spot_img
Homeຂ່າວພາຍ​ໃນຮູ້ເລິກກ່ຽວກັບສາຍພັນໂອໄມຄຣອນ ແລະ ວິທີປ້ອງກັນ

ຮູ້ເລິກກ່ຽວກັບສາຍພັນໂອໄມຄຣອນ ແລະ ວິທີປ້ອງກັນ

Published on

ຫຼັງ​ຈາກ​ການ​ລະ​ບາດ​ຂອງ​ພະ​ຍາດໂຄວິດ-19 ສາຍ​ພັນ​ໃຫມ່​, ທີ່ WHO ຫຼື ​ອົງ​ການ​ອະ​ນາ​ໄມ​ໂລກ​ ປະກາດຍົກລະດັບຄວາມເປັນຫ່ວງເປັນສາຍພັນໃໝ່ (Variants of Concern: VOC) ດ້ວຍລະຫັດທີ່ເອີ້ນວ່າ  B.1.1.529 ຫຼື ໂອໄມຄຣອນ (Omicron) ໄດ້ຖືກລາຍງານເປັນຄັ້ງທໍາອິດໃນ​ພາກ​ໃຕ້​ຂອງ​ອາ​ຟຣິ​ກາ​ໃຕ້​ ໃນ Botswana.

ການກາຍພັນຂອງເຊື້ອໄວຣັສ COVID-19 ນີ້ ແມ່ນເນື່ອງມາຈາກການກາຍພັນຂອງພັນທຸກໍາຫຼາຍກວ່າ 50 ກວ່າຕຳແໜ່ງເຊິ່ງ 32 ຕຳແໜ່ງເກີດຂຶ້ນກັບໂປຣຕີນທີ່ເອີ້ນກັນວ່າ Spike Protein, ເຊິ່ງເປັນໂປຣຕີນທີ່ໄວຣັສໃຊ້ເພື່ອເຂົ້າສູ່ຈຸລັງຂອງຮ່າງກາຍຂອງມະນຸດ. ເຊິ່ງພົບຫຼາຍກວ່າທຸກສາຍພັນ ແລະ ຫຼາຍກວ່າສາຍພັນເດລຕາເຖິງ 2 ເທົ່າ ນອກນີ້ຍັງມີການກາຍພັນໄດ້ຖືກພົບເຫັນຢູ່ໃນໂຕຮັບເຊື້ອໄວຣັສໃຊ້ຈັບຍຶດກັບຈຸລັງຂອງຄົນເຮົາ 10 ຕຳແໜ່ງ.

ດັ່ງນັ້ນເມື່ອມີການກາຍພັນໃນຕໍາແໜ່ງນັ້ນ ສິ່ງທີ່ຫນ້າເປັນຫ່ວງແມ່ນ:

– ເຊື້ອໄວຣັສສາມາດແຜ່ລາມໄວກວ່າສາຍພັນເດລຕາ
-ສາມາດເຂົ້າໄປໃນຮ່າງກາຍຂອງມະນຸດໄດ້ງ່າຍຂຶ້ນ
-ອາດຈະສາມາດຫຼີກຫຼ້ຽງພູມຕ້ານທານຫຼາຍຂຶ້ນ
-ມີແນວໂນ້ມທີ່ຈະຕ້ານທານກັບປະສິດທິພາບຂອງວັກຊີນ
-ຜູ້ທີ່ເຄີຍຕິດເຊື້ອ COVID-19 ມີໂອກາດທີ່ຈະຕິດຊ້ຳຈາກສາຍພັນ ໂອໄມຄຣອນ
-ຄວາມ​ຮຸນ​ແຮງ​ຂອງໂອໄມຄຣອນ ຍັງບໍ່ຈະແຈ້ງວ່າຈະເຮັດໃຫ້ເກີດການຕິດເຊື້ອຮ້າຍແຮງຂຶ້ນ.

ສຳລັບອາການຂອງໂອໄມຄຣອນ:

-ອາດຈະຮູ້ສຶກບໍ່ສະບາຍພຽງແຕ່ 1-2 ມື້.
-ດັງຍັງສາມາດຮັບກິ່ນ ລີ້ນສາມາດມີລົດຊາດໄດ້ດີ.
-ບໍ່ຄ່ອຍມີອາການໄຂ້
-ຮູ້ສຶກເມື່ອຍ ແລະ ເຈັບກ້າມຊີ້ນ
-ໄອເລັກນ້ອຍ ລະຄາຍເຄືອງຄໍ
-ອາການບໍ່ຊັດເຈນຄືກັບຊະນິດອື່ນ.
-ຜູ້ທີ່ເປັນພະຍາດເບົາຫວານ, ພະຍາດຫົວໃຈ, ຖ້າຕິດເຊື້ອອາດຈະເຮັດໃຫ້ເກີດອາການຮ້າຍແຮງ.

