spot_img
Homeນານາສາລະຮູ້ໄວ້ກ່ອນຄິດຈະໄປຂໍຄືນດີກັບແຟນເກົ່າ

ຮູ້ໄວ້ກ່ອນຄິດຈະໄປຂໍຄືນດີກັບແຟນເກົ່າ

Published on

       25_20140716102827.

          ສໍາລັບ ບາງ​ຄູ່​ການ​ເລີກ​ກັນ​ອາດ​ເກີດ​ຈາກ​ຄວາມ​ບໍ່​ຕັ້ງ​ໃຈ ແຕ່​ເປັນ​ເພາະ​ອາລົມ​ຊົ່ວ​ຄາວ​ຫລັງ​ຈາກ​ທີ່​ຜິດ​ກັນ ຫລື ​ບໍ່​ກໍ​ເປັນ​ແຕ່​ເລື່ອງ​​ເລັກນ້ອຍ​​ເທົ່າ​ນັ້ນ​ເອງ ທັງ​ທີ່​ຈິງ​ກໍ​ບໍ່ແມ່ນ​ບັນຫາ​ໃຫຍ່ໂຕ​ຫຍັງ​ເລີຍ     ແລະ ​ຕອນ​ນີ້​ກຳ​ລັງ​ເສຍ​ໃຈ​ ກັບ​ສິ່ງ​ທີ່ເກິດຂື້ນ ກໍ​ເລີຍ​ຢາກ​ຈະ​ຂໍ​ໂອ​ກາດ​ແຟນ​ເກົ່າໂດຍກັບ​ໄປ​ຄືນດີເພື່ອ​ຂໍ​ແກ້​ໄຂ​ສິ່ງ​ທີ່​ຜິດ​ພາດ ແຕ່​ກ່ອນ​ທີ່​ຄິດ​ຈະ​ໄປຂໍຄືນດີ​ຄວນ​ໄຕ່​ຕອງ​ສິ່ງເຫລົ່ານີ້​ໃຫ້​ດີກ່ອນ
1. ໃຊ້​ຊີວິດ​ຕາມ​ປົກກະຕິ ຍ້ອນ​ກັບ​ໄປ​ຕອນ​ທີ່​ຍັງ​ໂສດ ​ແລະ ​ໃຊ້​ຊີວິດ​ຄື ​ແບບ​ເກົ່າ​ໃຫ້​ໄດ້​ເສຍ​ກ່ອນ ໂດຍ​ການ​ອອກ​ໄປ​ພົບ​ປະ​ເພື່ອນ​ຝູງ​ນຳ ເຮັດ​ກິດຈະກຳ​ທີ່​ເຄີຍ​ມັກ​ເຮັດ​ໃນ​ເວລາ​ວ່າງ ພ້ອມໆກັບ​ເປີດ​          ສັງຄົມ​ຂອງ​ຕົວ​ເອງ​ໃຫ້​ກວ້າງ​ຂຶ້ນ ທີ່​ສຳຄັນ​ພະຍາຍາມ​ໂຟ​ກັດ​ກັບ​ສິ່ງ​ທີ່​ຢູ່​ຕໍ່​ໜ້າ​ກ່ອນ​ສະເໝີ​ແທນ​ທີ່​ຈະ​ຄິດ​ເຖິງ​ແຕ່​ເລື່ອງ ຂອງ​ແຟນ​ເກົ່າ ເພື່ອ​ເສີມ​ສ້າງ​ຄວາມຫມັ້ນ​ໃຈ​ໃນ​ຕົວ​ເອງ ​ແລ ະ​ມີ​ຈິດ​ໃຈ​ທີ່     ຫມັ້ນຄົງ​ແຂງ​ແຮງ​ຍິ່ງ​ຂຶ້ນ

