spot_img
Homeຄວາມງາມ4 ຈຸດ​ສຳຄັນ​ ​ທີ່​ຕ້ອງ​ໃສ່​ໃຈ​ກ່ອນ​ໜ້າ​ໜາວ​ມາ​ເຖິງ

4 ຈຸດ​ສຳຄັນ​ ​ທີ່​ຕ້ອງ​ໃສ່​ໃຈ​ກ່ອນ​ໜ້າ​ໜາວ​ມາ​ເຖິງ

Published on

index

  1. ເສັ້ນ​ຜົມ
    ເສັ້ນ​ຜົມ​ແມ່ນ​ຈະ​ມີ​ຄວາມ​ຊຸ່ມ​ຊື້ນ​ໃນ​ຕົວ​ຢູ່​ນຳ ແຕ່​ຖ້າ​ທ່ານເປັນ​ສາວ​ຜິວ​ແຫ້ງ​ຢູ່​ແລ້ວ ບອກ​ໄດ້​ຄຳ​ດຽວ​ເລີຍ​ວ່າ​ສະພາບ​ເສັ້ນ​ຜົມ​ຂອງ​ທ່ານ​ນັ້ນ​ອາດຈະ​ແຫ້ງ​ກອບ​ງ່າຍ​ດາຍ​ຫລາຍ​ຂຶ້ນ ເມື່ອ​ລົມ​ໜາວ​ມາ​ເຖິງ.. ດັ່ງ​ນັ້ນ ຢ່າ​ລໍ​ໃຫ້​ຄວາມ​ໜາວ​ເຢັນ​ຂອງ​ສະພາບ​ອາ​ກາດ​ທີ່​ແປ​ປ່ຽນ​ມາ​ດູດ​ຊັບ​ເອົາ​ຄວາມ​ຊຸ່ມ​ຊື້ນ​ຂອງ ເສັ້ນ​ຜົມ​ຂອງ​ເຮົາ​ອອກ​ໄປ​ຈົນ​ໝົດ ເຫລືອ​ພຽງ​ສະພາບ​ຜົມ​ທີ່​ແຫ້ງ​ກອບ ແລະ​ ​ຟູ​ກັນ​ດີກວ່າ ໃນ​ລະຫວ່າງ​ນີ້​ໃຫ້​ສາວໆ ໝັ່ນໝັກ​ຜົມ​ກັນ​ແນ່ ດ້ວຍ​ສູດ​ງ່າຍໆ ເຊັ່ນ ໃຊ້​ໄຂ່​ແດງ​ກັບ​ນ້ຳ​ມັນ​ມະ​ກອກ​ປະສົມ​ກັນ​ແລ້ວ​ໝັກ​ຜົມ ​ຫລື ​ໝັກ​ດ້ວຍ​ນ້ຳ​ມັນ​ໝາກ​ພ້າວ​ເປັນ​ປະຈຳ ພຽງ​ເທົ່າ​ນີ້​ກໍ​ຈະ​ຊ່ວຍ​ຟື້ນ​ບຳ​ລຸງ​ຜົມ​ແຫ້ງ​ໃຫ້​ອຸດົມ​ໄປ​ດ້ວຍ​ຄວາມ​ນຸ່ມ​ຊຸ່ມ​ຊື້ນ​ ແລະ ​ນຸ່ມ​ແບບ​ມີ​ສຸກຂະພາບ​ດີ​ໄດ້​ແລ້ວ​

beauty23

       2. ຜິວແຫ້ງ
ບໍ່​ວ່າ​ຈະ​ຜິວ​ໜ້າ​ ຫລື ​ຜິວ​ກາຍ​ລ້ວນ​ແລ້ວ​ແຕ່​ຈະ​ຍິ່ງ​ຕ້ອງ​ໃສ່​ໃຈ​ເບິ່ງແຍງ​ກັນ​ຕັ້ງ​ແຕ່​ເນີ່ນໆ ເລີ່ມຕັ້ງ​ແຕ່​ການ​ເລືອກ​ອາບ​ນ້ຳ​ທຳມະດາ ບໍ່​ອາບ​ນ້ຳ​ຮ້ອນ​ເພື່ອ​ປ້ອງ​ກັນ​ບໍ່​ໃຫ້​ຜິວ​ແຫ້ງ​ໜັກ​ຂຶ້ນ ການ​ທາ​    ມອຍສ໌​ເຈີ​ໄລ​ເຊີລ໌​ບຳ​ລຸງ​ເປັນ​ພິເສດ​ ແລະ ​ການ​ປົກ​ປ້ອງ​ຜິວ​ດ້ວຍ​ຄີມ​ກັນ​ແດດ​ທີ່​ມີ​ຄ່າ SPF 30 ຂຶ້ນ​ໄປ ງ່າຍ​ດາຍ​ເທົ່າ​ນີ້​ກໍ​ຖື​ເປັນ​ການ​ເບິ່ງແຍງ​ຜິວ​ໃຫ້​ຄົງ​ຄວາມ​ຊຸ່ມ​ຊື້ນ​ອ່ອນ​ເຍົາ​ກ່ອນ​ໜ້າ​ໜາວມາ​ເຖິງ​ໄດ້​ແລ້ວ

beauty33

 