ສຳລັບວິທີປ້ອງກັນສາຍພັນໂອໄມຄຣອນມີດັ່ງນີ້: -ໃສ່ໜ້າກາກ ແລະ ປົກຄຸມດ້ວຍຜ້າອັດດັງ, ອອກຈາກເຮືອນເມື່ອມີຄວາມຈໍາເປັນເທົ່ານັ້ນ, ຮັກສາໄລຍະຫ່າງ 1-2 ແມັດ, ລ້າງມືດ້ວຍສະບູ ແລະເຈວແອນກໍຮໍເລື້ອຍໆ, ກວດເບິ່ງ ATK ເປັນໄລຍະເມື່ອມີຄວາມສ່ຽງ, ຫຼີກເວັ້ນການແບ່ງປັນສິ່ງຂອງກັບຜູ້ອື່ນ, ຫຼີກເວັ້ນການສໍາຜັດກັບຫນ້າກາກອະນາໄມ, ກິນອາຫານຮ້ອນປຸງສຸກ, ກຸ່ມສ່ຽງຄວນຫຼີກລ້ຽງການອອກຈາກເຮືອນ, ທຳຄວາມສະອາດ ແລະ ຂ້າເຊື້ອພື້ນຜິວສຳຜັດເລື້ອຍໆ.

ເຊິ່ງມື້ນີ້ທີມງານລາວໂພສຂໍຍົກກໍລະນີຕົວຢ່າງ ຈາກຜູ້ໃຊ້ຊື່ເຟສບຸກ Koung Phongsavath ໄດ້ໂພສວ່າ: ອັບເດດອາການຕິດເຊື້ອໂຄວິດ ສາຍພັນໂອໄມຄອນ 2-3 ມື້ທຳອິດມີອາການເຈັບຄໍ ເວລາກືນນໍ້າລາຍກໍເຈັບ (ຄ້າຍຄືເຈັບຄໍອະມິດ້ານ) ຕອນເດິກໆມີອາການໂຕຮຸ່ມໆຄືຈະເປັນໄຂ້ແຕ່ບໍ່ເປັນ ເຊິ່ງອາການນີ້ເປັນແຕ່ຄືນດຽວແຕ່ໃນຊ່ວງ 2-3 ມື້ທຳອິດ ທີ່ມີອາການ ກຸ້ງກວດແນວໃດກະບໍ່ຂຶ້ນ (ອັນກວດແບບໄວ) ເລີຍຄິດວ່າຕົວເອງພູມແພ້ຂຶ້ນຊື່ໆ ຫຼັງຈາກ 3 ມື້ທຳອິດຜ່ານໄປ ອາການເຈັບຄໍເລີ່ມດີຂຶ້ນລອງມາກວດອີກກໍຍັງຂຶ້ນ 2 ຂີດ. ແຕ່ຕອນທີ່ກວດວ່າມີເຊື້ອແລ້ວ ບໍ່ມີອາການຫຍັງໃດໆທັງນັ້ນເລີຍ.

ສຳລັບຢາທີ່ກິນເພື່ອຮັກສາປິ່ນປົວນັ້ນມີ: ໂມລາໂກເວຍMOLACOVIR , VITAMIN C 1000g , ນໍ້າ RoYal D….. 3ຢ່າງນີ້ເທົ່ານັ້ນ ກິນຢາ 3-4 ມື້ກໍເຊົາແລ້ວ ຢາກໃຫ້ທຸກຄົນບໍ່ຕ້ອງຕື່ນຕົກໃຈກັບ ໂອໄມຄອນຕິດແລ້ວອອກອາການໄວໃຫ້ເຮົາຮູ້ໂຕ ແລະ ປົວເຊົາໄວ.

ດັ່ງນັ້ນອາການໂດຍລວມເບື້ອງຕົ້ນພົບວ່າບໍ່ຮຸນແຮງສາມາດປິ່ນປົວຢູ່ເຮືອນໄດ້ ສະນັ້ນທຸກຄົນຄວນມີສະຕິລະມັດລະວັງໃນການໃນການ ຕິດຕາມເຝົ້າລະວັງ ແລະ ການປ້ອງກັນການຕິດເຊື້ອຈາກພະຍາດໂຄວິດ-19 ຢ່າງເຄັ່ງຄັດ.

ແຫຼ່ງຂໍ້ມູນ: https://vichaivej-nongkhaem.com/health-info/%E0%B9%82%E0%B8%84%E0%B8%A7%E0%B8%B4%E0%B8%94%E0%B9%82%E0%B8%AD%E0%B9%84%E0%B8%A1%E0%B8%84%E0%B8%A3%E0%B8%AD%E0%B8%99/

https://www.facebook.com/100002978000813/posts/4666761750099712/?d=n

ບົດຄວາມຫຼ້າສຸດ

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...