spot_img
Homeຂ່າວພາຍ​ໃນຮູ້ຕົວຈະໄປບໍ່ລອດ! ຕັດສິນຖິ້ມຢາບ້າ 6 ລ້ານເມັດໄວ້ໃຫ້ເຈົ້າໜ້າທີ່

ຮູ້ຕົວຈະໄປບໍ່ລອດ! ຕັດສິນຖິ້ມຢາບ້າ 6 ລ້ານເມັດໄວ້ໃຫ້ເຈົ້າໜ້າທີ່

Published on

ຜູ້ຕ້ອງສົງໄສຂົນສົ່ງຢາເສບຕິດປະເພດຢາບ້າຮູ້ຕົວວ່າຈະໄປບໍ່ລອດ, ຕັດສິນໃຈຖິ້ມຂອງກາງຢາບ້າ 6 ລ້ານເມັດພ້ອມລົດລີໂວ 1 ຄັນໄວ້ໃຫ້ເຈົ້າໜ້າທີ່ ປກສ ເມືອງຕົ້ນເຜິ້ງ, ແຂວງບໍ່ແກ້ວ ຂະນະທີ່ຜູ້ກ່ຽວເອົາຕົວຫຼົບໜີຈາກການຈັບກຸມ.

ເຫດການດັ່ງກ່າວເກີດຂຶ້ນໃນວັນທີ 25 ຕຸລາ 2021, ເຈົ້າໜ້າທີກອງບັນຊາການ ປກສ ເມືອງຕົ້ນເຜິ້ງ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ຈະມີການຂົນສົ່ງຢາເສບຕິດ ຈາກເມືອງຕົ້ນເຜິ້ງ ຫາ ເມືອງຫ້ວຍຊາຍ. ຈາກນັ້ນ, ກອງບັນຊາການ ປກສ ເມືອງຕົ້ນເຜິ້ງ ຈິ່ງໄດ້ຈັດຕັ້ງກຳລັງວິຊາສະເພາະລົງສົມທົບກັບ ປກສ – ປກຊ ທີ່ປະຈຳຢູ່ຈຸດກວດທາງເຂົ້າໂຄງການກໍ່ສ້າງສະໜາມບິນ ເຂດບ້ານໃຫຍ່ສີເມືອງງາມ ຕິດຕາມພົບເຫັນລົດເປົ້າໝາຍ 02 ຄັນ ບໍ່ມີປ້າຍທະບຽນ ຄື: ລົດຍີຫໍ້ປາລາໂດ 01 ຄັນ ແລະ ລົດລີໂວສີຂາວ 01 ຄັນ ແລ່ນອອກຈາກເສັ້ນທາງເວັ້ນສະໝາມບິນທາງເຈົ້າໜ້າທີ່ຈິ່ງໄດ້ສະແດງຕົວເພື່ອກວດກາລົດເປົ້າໝາຍດັ່ງກ່າວ ແຕ່ຄັນທີໜຶ່ງແລ່ນໜີດ້ວຍຄວາມໄວໄປທາງເສັ້ນທາງຈາກບ້ານໃຫຍ່ສີເມືອງງາມໄປຫາບ້ານດອນທາດ ສ່ວນຄັນທີສອງ ຈອດຫ່າງຈາກເຈົ້າໜ້າທີ 50 – 60 ແມັດ ແລ້ວຜູ້ຂັບໄດ້ແລ່ນຫຼົບໜີເຂົ້າໄປໃນປ່າ ເຊິ່ງທາງເຈົ້າໜ້າທີ່ໄດ້ແລ່ນນໍາແຕ່ບໍ່ທັນ. ຫຼັງຈາກນັ້ນ, ທາງເຈົ້າໜ້າທີ່ໄດ້ກວດກາລົດຄັນດັ່ງກ່າວ ພົບຢາເສບຕິດປະເພດຢາບ້າຈຳນວນ 30 ເປົາ, ເທົາກັບ 3,000 ມັດ ຫຼື 6,000,000 ເມັດ.

ຕໍ່ຜູ້ກະທຳຜິດດັ່ງກ່າວ, ທາງເຈົ້າໜ້າທີ່ກອງບັນຊາການ ປກສ ເມືອງຕົ້ນເຜິ້ງ ໄດ້ມອບໃຫ້ພະແນກສະກັ້ດກັ້ນ ແລະຕ້ານຢາເສບຕິດ ຫ້ອງຕໍາຫຼວດກອງບັນຊາການ ປກສ ແຂວງບໍ່ແກ້ວ ສືບຕໍ່ດຳເນີນການຕິດຕາມເພື່ອຊອກຫາຜູ້ກະທໍາຜິດ ມາດຳເນີນຄະດີຕາມລະບຽບກົດໝາຍ.

ຂໍ້ມູນຈາກ: ໜັງສືພິມບໍ່ແກ້ວ

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...