ວັນທີ 25 ມັງກອນ 2022 ສໍານັກຂ່າວ Khaosod ລາຍງານວ່າ ຕວັກກີ ເລີ່ມດໍາເນີນການສຶກສາວັກຊີນປ້ອງກັນເຊື້ອໂຄວິດ-19 ສາຍພັນໃໝ່ ຊະນິດເຊື້ອຕາຍທີ່ຜະລິດໃນປະເທດ ເພື່ອພິຈາລະນາວ່າສາມາດນໍາໄປໃຊ້ເປັນວັກຊີນໂດສກະຕຸ້ນສໍາລັບຜູ້ຮັບວັກຊີນປ້ອງກັນເຊື້ອໂຄວິດ-19 ຊະນິດ mRNA ໃນສອງໂດສທໍາອິດໄດ້ ຫຼື ບໍ່.

ຕວັກກີ ເລີ່ມເປີດໂຕວັກຊີນປ້ອງກັນພະຍາດໂຄວິດ-19 ເຕີໂກແວັກ ທີ່ຜະລິດໃນປະເທດ ຄັ້ງທໍາອິດເມື່ອວັນທີ 30 ທັນວາ 2021. ຂະນະທີ່ກໍາລັງດໍາເນີນການທົດລອງວັກຊີນດັ່ງກ່າວໃນໄລຍະທີ 3.

ທັງນີ້, ຕວັກກີເລີ່ມຕົ້ນໂຄງການສັກວັກຊີນປ້ອງກັນພະຍາດໂຄວິດ-19 ທົ່ວປະເທດຕັ້ງແຕ່ເດືອນມັງກອນ 2021 ດ້ວຍວັກຊີນຂອງ ຊີໂນແວັກ ຈາກຈີນ ກ່ອນຈະເພີ່ມວັກຊີນຊະນິດ mRNA ຂອງໄຟເຊີ້. ໂດຍປັດຈຸບັນ, ຕວັກກີ ສັກວັກຊີນຫຼາຍກວ່າ 140 ລ້ານໂດສ ແລະ 80 ສ່ວນຮ້ອຍຂອງປະຊາກອນອາຍຸ 18 ປີຂຶ້ນໄປ ແມ່ນໄດ້ຮັບວັກຊີນ 2 ໂດສ.