spot_img
Homeຂ່າວພາຍ​ໃນນາຍົກຊີ້ງົບປະມານມີບັນຫາ ຍ້ອນຂອດຄຸ້ມຄອງອ່ອນແອ

ນາຍົກຊີ້ງົບປະມານມີບັນຫາ ຍ້ອນຂອດຄຸ້ມຄອງອ່ອນແອ

Published on

thutuonglao_HXFF

     ໃນໂອກາດເຂົ້າຮ່ວມ ແລະ ໂອ້ລົມຕໍ່ກອງປະຊຸມການເງິນ ທົ່ວປະເທດປະຈຳສົກປີ 2013- 2014 ເມື່ອຕົ້ນອາທິດນີ້ ຂອງທ່ານນາຍົກລັດຖະມົນຕີ ທອງ ສິງທຳມະວົງ ຊຶ່ງທ່ານໄດ້ຊີ້ໃຫ້ ເຫັນວ່າ: ໃນໄລຍະຜ່ານມາການທີ່ລະບົບງົບ ປະ ມານຂອງປະເທດເຮົາມີບັນຫາຫຍຸ້ງຍາກນັ້ນ ແມ່ນເກີດຈາກຂອດຄຸ້ມຄອງຂອງພວກເຮົາຍັງອ່ອນແອ, ຂະນະດຽວກັນການ ນຳໃຊ້ມາດຕະ ການດ້ານກົດໝາຍຕໍ່ພະນັກງານ-ລັດຖະກອນຜູ້ກະທຳຜິດຜູ້ລະເມີດລະບຽບການເງິນ, ສໍ້ລາດບັງຫລວງ ງົບປະມານແມ່ນບໍ່ ທັນເຂັ້ມງວດເທົ່າທີ່ຄວນຈຶ່ງເຮັດໃຫ້ຈຳນວນໜຶ່ງບໍ່ເກງກົວກົດໝາຍ.

ທ່ານນາຍົກ ກ່າວວ່າ:ໃນ ຊຸມປີຜ່ານມາ, ການບໍລິຫານ ຈັດການໜີ້ສີນພາຍໃນ ແລະ ຕ່າງປະເທດມີຄວາມຜິດພາດ ຈຶ່ງກະທົບຕໍ່ລາຍຈ່າຍງົບປະມານ, ໝາຍວ່າລາຍຮັບພາຍໃນບໍ່ທັນ ຕອບສະໜອງກັບລາຍຈ່າຍ, ເຊິ່ງໃນຕົວຈິງແລ້ວ ເຫັນວ່າລະ ບົບການເງິນແຫ່ງຊາດພວກເຮົາຍັງບໍ່ທັນເຂັ້ມແຂງ, ງົບປະມານ ລັດຍັງຂາດດຸນສູງ, ບໍ່ສາມາດ ເປັນເຈົ້າ ການທາງດ້ານການ ເງິນ, ແຫລ່ງລາຍຮັບທີ່ມີພາຍໃນບໍ່ທັນໄດ້ຮັບການຂຸດຄົ້ນລະດົມນຳໃຊ້ເຕັມຄວາມສາມາດ ຕາມລະ ບຽບກົດໝາຍ, ຖານ ລາຍຮັບໝັ້ນທ່ຽງຖາວອນຍັງມີໜ້ອຍນັບທັງພາກສ່ວນເສດຖະກິດຂອງລັດ, ລວມໝູ່ ແລະ ພາກ

