ອີງຕາເວັບໄຊ້ຂ່າວ Post ToDay ໄດ້ລາງານວ່າ:ວັນ​ທີ 2 ກຸມພາ​ນີ້, ທ່ານ​ນາຍົກລັດຖະມົນຕີ ເມສ ເຟເດີລິກ ຂອງດານມາກໄດ້ຍົກອອກຂໍ້ຈໍາກັດເຊັ່ນ: ຄໍາສັ່ງທີ່ຈະໃສ່ຜ້າປິດປາກ-ດັງ, ຄວາມຕ້ອງການທີ່ຈະສະແດງໃບຜ່ານສຸຂະພາບຈາກ COVID-19 ເພື່ອເຂົ້າເຖິງສິ່ງອໍານວຍຄວາມສະດວກສາທາລະນະ ແລະ ຍົກເລີກການປິດຂອງ ຮ້ານບັນເທິງ ເຮັດໃຫ້ດານມາກເປັນປະເທດທໍາອິດ ທີ່ຜູ້ຄົນອາໄສຢູ່ກັບໂຄວິດແທ້ໆ ໂດຍສະເພາະການເຊົາໃສ່ຫນ້າກາກອັນເປັນສັນຍາລັກຂອງສິ່ງທີ່ເອີ້ນວ່າ “ການດຳລົງຊີວິດແບບໃໝ່”

ທ່ານ ໂຍນັສ ກາສະເຕີ ນາຍົກລັດຖະມົນຕີນໍເວໄດ້ກ່າວໃນງານຖະແຫຼງວ່າ: ພວກເຮົາກຳລັງຍົກເລີກຄຳແນະນຳກ່ຽວກັບການເວັ້ນໄລຍະຫ່າງທາງສັງຄົມ ເຊິ່ງໃນຕອນນີ້ພວກເຮົາສາມາດເຂົ້າສັງຄົມໄດ້ຄືເມື່ອກ່ອນ ທັງໃນສະຖານບັນເທິງ ໃນງານວັດທະນາທຳ ແລະ ໂອກາດທາງສັງຄົມ ທີ່ມີການເດີນທາງໂດຍໃຊ້ລົດໂດຍສານປະຈຳທາງ ຫຼື ເຮືອຂ້າມຝາກ.

ຫຼ້າສຸດປະເທດນໍເວໄດ້ຍົກເລີກຂໍ້ຈຳກັດໂຄວິດຂັ້ນສຸດທ້າຍໃນວັນທີ 12 ກຸມພາ ຜ່ານມາ, ໂດຍຍົກເລີກການເວັ້ນໄລຍະຫ່າງທາງສັງຄົມແລະ ການໃສ່ຜ້າປິດປາກດັງ ໃນເຂດທີ່ແອອັດ, ຍົກເລີກຈໍາກັດຂາຍເຄື່ອງດື່ມທີ່ມີທາດເຫຼົ້າຢູ່ໃນບາ ແລະ ຮ້ານອາຫານ ເຖິງແມ່ນວ່າມີການຕິດເຊື້ອ ໂອໄມຄຣອນ ເພີ່ມຂຶ້ນ.