  1. ຄົ້ນ​ຫາ​ສາ​ເຫດ​ໃຫ້​ເຈິ ກ່ອນທີ່ຈະ​ໄປງໍ້ແຟນ​ເກົ່າ ຄວນ​ຫາ​ສາ​ເຫດ​ທີ່​ແທ້​ຈິງ​ໃຫ້​ເຈີ​ກ່ອນ​ວ່າ​ເພາະ​ເຫດ​ໃດ​ທີ່​ເຮັດໃຫ້​​ເຈົ້າ​ຕ້ອງ​ເລີກ​ກັນ ເລີ່ມ​ຈາກ​ລອງ​ສຳ​ລວດ​ຈາກ​ພຶດຕິກຳ​ຂອງ​ຕົວ​ເອງ​ກ່ອນ ໂດຍ​ຂຽນ​ໃສ່​ເຈ້ຍ​ຈາກ​ເລື່ອງ​ທີ່​ແຟນ​ເກົ່າ​ມັກ​ຈະ​ຕິ​ເຈົ້າ​ເລື້ອຍໆ ລວມ​ໄປ​ເຖິງ​ເລື່ອງ​ທີ່​ເຈົ້າ​ຄິດວ່າ​ຄວນ​ຈະ​ປ່ຽນ​ແລ້ວ​ຕໍ່​ດ້ວຍ​ການ​ຫາ​ວິທີ​ແກ້​ໄຂ ເພື່ອ​ປັບ​ປ່ຽນ​ນິ​ໄສ​ນັ້ນ​ໃຫ້​ດີ​ຂຶ້ນ​ ຫລື ​ສະແດງ​ອອກ​ໃນ​ທາງ​ທີ່​ແຕກ​ຕ່າງ​ອອກ​ໄປ
  2. ຫາ​ທາງ​ແກ້​ໄຂ​ສິ່ງ​ທີ່​ເປັນ​ປັນ​ຫາ ຄ່ອຍ​ໆ ພິຈາລະນາ​ແລ້ວ​ຫາ​ທາງ​ແກ້​ໄຂ​ໄປ​ເທື່ອລະ​ບັນຫາເຊັ່ນ ຈະ​ຕ້ອງ​ຕາມ​ຕິດ​ໄປ​ນຳ​ທຸກ​ເທື່ອ​ເວລາ​ທີ່​ເຂົາ​ອອກ​ໄປ​ທ່ຽວ​ກັບ​ໝູ່ ຈາກ​ນີ້​ກໍ​ລຸດ​ພຶດຕິກຳ​ໃຫ້​ໜ້ອຍ​ລົງ​​ແລະ ​ຖາມ​ແຕ່​ຂໍ້​ມູນ​ໜ້ອຍໆ ໃຫ້​ຮູ້​ວ່າ​ເຂົາ​ໄປ​ກັບ​ໃຜ​ຢູ່ໃສກໍ​ພໍ ເພາະ​ຄວາມ​ຫຶງ​ຫວງ​ເກີນ​ໄປ ຈະ​ເຮັດໃຫ້​ແຟນ​ເກົ່າ​ຮູ້ສຶກ​ອຶດ​ອັດ
  3.   ເຮັດ​ຄວາມ​ເຂົ້າໃຈ​ກັບ​ແຟນ​ເກົ່າ ໂອ້ລົມ​ກັບ​ແຟນ​ເກົ່າ​ເຖິງ​ຄວາມ​ເປັນ​ໄປ​ໄດ້​ຂອງ​ໂອ​ກາດ​ທີ່​ຈະ​ກັບ​ມາ​ຮັກ​ກັນ​ຄື​ເກົ່າ ແລະ ​ອະທິບາຍ​ເຖິງ​ສາ​ເຫດ​ໃຫ້​ຊັດເຈນ ພ້ອມ​ກັບ​ເວົ້າ​ຢ່າງ​ເປີດ​ເຜີຍ​ໄປ​ເລີຍ​ວ່າ​ເພາະ​ເຫດ​ໃດ​ທີ່​ເຮັດໃຫ້​ຕັດ​ສິນ​ໃຈ​ເລີກ​ກັນ ພ້ອມ​ກັບ​ຫາ​ທາງ​ເຮັດໃຫ້​ຮັກ​ກັບ​ມາ ແຕ່​ມີ​ຄວາມ​ສຸກຫມັ້ນຄົງ ແລະ ​ມີ​ຄວາມ​ສຳພັນ​ທີ່​ແຂງ​ແຮງ​ຫລາຍກວ່າ​ເກົ່າ ແຕ່​ທີ່​ສຳຄັນ​ໄປ​ກວ່າ​ນັ້ນ ຄື ເຈົ້າ​ຄວນ​ຈະ​ຍອມ​ຮັບ​ຄວາມ​ຜິດ​ຂອງ​ຕົວ​ເອງ​ທີ່​ແຟນ​ເກົ່າ​ບອກ​ມາ​ໃຫ້​ໄດ້​
  4. ເລີ່ມ​ຕົ້ນ​ຄວາມ​ຮັກ​ໃໝ່​ດ້ວຍ​ສິ່ງ​ດີໆ ເລີ່ມ​ຕົ້ນ​ຄວາມ​ສຳພັນ​ໃໝ່​ກັບ​ຄົນ​ເກົ່າ​ດ້ວຍ​ທັດ​ສະນາຄະ​ຕິ​ທີ່​ດີ ພະຍາຍາມ​ເຮັດ​ສິ່ງ​ທີ່​ຄິດວ່າ​ສົ່ງ​ຜົນດີີ​​ຫລາຍ​ທີ່ສຸດ ແລະ ​ຄວບ​ຄຸມ​ຕົວ​ເອງ​ໃຫ້​ເຮັດ​ຕາມ​ທີ່​ຕົກລົງ​ກັນ​ໄວ້​ໃຫ້​ໄດ້ເຊັ່ນ ຖ້າແຟນ​ເກົ່າ​ບໍ່​ມັກ​ໃຫ້​ເຈົ້າ​ມາ​ຊ້າ​ກໍ​ພະຍາຍາມ​ມາ​ໃຫ້​ຕົງ​ເວລາ ແທນ​ທີ່​ຈະ​ປ່ອຍ​ໃຫ້​ຕົວ​ເອງ​ເຮັດ​ຕົວ​ຕາມ​ສະບາຍ ເພາະ​ບໍ່​ຢ່າງ​ນັ້ນ​ບັນຫາ​ນ້ອຍ​ໆ ເຫລົ່າ​ນີ້​ກໍ​ຈະ​ກາຍ​ເປັນ​ບັນຫາ​ໃຫຍ່ ແລະ ​ນຳ​ໄປ​ສູ່​ການ​ເລີກ​ລາ​ກັນ​ອີກ​ເທື່ອ

