spot_img
Homeຂ່າວຕ່າງປະເທດMark Zuckerberg ປະກາດການປ່ຽນຊື່ໃໝ່ບໍລິສັດແມ່ Facebook ເປັນ Meta ເພື່ອປັບຕົວເຂົ້າສູ່ໂລກ Metaverse ເຕັມຕົວ

Mark Zuckerberg ປະກາດການປ່ຽນຊື່ໃໝ່ບໍລິສັດແມ່ Facebook ເປັນ Meta ເພື່ອປັບຕົວເຂົ້າສູ່ໂລກ Metaverse ເຕັມຕົວ

Published on

​ມີຂ່າວ​ລືມາ​ເປັນ​ເວ​ລາ​ຫຼາຍ​ມື້​ວ່າ Facebook ຈະປ່ຽນຊື່ບໍລິສັດ, ເຊິ່ງໃນມື້ນີ້ Mark Zuckerberg ກໍໄດ້ປະກາດຊື່ໃໝ່ອອກມາແລ້ວ ອອກມາເປັນ ‘Meta’ ໂດຍຊື່ນີ້ແມ່ນເກີດຂຶ້ນໃນວິດີໂອຖະແຫຼງເຖິງແນວທາງການນໍາພາຜູ້ໃຊ້ເຟສບຸກ ເຂົ້າໄປໃນໂລກຂອງ Metaverse ທີ່ບໍລິສັດກໍາລັງກະກຽມໄວ້ໃຫ້.

Zuckerberg ກ່າວວ່າ ຊື່ຂອງບໍລິສັດໄດ້ຖືກຜູກມັດເຂົ້າກັບໂປຣດັກຊັ່ນດຽວ ນັ້ນກໍຄືເຟສບຸກ, ເຖິງແມ່ນວ່າບໍລິສັດຈະມີໂປຣດັກຊັ່ນອີກຈໍານວນຫນຶ່ງໃນເຄືອ ເຊັ່ນ: Instagram ແລະ WhatsApp ຈຶ່ງຈໍາເປັນຕ້ອງປ່ຽນຊື່ເພື່ອໃຫ້ກວມໂປຣດັກຊັ່ນຕ່າງໆ ທີ່ກໍາລັງກ້າວໄປສູ່ໂລກໃໝ່ເຊັ່ນ Metaverse ຫຼາຍຂຶ້ນ

ຢ່າງໃດກໍຕາມ, ການປ່ຽນຊື່ຄັ້ງນີ້ ມັນຍັງເປັນພຽງແຕ່ການປ່ຽນຊື່ສໍາລັບ ‘ບໍລິສັດ’ ເທົ່ານັ້ນ, ແຕ່ໂປຣດັກຊັ່ນຕ່າງໆ ທີ່ເປັນສື່ສັງຄົມອອນລາຍກໍຈະຍັງໃຊ້ຊື່ເກົ່າຕໍ່ໄປ

Metaverse ຄືໂລກແຫ່ງໃໝ່ທີ່ ‘Meta’ ກໍາລັງຈະສ້າງຂຶ້ນມາ ໂດຍການເປີດຕົວໃນມື້ນີ້ Zuckerberg ແລະ ທີມງານໄດ້ສາຍພາບໃຫ້ເຫັນເຖິງການຍ້ານ ຄົນເຮັດວຽກຈາກໂລກທີ່ແທ້ຈິງ ມາເຮັດວຽກຮ່ວມກັນໃນໂລກທີ່ຄືກັບວ່າ ເຂົາເຈົ້າສາມາດພົວພັນກັນໄດ້ແທ້ໆ ແລະ ​ສ້າງ​ຄວາມ​ເປັນ​ໄປ​ໄດ້​ໃໝ່ໆ ຂຶ້ນມາ ​ໃນ​ແບບທີ່​ໂລກ​ທີ່​ແທ້​ຈິງ​​ຍັງ​ບໍ່​ສາ​ມາດ​ເຮັດ​ໄດ້​

ຕະຫຼອດການນໍາສະເໜີຂອງທີມງານ Zuckerberg ຈຸດສໍາຄັນແມ່ນພະຍາຍາມສື່ສານວ່າໂລກ Metaverse ຈະເປັນສິ່ງທີ່ບໍລິສັດແຫ່ງນີ້ຈະສ້າງຂຶ້ນມາຢ່າງຈິງຈັງ ເຖິງແມ່ນວ່າເຕັກໂນໂລຊີທີ່ສາມາດສ້າງໂລກນີ້ ຈະຍັງຢູ່ໃນຂັ້ນຕອນການຄົ້ນຄວ້າກໍຕາມ

ອ້າງອີງ: Theverge , Facebook Reality Laps

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...