spot_img
Homeຂ່າວທ້ອງຖິ່ນເພີ່ມຊ່ອງຈະລາຈອນ, ປັບປຸງທາງຍ່າງ ແລະ ກໍ່ສ້າງວົງວຽນໃໝ່ ເຂດຖະໜົນຄູວຽງ

ເພີ່ມຊ່ອງຈະລາຈອນ, ປັບປຸງທາງຍ່າງ ແລະ ກໍ່ສ້າງວົງວຽນໃໝ່ ເຂດຖະໜົນຄູວຽງ

Published on

ເນື່ອງຈາກສອງອາທິດທີ່ຜ່ານມາ, ເຂດຖະໜົນຄູວຽງໄດ້ມີການສ້ອມແປງຕາມຖະໜົນຫົນທາງ ແລະ ມ້າງວົງວຽນໃນເຂດດັ່ງກ່າວ, ເຮັດໃຫ້ປະຊາຊົນໃຫ້ຄວາມສົນໃຈ, ມີຄວາມຢາກຮູ້ ແລະ ຕັ້ງຄໍາຖາມກ່ຽວກັບການສ້ອມແປງໃນຄັ້ງນີ້. ດັ່ງນັ້ນ, ທາງທີມງານລາວໂພສຈິ່ງໄດ້ສະເໜີສອບຖາມຂໍ້ມູນໄປຍັງ ພະແນກ ໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ເພື່ອຕອບຂໍ້ສົງໃສດັ່ງກ່າວ ແລະ ເຮົາສາມາດສະຫຼຸບໄດ້ດັ່ງນີ້:

  • ໂຄງການກໍ່ສ້າງນີ້ແມ່ນຈະໄດ້ປັບປຸງເປີດກວ້າງຂະຫຍາຍມຸມລ້ຽວ ເພີ່ມຊ່ອງຈະລາຈອນ ແລະ ປັບປຸງທາງຍ່າງ ຄືນໃໝ່ ເພື່ອແກ້ໄຂການຈະລາຈອນແອອັດ ແລະ ຫຼຸດຜ່ອນການເກີດອຸບັດຕິເຫດ ຕາມຈຸດທາງແຍກ.
  • ຈຸດສາມແຍກ ວິທະຍາໄລຄອມເຊັນເຕີ້: ຂະຫຍາຍ 2 ຈຸດຄື: ຂະຫຍາຍ 2 ຈຸດຄື: ຂະຫຍາຍເປີດມູມລ້ຽວຂວາທີ່ມາແຕ່ຖະຫນົນດົງປາຍນາລ້ຽວຂວາຂື້ນສູ່ຖະຫນົນຄູວຽງ ແລະ ຂະຫຍາຍເພີ່ມຊ່ອງຈະລາຈອນເບື້ອງກົມພາລາ ປກສ.
  • ຈຸດວົງວຽນ 5 ເມສາ: ຂະຫຍາຍ 2 ຈຸດຄື: ຂະຫຍາຍເປີດມູມລ້ຽວຂວາເບື້ອງໂຮງຫມໍ 109 ປກສ ເຊື່ອມຕໍ່ໃສ່ຖະຫນົນທາດຂາວ ແລະ ຂະຫຍາຍເພີ່ມຊ່ອງຈະລາຈອນເບື້ອງຮ່ອງນ້ໍາຖະຫນົນຄູວຽງ.

  • ຈຸດປະສົງ ແລະ ທີ່ມາຂອງໂຄງການ: ໂຄງການດັ່ງກ່າວ ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນໄດ້ຮ່ມເຮັດວຽກນໍາຊ່ຽວຊານ JICA, ຊຶ່ງຫນ້າວຽກເປີດກວ້າງຂະຫຍາຍຈຸດທາງແຍກກໍ່ແມ່ນເປັນໂຄງການທົດລອງທີ່ນອນໃນໂຄງການສ້າງຄວາມເຂັ້ມແຂງລະບົບຂົນສົ່ງໃນຕົວເມືອງແບບຍືນຍົງ ເພື່ອແກ້ໄຂການສັນຈອນແອອັດ ແລະ ຫຼຸດຜ່ອນການເກີດອຸບັດເຫດທາງຖະໜົນ, ຊ່ວຍໃຫ້ຜູ້ນຳໃຊ້ລົດ ໃຊ້ຖະໜົນເຂົ້າ ລະບຽບມີຄວາມປອດໄພ ແລະ ຫຼຸດຜ່ອນການເກີດອຸບັດຕິເຫດທາງຖະຫນົນ, ຊ່ວຍໃຫ້ຜູ້ນໍາໃຊ້ລົດໃຊ້ຖະຫນົນເຂົ້າສູ່ຄວາມເປັນລະບຽບຮຽບຮ້ອຍ.
  • ສຳລັບໂຄງການນີ້ ແມ່ນປັບປຸງແຕ່ຈຸດສາມແຍກ ວິທະຍາໄລຄອມເຊັນເຕີ ຫາ ວົງວຽນ 5 ເມສາ.
  • ພາກສ່ວນວົງວຽນທີ່ມ້າງອອກ ແມ່ນຈະໄດ້ປັບປຸງກໍ່ສ້າງຄືນໃໝ່ ໂດຍອອກແບບໃຫ້ເໝາະສົມກັບທັດສະນີຍະພາບຂອງພື້ນທີ່ດັ່ງກ່າວ, ຂະຫນາດລັດສະຫມີຈະໃຫຍ່ກວ່າເກົ່າຈາກ ລັດສະຫມີເກົ່າ 3 ແມັດ ເພີ່ມເປັນ ຂະຫນາດ 6,5 ແມັດ, ເປັນລັກສະນະດອນວົງວຽນ ທີ່ຕົບແຕ່ງທາສີ ແລະ ຕິດຕັ້ງເຄື່ອງໝາຍສະທ້ອນແສງໃສ່ໃນວົງວຽນ.

ສຸດທ້າຍນີ້, ທາງທີມງານລາວໂພສຂໍຂອບໃຈມາຍັງ ພະແນກ ໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ທີ່ໄດ້ໃຫ້ລາຍລະອຽດຂໍ້ມູນກ່ຽວກັບໂຄງການດັ່ງກ່າວໄດ້ຢ່າງຄົບຖ້ວນ ແລະ ຂໍໃຫ້ປະຊາຊົນທີ່ໃຊ້ລົດໃຊ້ຖະໜົນອົດທົນນຳກັນໃນຊ່ວງສ້ອມແປງຄັ້ງນີ້.

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...