spot_img
Homeຂ່າວຕ່າງປະເທດNYT ຢືນຢັນ! ອິດສະຣາແອນສັງຫານນັກວິທະຍາສາດນິວເຄຼຍຊາວອີຣານດ້ວຍຫຸ່ນຍົນ

NYT ຢືນຢັນ! ອິດສະຣາແອນສັງຫານນັກວິທະຍາສາດນິວເຄຼຍຊາວອີຣານດ້ວຍຫຸ່ນຍົນ

Published on

ແຫຼ່ງຂ່າວ New York Times ລາຍງານວ່າ: ທ່ານ ໂມເຊນ ຟາຄຣິຊາເດ (Mohsen Fakhrizadeh) ນັກວິທະຍາສາດດ້ານນິວເຄຼຍລະດັບແນວໜ້າຂອງອີຣານ ຖືກລອບສັງຫານດ້ວຍປືນໄຣເຟິນດັກຍິງດ້ວຍລະບົບຫຸ່ນຍົນທີ່ຄວບຄຸມຈາກໄລຍະໄກໂດຍເຈົ້າໜ້າທີ່ອິດສະຣາແອນ.

ລາຍງານດັ່ງກ່າວສອດຄ່ອງກັບບັນຊີຂອງກອງກຳລັງປະຕິວັດອີຣານ ກ່ຽວກັບເຫດການໃນວັນທີ 27 ພະຈິກ 2020 ເມື່ອພວກເຂົາອ້າງວ່າ ປືນກົນອັດສະລິຍະທີ່ຄວບຄຸມດ້ວຍດາວທຽມ ໄດ້ສັງຫານນັກວິທະຍາສາດຜູ້ເຄາະຮ້າຍ ຂະນະກຳລັງຂັບລົດພ້ອມພັນລະຍາມຸ່ງໜ້າກັບບ້ານທີ່ທາງພາກຕາເວັນອອກຂອງເຕຫະຣານ ເຊິ່ງທ່ານ ຟາຄຣິຊາເດ ຖືກຍິງດ້ວຍປືນໄຣເຟິນອັດສະລິຍະປະມານ 4 ນັດເຮັດໃຫ້ເສຍຊີວິດຄາທີ່ ສ່ວນຜູ້ເປັນເມຍໄດ້ຮັບບາດເຈັບສົມຄວນ.

ໜ່ວຍງານທີ່ກ່ຽວຂ້ອງຂອງອີຣານເຄີຍກ່າວເຕືອນນັກວິທະຍາສາດຄົນດັ່ງກ່າວກ່ຽວກັບແຜນການລອບສັງຫານທີ່ເຫັນວ່າຈະເປັນໄປໄດ້ ເນື່ອງຈາກເຊື່ອໝັ້ນວ່າ ທ່ານ ຟາຄຣິຊາເດ ເປັນຜູ້ນຳແຫ່ງຄວາມພະຍາຍາມຂອງອີຣານໃນການສ້າງລະເບີດນິວເຄຼຍ ເຮັດໃຫ້ອິດສະຣາແອນຕ້ອງການກຳຈັດຜູ້ເປັນຫົວຕໍ່ສຳຄັນນີ້.

ປືນອັດສະລິຍະທີ່ໃຊ້ໃນການລອບສັງຫານ ພ້ອມເຄື່ອງມືຫຸ່ນຍົນຂັ້ນສູງ ມີນໍ້າໜັກປະມານໜຶ່ງໂຕນ ເຊິ່ງ NYT ລາຍງານວ່າ ເຈົ້າໜ້າທີ່ອິດສະຣາແອນໄດ້ລັກລອບເອົາສິ້ນສ່ວນອາວຸດດັ່ງກ່າວເຂົ້າໄປໃນອີຣານ ກ່ອນຈະປະກອບເຂົ້າກັນ ພ້ອມບັນຈຸລະເບີດຫຼາຍກິໂລໄວ້ໃນລົດ ເພື່ອໃຊ້ກຽມການລະເບີດຫຼັກຖານພາຍຫຼັງສຳເລັດພາລະກິດລອບສັງຫານ.

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...