ແຈ້ງການຂອງຫ້ອງວ່່າການສຳນັກງານນາຍົກລັດຖະມົນຕີກ່ຽວກັບການສະຫຼອງບຸນປີໃໝ່ລາວ ພສ 2565 (2022)ມີດັ່ງນີ້:

1. ເຫັນດີ ກໍານົດເອົາວັນພຸດ ທີ 13 ເມສາ 2022 ເປັນວັນພັກຊົດເຊີຍປີໃໝ່ລາວ ປີ 2022 ທົດແທນວັນເສົາ ທີ 16 ເມສາ 2022 (ເປັນວັນພັກລັດຖະການ. ການສະຫຼອງປີໃໝ່ ຕ້ອງບົນຈິດ ໃຈປະຢັດມັດທະຢັດ ທີ່ສຸດ ແລະ ບໍ່ໃຫ້ສໍານັກງານອົງການ ຂັ້ນສູນກາງ ແລະ ທ້ອງຖິ່ນ ຈັດງານລ້ຽງສະຫຼອງປີໃໝ່ ແລະ ອວຍພອນກັນ ຢ່າງເດັດຂາດ ເພື່ອເປັນແບບຢ່າງໃຫ້ແກ່ສັງຄົມ.

2. ມອບໃຫ້ຄະນະສະເພາະກິດ ໂຄວິດ-19 ຂັ້ນສູນກາງ, ຄະນະສະເພາະໃນຂັ້ນ ນະຄອນຫຼວງວຽງຈັນ ແລະ ບັນດາແຂວງ ໃນຂອບເຂດທົ່ວປະເທດ ເປັນຜູ້ຕົກລົງ ແລະ ອອກແຈ້ງການແນະນໍາລະອຽດ ເພື່ອໃຫ້ທຸກພາກສ່ວນກ່ຽວຂ້ອງຮັບຊາບ ແລະ ຈັດຕັ້ງປະຕິບັດ ກ່ຽວກັບມາດຕະການຕ່າງໆ ໃນການປ້ອງກັນ ການແຜ່ລະບາດຂອງພະຍາດໂຄວິດ-19ໃນໄລຍະການສະຫຼອງບຸນປີໃໝ່ລາວ ໂດຍໃຫ້ອີງໃສ່ສະພາບການລະບາດຕົວຈິງ ຂອງແຕ່ລະບ່ອນ.