3. ຮິມ​ສົບ
ເຊື່ອ​ວ່າ​ສາວໆ ຫລາຍ​ຄົນ​ຍ່ອມ​ມີ​ບັນຫາ​ຮີມສົບ ແຫ້ງ​ແຕກ​ໄດ້​ງ່າຍ​ນຳກັນ​ທັງ​ນັ້ນ ເພາະຮີມສົບ ​ ​ເປັນ​ຜິວ​ອີກ​ສ່ວນຫນຶ່ງ​ທີ່​ມີ​ຄວາມ​ບອບ​ບາງ ​ແລະ​ ຍັງ​ງ່າຍ​ຕໍ່​ການ​ແພ້​ອີກດ້ວຍ ​ຕໍ່​ໃຫ້​ລົມ​ໜາວ​ມາ​ເຖິງ ອາການ​ແພ້​ຍັງ​ອາດ​ກໍ່ກວນ​ຜິວຮີມສົບ ​​ໃຫ້​ມີ​ຕຸ່ມ​ຜື່ນ​ຄັນ​ຂຶ້ນ​ໄດ້​ອີກ​ດ້ວຍ​ເຊັ່ນ​ກັນ ສະ​ນັ້ນ ໃຫ້​ສາໆ ໝັ່ນ​ຖະ​ໜອມ​ຮີມສົບ ດ້ວຍ​ການ​ໝັ່ນ​ ​ກຳຈັດ​ເຊນລ໌​ຜິວ​ເກົ່າ​ທີ່​ຕາຍ​ແລ້ວ​ໃຫ້​ຫລຸດ​ອອກ ເປັນ​ປະຈຳ ຕາມ​ດ້ວຍ​ການ​ບຳ​ລຸງ​ດ້ວຍ​ລິບ​ບາ​​ຢູ່​ສະເໝີ ຮີມສົບ ​ກໍ​ຄົງ​ຄວາມ​ນຽນ​ນຸ່ມ​ ແລະ ​ຊຸ່ມ​ຊື່ນ​ເຮັດໃຫ້​ທາ​ສີ​ລິບສະ​ຕິກ​ງາມ​ທຸກ​ເສດ​ສີ​ໄດ້

beauty4

 

4.  ມື​ແລະ​ສົ້ນ​ຕີນ
ມື ​ແລະ ​ສົ້ນ​ຕີນ​ເປັນ​ສ່ວນ​ທີ່​ຄ່ອນ​ຂ້າງ​ງ່າຍ​ຕໍ່​ການ​ຫຍາບ​ກ້ານ​ສຸດໆ ແຖມ​ຍັງ​ເປັນ​ສ່ວນ​ທີ່​ເຮົາ​ມັກ​ລະ​ເລີຍ​ການ​ໃສ່​ໃຈ​ອີກ​ດ້ວຍ ດັ່ງ​ນັ້ນ ຄົງ​ຕ້ອງ​ໝັ່ນ​ຂັດ​​ມື​ ແລະ ​ຜິວ​ຕີນ​ກັນ​ນຳແນ່ ແມ່ນແຕ່​ສົ້ນ​ຕີນ​ເອງ​ກໍ​ຕ້ອງ​ຂັດ​ຢູ່​ເລື້ອຍໆ ຢ່າງ​ນ້ອຍ​ທຸກ​ອາທິດ​ເພື່ອ​ກະຕຸ້ນ​ການ​ຜັດ​ຜິວ​ໃໝ່​ທີ່​ອ່ອນ​ເຍົາ​ກວ່າ ຈາກ​ນັ້ນ​ທາ​ຄີມ​ບຳ​ລຸງ​ສູດ​ເຂັ້ມ​ຂຸນ.. ພຽງ​ເທົ່າ​ນີ້​ກໍ​ຈະ​ຊ່ວຍ​ປ້ອງ​ກັນ​ບໍ່​ໃຫ້​ຄວາມ​ແຫ້ງ​ກ້ານ​ຈາກ​ລົມ​ໜາວ​ມາ​ທຳລາຍ​ຜິວ​ຈົນ​ແຫ້ງ ແຕກ​ໄດ້​ແລ້ວ​

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...