spot_img
Homeຂ່າວພາຍ​ໃນກະຊວງສາທາມອບລົດນຳສົ່ງຄົນເຈັບ 50 ຄັນໃຫ້ໂຮງໝໍສູນກາງ ແລະ ຊຸມຊົນທົ່ວປະເທດ

ກະຊວງສາທາມອບລົດນຳສົ່ງຄົນເຈັບ 50 ຄັນໃຫ້ໂຮງໝໍສູນກາງ ແລະ ຊຸມຊົນທົ່ວປະເທດ

Published on

ກະຊວງສາທາລະນະສຸກໄດ້ມອບລົດນຳສົ່ງຄົນເຈັບ (Ambulance) ຈຳນວນ 50 ຄັນ ໃຫ້ແກ່ໂຮງໝໍສູນກາງ ແລະ ໂຮງໝໍຊຸມຊົນທົ່ວປະເທດ ເພື່ອຮັບໃຊ້ເຂົ້າໃນວຽກງານສາທາລະນະສຸກ, ເຊິ່ງເປັນລົດທີ່ໄດ້ຮັບຈາກລັດຖະບານ ໂດຍທຶນກູ້ຢືມຈາກທະນາຄານພັດທະນາອາຊີ.

ທ່ານ ດຣ. ສະໜອງ ທອງຊະນະ ຮອງລັດຖະມົນຕີກະຊວງສາທາລະນະສຸກ ໄດ້ກ່າວວ່າ ລົດຈຳນວນດັ່ງກ່າວຈະໄດ້ນຳໃຊ້ເຂົ້າໃນການບໍລິການສາທາລະນະສຸກ ບໍ່ວ່າຈະເປັນການຮັບໃຊ້ວຽກງານໂຄວິດ ກໍຄືການບໍລິການຮັບ-ສົ່ງຄົນເຈັບທົ່ວໄປໃຫ້ມີປະສິດທິພາບ, ເພື່ອແກ້ໄຂບັນຫາການນຳສົ່ງ ທັງຮັບປະກັນການເຂົ້າເຖິງການບໍລິການຂອງປະຊາຊົນບັນດາເຜົ່າ, ລວມທັງແມ່ຍິງ ແລະ ເດັກນ້ອຍ ເພື່ອເຮັດໃຫ້ບັນລຸແຜນພັດທະນາສາທາລະນະສຸກ 5 ປີຄັ້ງທີ IX, ບັນລຸ 11 ຕົວຊີ້ບອກ ແລະ ເຮັດໃຫ້ ສປປລາວ ຫຼຸດພົ້ນຈາກຄວາມທຸກຍາກ.

ໃນພິທີມອບຮັບຄັ້ງນີ້, ມີ 11 ແຂວງ, ນະຄອນຫຼວງ, ໂຮງໝໍ 103 ກອງທັບ ແລະ ສູນປິ່ນປົວ ແລະ ຮັກສາສຸຂະພາບຕາ. ນອກຈາກນີ້, ກະຊວງສາທາລະນະສຸກຍັງຈະໄດ້ຮັບການຊ່ວຍເຫຼືອຈາກລັດຖະບານຍີ່ປຸ່ນຕື່ມ 81 ຄັນ ເຊິ່ງໄດ້ແຈກຢາຍໄປກ່ອນໜ້ານີ້ 7 ຄັນ ສ່ວນທີ່ເຫຼືອ 74 ຄັນ ແມ່ນຈະໄດ້ແຈກຢາຍໃຫ້ບັນດາໂຮງໝໍແຂວງ, ໂຮງໝໍຊຸມຊົນ ທີ່ຍັງບໍ່ທັນໄດ້ຮັບ.

ພິທີມອບຮັບລົດນຳສົ່ງຄົນເຈັບຈຳນວນ 50 ຄັນຄັ້ງນີ້ຈັດຂຶ້ນໃນວັນທີ 27 ກັນຍາ 2021 ທີ່ກະຊວງສາທາລະນະສຸກ, ກ່າວມອບໂດຍທ່ານ ດຣ. ສະໜອງ ທອງຊະນະ, ຮອງລັດຖະມົນຕີກະຊວງສາທາລະນະສຸກ ໂດຍມີຕາງໜ້າຈາກພະແນກສາທາລະນະສຸກທົ່ວປະເທດເປັນຜູ້ຮັບ.

ບົດຄວາມຫຼ້າສຸດ

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...

ໂຮມຊຸມນຸມ ສະຫລອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ

ໂຮມຊຸມນຸມ ສະຫລອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ ພິທີໂຮມຊຸມນຸມ ສະເຫລີມສະຫລອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ ໄດ້ຈັດຂຶ້ນໃນວັນທີ...

ປກສ ເມືອງບາຈຽງຈະເລີນສຸກແລະ ປກສ ແຂວງຈຳປາສັກສຶກສາອົບຮົມກຸ່ມຍັກຍອກຢາງພາລາຂອງສາມບໍລິສັດ

ກອງບັນຊາການ ປກສ ເມືອງບາຈຽງຈະເລີນສຸກແລະ ປກສ ແຂວງຈຳປາສັກສຶກສາອົບຮົມກຸ່ມຍັກຍອກຢາງພາລາຂອງສາມບໍລິສັດ ວັນທີ 8 ສິງຫາ 2025 ນີ້, ກອງບັນຊາການ ປກສ ເມືອງບາຈຽງຈະເລີນສຸກ ແລະ ປກສ...