ເວັບໄຊ The Guardian ລາຍງານ: ວິທະຍາ​ໄລ Linacre ​ໜຶ່ງສະຖາບັນທີ່ນອນໃນອົງປະກອບຂອງມະຫາວິທະຍາໄລ Oxford ກຽມ​ປ່ຽນ​ຊື່ໃໝ່ເປັນ ວິທະຍາໄລ ທາວ (Thao College ) ເພື່ອ​ເປັນ​ກຽດ​ແກ່ທ່ານ ນາງ ຫງວຽນ ທິເຟືອງ ທາວ (Nguyen Thi Phuong Thao), ​ປະທານກຸ່ມບໍລິສັດ Sovico ຂອງຫວຽດນາມ ພາຍຫຼັງ​ປະກາດ ພ້ອມລົງນາມເພື່ອໃຫ້ການ​ບໍລິຈາກເງິນຈຳນວນ 155 ລ້ານ​ປອນ.

ຜູ້ອຳນວຍການ ວິທະຍາ​ໄລ Linacre ກ່າວວ່າ: ວິທະຍາໄລດັ່ງກ່າວສ້າງຕັ້ງຂຶ້ນໃນປີ 1962 ເຊິ່ງຈັດເປັນວິທະຍາໄລທີ່ໄດ້ຮັບທຶນໜ້ອຍສຸດໃນ ມະຫາວິທະຍາໄລ Oxford, ພ້ອມຢໍ້າວ່າຈະສະເໜີປ່ຽນຊື່ໃໝ່ເປັນວິທະຍາໄລ Thao ທັນທີຫາກໄດ້ຮັບເງິນບໍລິຈາກງວດທຳອິດຈຳນວນ 50 ລ້ານປອນ ເພື່ອເປັນການມອບຂອງຂວັນຊິ້ນສຳຄັນໃຫ້ກັບເສດຖີຍິງຊາວຫວຽດນາມຄົນນີ້.

ຢ່າງໃດກໍຕາມ, ບັນດາອາຈານປະຈຳມະຫາວິທະຍາໄລ Oxford ຕ່າງກໍບໍ່ເຫັນດີກັບການປ່ຽນຊື່ໃໝ່ນີ້ ໂດຍອ້າງວ່າ ການບໍລິຈາກຂອງທາວໃຫ້ກັບສະຖາບັນ ແມ່ນເພື່ອຜົນປະໂຫຍດທາງທຸລະກິດຂອງ ບໍລິສັດ Sovico ເທົ່ານັ້ນ.