ເຫດການນີ້ເກີດຂຶ້ນທີ່ປະເທດອາຟຣິກາໃຕ້ ໂດຍຄອບຄົວຄົນປະເທດອັງກິດ ທີ່ກໍາລັງຕົກແຕ່ງຕົ້ນຄຣິດສະມາສ ເນື່ອງໃນໂອກາດວັນຄຣິດສະມາສ ແຕ່ກໍຕ້ອງຕົກໃຈເມື່ອພົບງູມີພິດທີ່ມີຄວາມຍາວປະມານ 1.2 ແມັດ ເລືອອອກມາຈາກດ້ານຫຼັງຂອງຕົ້ນຄຣິດສະມາສ.
ພວກເຂົາໄດ້ໂທໃຫ້ໜ່ວຍກູ້ໄພມາຈັບງູ ແລະ ເປັນເວລາກວ່າ 2 ຊົ່ວໂມງເຈົ້າໜ້າທີ່ກໍມາຮອດ ແລະ ສາມາດນໍາເອົາງູໂຕດັ່ງກ່າວອອກຈາກຕົ້ນຄຣິດສະມາສໄດ້. ງູທີ່ຢູ່ຕົ້ນຄຣິດສະມາສນັ້ນ ເປັນງູທີ່ມີພິດຮ້າຍແຮງທີ່ສຸດໃນອາຟຣິກາ ທີ່ສາມາດເຕີບໃຫຍ່ໄດ້ເຖິງ 1.8 ແມັດ ແລະ ສາມາດອ້າປາກໄດ້ເຖິງ 170 ອົງສາ. ດັ່ງນັ້ນຖ້າຫາກຖືກກັດພຽງຄັ້ງດຽວກໍອາດຈະເຮັດໃຫ້ເສຍຊີວິດໄດ້ ຖ້າຫາກວ່າບໍ່ໄດ້ຮັບການປິ່ນປົວຢ່າງທັນເວລາ.
ແຫຼ່ງຂ່າວ: Khaosod