ສ່ວນເສດຖະກິດອື່ນກໍບໍ່ທັນເຂັ້ມແຂງ, ນະໂຍບາຍການເງິນຂອງພວກເຮົາທີ່ມີບໍ່ທັນເປັນເຄື່ອງມືທີ່ຕັ້ງໜ້າເພື່ອຊຸກຍູ້ສົ່ງ ເສີມການຜະລິດນັບແຕ່ຫົວໜ່ວຍທຸລະກິດຄອບຄົວ, ຊາວກະສິກອນ ແລະ ວິສາຫະກິດຕ່າງໆ, ໃນໂຄງປະກອບເສດຖະ ກິດແຫ່ງຊາດເຮົາຕາມທິດນຳໃຊ້ຊັບພະຍາກອນຂອງຊາດ, ການບໍລິຫານການເງິນຍັງຜ່ານຫລາຍຂັ້ນຫລາຍຂອດ, ມີຄວາມຊັກຊ້າ, ບໍ່ທັນອຳນວຍຄວາມສະດວກໃຫ້ແກ່ຜູ້ໃຊ້ບໍລິການ, ບໍ່ທັນສ້າງສະພາບແວດລ້ອມທີ່ດີໃຫ້ແກ່ການສົ່ງເສີມ ການລົງທຶນພາຍໃນ ແລະ ຕ່າງປະເທດ, ການແບ່ງຂັ້ນຄຸ້ມຄອງການເງິນ,ງົບປະມານເປັນຕົ້ນລະຫວ່າງສູນກາງ ແລະ ທ້ອງຖິ່ນຕາມທິດສາມສ້າງຍັງບໍ່ທັນຈະແຈ້ງ, ການປະສານສົມທົບຍັງຫຍຸ້ງເຫຍືອງ ແລະ ມີການຖິ້ມຄວາມຮັບຜິດຊອບ ໃຫ້ກັນ, ກົນໄກການ ສ້າງແຜນງົບປະມານຍັງບໍ່ທັນມີການປ່ຽນແປງໃໝ່ຢ່າງແທ້ຈິງ, ຍັງເປັນແຜນການທີ່ອິງໃສ່ ຄວາມ ຕ້ອງການຈ່າຍເປັນຕົ້ນຕໍ ຈຶ່ງມອບແຜນລາຍຮັບໃຫ້ຂົງເຂດ, ຂະແໜງການຂັ້ນສູນກາງ ແລະ ທ້ອງຖິ່ນປະຕິບັດແບບ ເພີ່ມ ທະວີຄູນສູງໂດຍບໍ່ອິງໃສ່ຖານລາຍຮັບທີ່ໝັ້ນຄົງ ແລະ ຖານຂໍ້ມູນຂອງການວິເຄາະວິໄຈທີ່ຖືກຕ້ອງຂອງບັນດາວິສາຫະ ກິດປະເພດຕ່າງໆ. ຈຶ່ງເຮັດໃຫ້ການເກັບລາຍຮັບບໍ່ຖືກຕ້ອງ, ເກັບບໍ່ໝົດ, ບໍ່ທັນເວລາ, ບໍ່ທັນສ້າງກົນໄກປຸກລະດົມ ໃຫ້ທົ່ວ ລະບົບການຈັດຕັ້ງການເມືອງ, ທຸກຂະແໜງການ ແລະ ທ້ອງຖິ່ນ ຕ່າງໆເຂົ້າຮ່ວມຢ່າງຕັ້ງໜ້າໃນການຊຸກຍູ້ການເກັບ ລາຍຮັບ, ປະຕິບັດແຜນລາຍຈ່າຍ ແລະ ສະ ກັດກັ້ນການຮົ່ວໄຫລຂອງງົບປະມານໃຫ້ເປັນຮູບປະທຳໄດ້, ນອກຈາກນີ້, ການປັບປຸງການຈັດຕັ້ງຂອງຂະແໜງການເງິນນັບແຕ່ສູນກາງລົງຮອດທ້ອງຖິ່ນ ເພື່ອຄຸ້ມຄອງພະນັກງານ, ແກ້ໄຂປະກົດ ການລະເມີດລະບຽບກົດໝາຍທາງດ້ານການເງິນຂອງພະນັກງານ, ລັດຖະກອນ ແລະ ການປະຕິບັດວິໄນຕໍ່ພະນັກງານທີ່ລະ ເມີດລະບຽບກົດໝາຍທີ່ໄດ້ມີການກວດກາແລ້ວ ນັ້ນກໍຍັງເຮັດບໍ່ທັນເຂັ້ມງວດ, ທັນເວລາ ແລະ ບໍ່ຖືກກັບລະບຽບ ກົດໝາຍ ກຳນົດໄວ້.

ຂອບໃຈຂ່າວຈາກ: http://laophatthananews.blogspot.com/

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...