spot_img
Homeຂ່າວພາຍ​ໃນປະຊາຊົນໃນຊົນນະບົດຍັງລັ່ງເລເລື່ອງສັກວັກຊີນປ້ອງກັນໂຄວິດໃນລາວ

ປະຊາຊົນໃນຊົນນະບົດຍັງລັ່ງເລເລື່ອງສັກວັກຊີນປ້ອງກັນໂຄວິດໃນລາວ

Published on

ປະຊາຊົນຫຼາຍຄົນທີ່ອາໄສຢູ່ເຂດຊົນນະບົດທົ່ວປະເທດຍັງລັ່ງເລເລື່ອງຄວາມປອດໄພຂອງວັກຊີນ ປ້ອງພະຍາດໂຄວິດ-19, ຂະນະທີ່ເຈົ້າໜ້າທີ່ພະຍາຍາມທຸກວິທີທາງໃນການໂຄສະນາປະຊາສຳພັນ ເພື່ອສ້າງຄວາມຮູ້ຄວາມເຂົ້າໃຈໃຫ້ແກ່ປະຊາຊົນທົ່ວປະເທດ ເພື່ອຮັບປະກັນໃຫ້ປະຊາຊົນໃນເຂດຊົນນະບົດສາມາດເຂົ້າເຖິງວັກຊີນໄດ້.

ທ່ານ ດຣ ຈັນໃສ ປັດທຳມະວົງ, ຮອງຫົວໜ້າໂຄງການໃຫ້ວັກຊີນກັນພະຍາດແຫ່ງຊາດ ກ່າວຕໍ່ທີມງານລາວໂພສ ໃນວັນທີ 13 ທັນວາ 2021 ວ່າ: ປັດຈຸບັນຍັງມີຫຼາຍແຂວງໃນທົ່ວປະເທດທີ່ມີອັດຕາການສັກວັກຊີນທີ່ຕໍ່າ ເຊິ່ງມີສ່ວນມາຈາກຄວາມລັ່ງເລໃນຄວາມປອດໄພຂອງວັກຊີນກັນພະຍາດໂຄວິດ-19, ພວກເຂົາຍັງມີຄວາມເຂົ້າໃຈຜິດກ່ຽວກັບຜົນຂ້າງຄຽງຂອງວັກຊີນ, ການໄດ້ຍິນຂ່າວລື ຂໍ້ມູນທີ່ບໍ່ມີຄວາມຈິງ ແລະ ຄວາມຄິດທີ່ວ່າບ່ອນທີ່ຕົນເອງຢູ່ບໍ່ມີຄວາມສ່ຽງ ຫຼືວ່າຕົນເອງບໍ່ໄດ້ໄປໃສ ບໍ່ຈຳເປັນຕ້ອງສັກ. ເຊິ່ງກຸ່ມໃນເຂດຫ່າງໄກສອກຫຼີກ, ຜູ້ສຸງອາຍຸຍັງເຂົ້າບໍ່ເຖິງວັກຊີນ, ປະຊາຊົນບາງຄອບຄົວບໍ່ຢູ່ເຮືອນເນື່ອງຈາກລະດູເກັບກ່ຽວ, ວັກຊີນບໍ່ສາມາດເອົາໄປໄວ້ຫຼາຍໆໄດ້ ເນື່ອງຈາກບາງສຸກສາລາຍັງບໍ່ມີອຸປະກອນຮອງຮັບວັກຊີນເທື່ອ ສະນັ້ນເມືອງຈິ່ງໄດ້ລົງໄປເຄື່ອນໄຫວບ້ານທີ່ເຂົ້າເຖິງຍາກ.

ທ່ານກ່າວຕື່ມວ່າ: ປະຈຸບັນການຂົນສົ່ງວັກຊີນໂຄວິດ-19 ພາຍໃນປະເທດຍັງຂົນສົ່ງທາງບົກກໍຄືທາງລົດ ເນື່ອງຈາກວ່າທາງຍົນໃນໄລຍະການລະບາດໂຄວິດ-19 ຖ້ຽວບິນຍັງບໍ່ຄົງທີ່ ຈິ່ງໃຊ້ທາງລົດດີກວ່າ. ສຳລັບລົດໄຟໃນການຂົນສົ່ງນີ້ຍັງບໍ່ທັນມີເທື່ອ ຖ້າຫາກຈະເລີ່ມຂົນສົ່ງທາງລົດໄຟ, ຜູ້ຮັບປາຍທາງກໍຕ້ອງກະກຽມຄວາມພ້ອມໃນການມາຕ້ອນຮັບ, ສຳລັບພາຫະນະທີ່ໃຊ້ແມ່ນລົດໃຫຍ່ ແລ້ວເດີນທາງແຈກຢາຍໄປຊຸມຊົນຕໍ່ ບາງເຂດຫົນທາງກໍບໍ່ສະດວກ ລົດໃຫຍ່ທີ່ໃຊ້ຂົນສົ່ງວັກຊີນຍັງບໍ່ມີໃນບາງເຂດ ຫຼື ບາງເທື່ອຫົນທາງນັ້ນໃຊ້ແຕ່ລົດນ້ອຍ ເຊັ່ນ ລົດຈັກ, ລົດຕ໋ອກໆ… ເພື່ອເຂົ້າເຖິງຢ່າງດຽວ.

ການໂຄສະນາ ຍັງຕ້ອງໄດ້ໃຫ້ຫຼາຍພາກສ່ວນທີ່ກ່ຽວຂ້ອງເບິ່ງຄືນຊ່ວຍກັນເພື່ອໃຫ້ໄດ້ປະສິດທິຜົນ, ຕອນນີ້ສ່ວນໃຫຍ່ເພິ່ນຈະແຈ້ງການລົງໄປຫາບ້ານເພື່ອນຳຂໍ້ມູນຂ່າວສານເປີດໃສ່ໂທລະໂຄ່ງບ້ານ, ລວມທັງວິທະຍຸ ສ່ວນຊ່ອງທາງອອນລາຍຍັງຫ່າງໄກ ເພາະບາງເຂດກໍຍັງບໍ່ສາມາດເຂົ້າເຖິງຮູບແບບດັ່ງກ່າວ.

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...