ບົດຄວາມຫຼ້າສຸດ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...

ຄໍາມ່ວນ ອອກແຈ້ງການ ຢຸດການອອກໃບອະນຸຍາດ ຮ້ານບັນເທີງ-ຄາລາໂອເກະ ທີ່ເຄື່ອນໄຫວບໍ່ຖືກຕ້ອງ

ຖວທ ແຂວງຄໍາມ່ວນ ອອກແຈ້ງການ ຢຸດການອອກໃບອະນຸຍາດ ຮ້ານບັນເທີງ-ຄາລາໂອເກະ ທີ່ເຄື່ອນໄຫວບໍ່ຖືກຕ້ອງ ອີງຕາມແຈ້ງການຂອງພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຄຳມ່ວນ ລົງເມື່ອວັນທີ 12 ມິຖຸນາ 2025...

ບໍລິສັດ ເອັສຊີລໍລຸກໂຊຕຕິກ້າ EssilorLuxottica ເປີດສາຂາສອງຢ່າງເປັນທາງການ

ບໍລິສັດ ເອັສຊີລໍລຸກໂຊຕຕິກ້າ EssilorLuxottica ເປີດສາຂາສອງຢ່າງເປັນທາງການ ເພື່ອຂະຫຍາຍກຳລັງການຜະລິດໃນ ສປປ ລາວ ແລະ ສະໜັບສະໜູນການເຕີບໂຕຂອງຕະຫຼາດໃນພາກພື້ນ ວັນທີ 11 ມິຖຸນາ 2025 ທີ່ແຂວງສະຫວັນນະເຂດ, ເອັສຊີລໍລຸກໂຊຕຕິກ້າ...

ອິນເດຍປະກາດເຕືອນໄພລະດັບ ສີແດງ ກຽມຮັບມືຄື່ນຄວາມຮ້ອນຮຸນແຮງສູງເຖິງ 51.9 ອົງສາ

ອິນເດຍປະກາດເຕືອນໄພລະດັບ ສີແດງ ກຽມຮັບມືຄື່ນຄວາມຮ້ອນຮຸນແຮງດັດສະນີຄວາມຮ້ອນສູງເຖິງ 51.9 ອົງສາ ຂະນະດຍວກັນຄຸນນະພາບອາກາດກໍຢູ່ໃນລະດັບ ບໍ່ດີ ດັດສະນີຄຸນນະພາບອາກາດຢູ່ທີ 245 ເຊິ່ງສູງເກີດເກນມາດຕະຖານ ສົ່ງຜົນກະທົບຕໍ່ສຸຂະພາບະຊາຊົນ. ໃນວັນທີ 11 ມິຖຸນາ 2025...