ເຈົ້າໜ້າທີ່ ປກສ ເມືອງຄູນຄຳ, ແຂວງຄຳມ່ວນ ໄດ້ກັກຕົວຜູ້ລັກລອບຂົນຢາເສບຕິດ (ຢາບ້າ) 2 ຄົນ, ພ້ອມຂອງກາງຢາບ້າ ຈຳນວນ 390.000 ເມັດ ແລະລົດ 1 ຄັນ.
ເຫດການດັ່ງກ່າວເກີດຂຶ້ນໃນວັນທີ 24 ພະຈິກ 2021, ເຈົ້າໜ້າທີ່ຕຳຫຼວດເມືອງຄູນຄຳ ແຂວງຄຳມ່ວນ ທີ່ປະຈຳຢູ່ປ້ອມຈະລາຈອນ ສາມແຍກກອງລໍ, ໄດ້ເຂົ້າກວດລົດເປົ້າໝາຍ ເຊິ່ງເປັນລົດກະບະຣີໂວ້, ໝາຍເລກທະບຽນ ຫພ 3366 ກຳແພງນະຄອນ, ໂດຍສາມາດກັກຕົວຜູ້ລັກລອບຂົນຢາເສບຕິດ ໄດ້ 2 ຄົນ ພ້ອມຂອງກາງລົດ 1 ຄັນ, ຢາບ້າໄດ້ 65 ແພັກ ເທົ່າກັບ 195 ມັດ ຫຼືຈຳນວນ 390.000 ເມັດ.
ເຈົ້າໜ້າທີ່ຕຳຫຼວດ ໄດ້ສົ່ງຕົວຜູ້ຕ້ອງຫາທັງສອງ ພ້ອມຂອງກາງໃຫ້ກັບພະແນກຕ້ານ ແລະສະກັດກັ້ນຢາເສບຕິດ ປກສ ແຂວງຄຳມ່ວນ ເພື່ອດຳເນີນຄະດີຕາມລະບຽບກົດໝາຍ.
Cr: ຈັນທະວົງ ອຸ່ນວິໄລ