອຊ້ອນ ແສນແພງນີ້ມີທັງເພັດ ທັບທິມ ແລະ ແຊໄຟລ໌ທີ່ຖືກຕົກແຕ່ງເຂົ້າກັນຢ່າງສວຍງາມ ຈົນໄດ້ຊື່ວ່າເປັນເສື້ອຊ້ອນທີ່ແພງທີ່ສຸດໃນໂລກ ເພາະມີມູນຄ່າປະມານ 2 ລ້ານໂດລ້າ
ນອກຈາກຕົວເສື້ອຊ້ອນແລ້ວ ໃນເຊດດຽວກັນຍັງມີເຄື່ອງປະດັບແຂນ, ບ່າ ແລະ ສາຍກ່ຽວສະລິບກັບຖົງນ່ອງ ທີ່ມີອັນຍະມະນີລ້ຳຄ່າກວ່າ 16, 000 ອັນ ຊຶ່ງຕ້ອງໃຊ້ເວລາເຮັດດ້ວຍມືດົນກວ່າ 1, 380 ຊົ່ວໂມງເລີຍ ໂດຍແຟນຕາຊີບຣາສຸດອາລັງການນີ້ຈະຖືກໃສ່ຍ່າງເທິງລັນເວໃນງານແຟຊັ່ນໂຊຂອງ Victoria’s Secret ໃນເດືອນທັນວານີ້
