ເວັບໄຊ Science Alert ລາຍງານ: ຜົນການວິໄຈໃໝ່ຊີ້ໃຫ້ເຫັນວ່າ ການນຳໃຊ້ຢາຊິນເດນາຟິນ ເຊິ່ງເປັນທີ່ຮູ້ຈັກກັນດີໃນຊື່ຢາ “ໄວອາກ້າ” ມີຄວາມສຳພັນທີ່ກ່ຽວຂ້ອງໃນການລົດຄວາມສ່ຽງທີ່ຈະເກີດໂລກອັນໄຊເມີ ຫຼື ໂລກຄວາມຈຳເສື່ອມເກືອບ 70% ເມື່ອສົມທຽບກັບຜູ້ບໍ່ໄດ້ໃຊ້ຢາຊະນິດນີ້.
ຈາກການສຶກສາໂດຍນັກວິໄຈຈາກ ຄລິຟແລນ ຄລີນິກ ເຊິ່ງເປັນສູນການແພດດ້ານວິຊາການຊື່ດັງຂອງສະຫະລັດອາເມລິກາ ໂດຍອ້າງອີງຈາກຜົນການວິເຄາະຂໍ້ມູນປະກັນສຸຂະພາບຈາກຜູ້ຄົນກວ່າ 7,2 ລ້ານຄົນ ເຊິ່ງທີມງານພົບວ່າ ຜູ້ໃຊ້ຢາຊິນເດນາຟິນ ມີຄວາມສ່ຽງຕໍ່ໂລກອັນໄຊເມີຫຼຸດລົງເຖິງ 69% ເມື່ອທຽບກັບຜູ້ບໍ່ໄດ້ໃຊ້ ເຊິ່ງຖືເປັນການລົດລົງໃນອັດຕາສູງສົມຄວນ ຈາກທີ່ເຄີຍຄົ້ນພົບມາກ່ອນໜ້ານີ້.
ປັດຈຸບັນນັກວິໄຈກຳລັງວາງແຜນທົດລອງທາງຄລີນິກແບບສຸ່ມເພີ່ມເຕີມໄລຍະທີ 2 ເພື່ອທົດສອບຫາສາເຫດ ແລະ ຢືນຢັນປະໂຫຍດທາງການແພດຂອງຢາຊິນເດນາຟິນ ສຳລັບຜູ້ປ່ວຍອັນໄຊເມີ ເຊິ່ງແນວທາງດັ່ງກ່າວຍັງຄາດວ່າຈະມີການນຳໃຊ້ກັບໂລກປະສາດອື່ນໆນຳອີກ.