Homeຂ່າວຕ່າງປະເທດປະທານາທິບໍດີ ປູຕິນ ​​ສັ່ງ​ໃຫ້​ທະຫານ​ຮັກສາ​ສັນຕິພາບ​ຢູ່​ພາກ​ຕາ​ເວັນ​ອອກ​ຂອງ​ຢູ​ເຄຣນ

ປະທານາທິບໍດີ ປູຕິນ ​​ສັ່ງ​ໃຫ້​ທະຫານ​ຮັກສາ​ສັນຕິພາບ​ຢູ່​ພາກ​ຕາ​ເວັນ​ອອກ​ຂອງ​ຢູ​ເຄຣນ

Published on

ປະທານາທິບໍດີ ວາລາດີເມຍ ປູຕິນໄດ້ອອກ​ສັ່ງ​ໃຫ້ກອງກຳລັງ​ທະຫານ​ເຄື່ອນ​ຍ້າຍ​ເຂົ້າ​ເມືອງໂດເນັດ (Donetsk) ​ແລະ ລູຮານ (Luhansk) ພາກ​ຕາ​ເວັນ​ອອກ​ຂອງ​ຢູ​ເຄຣນ ເພື່ອຮັກສາ​ສັນຕິພາບພາຍຫຼັງ​ໄດ້​ລົງ​ນາມ​ດຳລັດຍອມ​ຮັບ​ເອົາ​ການ​ປະກາດ​ເອກະລາດແຍກໂຕເປັນອິດສະຫຼະ​ຂອງ​ສອງ​ເຂດ.

ອີງຕາມການລາຍງານຈາກເວັບໄຊ້ຂ່າວ RT ໃນວັນທີ 22 ກຸມພາ 2022 ໄດ້ລາຍງານວ່າ: ທ່ານ ວາລາດິເມຍ ປູຕິນ ປະທານາທິບໍດີຣັດເຊຍ ມີຄຳສັ່ງໃຫ້ກະຊວງປ້ອງກັນປະເທດ ສົ່ງກອງກຳລັງໄປເຂດດອນບາສ ທາງຕາເວັນອອກຂອງຢູເຄຣນ ເພື່ອເຮັດໜ້າທີ່ໃນການຮັກສາສັນຕິພາບພາຍໃນເຂດໂດເນັດ ແລະ ເຂດລູຮານ ພ້ອມກັນນີ້ຍັງສັ່ງໃຫ້ກະຊວງການຕ່າງປະເທດດຳເນີນການຕໍ່ເລື່ອງແນວທາງການທູດ ໂດຍຄຳສັ່ງນີ້ເກີດຂຶ້ນບໍ່ພໍເທົ່າໃດຊົ່ວໂມງ ຫຼັງຈາກທີ່ຜູ້ນຳຣັດເຊຍ ດຳລັດຍອມ​ຮັບ​ເອົາ​ການ​ປະກາດ​ເອກະລາດແຍກໂຕເປັນອິດສະຫຼະ​ຂອງ​ສອງ​ເຂດ.

ໃນຂະນະທີ່ສື່​ຂອງ CNN ໄດ້ລະບຸ​ວ່າ: ຍັງບໍ່​ເປັນ​ທີ່​ຈະ​ແຈ້ງ​ວ່າ ການ​ເຄື່ອນກຳລັງ​ທະຫານ​ໃນຄັ້ງນີ້​ແມ່ນ​ຈຸດ​ເລີ່ມ​ຕົ້ນ​ຂອງ​ການຮຸກຮານ ຢູເຄຣນ ຕາມທີ່ຫຼາຍປະເທດມີຄວາມກັງວົນ ໃນຊ່ວງຫຼາຍອາທິດທີ່ຜ່ານມາຫຼືບໍ່ ແຕ່ຫຼາຍຝ່າຍເຕືອນວ່າ ອາດ​ຈະ​ມີ​ການສົ່ງກຳລັງທະຫານ​ຊຸດໃຫຍ່​ຕື່ມ​ເຂົ້າໄປອີກ​ໃນ​ໄວໆ​ນີ້.

ນອກຈາກນີ້ຜູ້ນຳຣັດເຊຍໄດ້ອອກຖະແຫຼງການກ່ຽວກັບວິກິດຢູເຄຣນວ່າ: ການຍອມຮັບການແຍກເປັນອິດສະຫຼະ ແລະ ອະທິປະໄຕຂອງສາທາລະນະລັດປະຊາຊົນ ໂດເນັດ ແລະ ສາທາລະນະລັດປະຊາຊົນ ລູຮານ ມັນ​ເປັນ​ສິ່ງ​ຈຳ​ເປັນ​ທີ່ຣັດ​ເຊຍ​ຄວນ​ເຮັດ​ມາ​ເປັນ​ເວລາ​ດົນ​ນານແລ້ວ ເພື່ອ​ຕ້ານ​ຢູ​ເຄຣນ ຊຶ່ງ​ເຄີຍເປັນ​ພີ່ນ້ອງ​ຮ່ວມ​ຊາດ ແຕ່ກັບກາຍເປັນອານານິຄົມຂອງຊາດຕາເວັນຕົກ ແລະ ບໍ່ຍອມຮັບປະຊາຊົນຊາວພຶ້ນເມືອງຣັດເຊຍ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...