ໃນວັນທີ 9 ພະຈິກ 2021 ເວັບໄຊ້ ຂ່າວຕ່າງປະເທດ ໄດ້ລາຍງານວ່າ ເກີດເຫດເສົ້າສະຫຼົດໃຈ ໃນປະເທດນີເຊ ໄດ້ເກີດໄຟໄໝ້ທີ່ໂຮງຮຽນແຫ່ງໜຶ່ງໃນເມືອງ ມາຣາດີ ທາງພາກໃຕ້ຂອງປະເທດນີເຊ ສົ່ງຜົນເຮັດໃຫ້ເດັກນ້ອຍນັກຮຽນຢ່າງໜ້ອຍ 20 ຄົນເສຍຊີວິດຢູ່ໃນເຫດການນັ້ນ.
ເຫດການດັ່ງກ່າວເກີດຂຶ້ນທີ່ໂຮງຮຽນອະນຸບານແຫ່ງໜຶ່ງໃນວັນຈັນທີ 8 ພະຈິກ 2021 ທີ່ຜ່ານມາ ໃນເບື້ອງຕົ້ນຍັງບໍ່ຮູ້ເຖິງສາເຫດ ແລະ ທາງການກໍຍັງບໍ່ໄດ້ມີການຖະແຫຼງຂ່າວຢືນຢັນວ່າເກີດມີເຫດການໄຟໄໝ້ຢ່າງແທ້ຈິງຫຼືບໍ່. ຢ່າງໃດກໍຕາມ ມີການເຜີຍແຜ່ຮູບພາບຈາກບ່ອນເກີດເຫດຜ່ານສື່ອອນລາຍ ທີ່ສື່ໃຫ້ເຫັນຊາກຫັກເພຂອງອາຄານທີ່ຖືກໄຟໄໝ້ ແລະ ກຸ່ມຄວັນທີ່ປິວຂຶ້ນໃນອາກາດ.
ໜຶ່ງໃນຜູ້ປົກຄອງຂອງເດັກນ້ອຍທີ່ເສຍຊີວິດໃນເຫດການອອກມາບອກວ່າ: “ຕ້ອງການຮຽກຮ້ອງໃຫ້ທາງການບໍ່ໃຫ້ສ້າງໂຮງຮຽນທີ່ເຮັດດ້ວຍເຟືອງອີກ ບໍ່ວ່າຈະຢູ່ບ່ອນໃດຂອງປະເທດກໍຕາມ”