spot_img
Homeຂ່າວພາຍ​ໃນກັກຕົວຜູ້ກໍ່ເຫດຍິງປືນໃນເຂດຊຸມຊົນ ພ້ອມຂອງກາງປືນ 4 ກະບອກ

ກັກຕົວຜູ້ກໍ່ເຫດຍິງປືນໃນເຂດຊຸມຊົນ ພ້ອມຂອງກາງປືນ 4 ກະບອກ

Published on

ທ້າວ ພານຸລັກ ຫຼື ຕີ່ງ ອາຍຸ 37 ປີ ວ່າງງານ ຢູ່ບ້ານໜອງໜ້ຽວ, ເມືອງສີໂຄດຕະບອງ ນະຄອນຫຼວງວຽງຈັນ ຖືກເຈົ້າໜ້າທີ່ ປກສ ກຸ່ມໜອງໜ້ຽວ ກັກຕົວໃນວັນທີ 7 ກັນຍາ ຜ່ານມາ ພາຍຫຼັງກໍ່ເຫດຍິງປືນໃນເຂດຊຸມຊົນ, ເຮັດໃຫ້ຊຸມຊົນແຕກຕື່ນ ພ້ອມກວດພົບອາວຸດປືນດັດແປງ (ປືນປະດິດ) ຈໍານວນ 4 ກະບອກ.

ເຈົ້າໜ້າທີ່ ປກສ ກຸ່ມໜອງໜ້ຽວ ໃຫ້ຮູ້ວ່າ: ໃນວັນທີ 4 ກັນຍາ 2021 ໄດ້ຮັບແຈ້ງວ່າ: ເວລາ 18:00 ໂມງ ໄດ້ຍິນສຽງປືນດັງຂຶ້ນ 1 ນັດ ຢູ່ເຂດບ້ານໜອງໜ້ຽວ, ເມືອງສີໂຄດຕະບອງ ຈິ່ງລົງຕິດຕາມ ແລະ ກວດກາສະຖານທີ່ເກີດເຫດ, ມາເຖິງວັນທີ 7 ກັນຍາ 2021 ເຈົ້າໜ້າທີ່ ປກສ ກຸ່ມໜອງໜ້ຽວ ໄດ້ສົມທົບກັບສະຖານີຮັບແຈ້ງ ແລະ ແກ້ໄຂເຫດສຸກເສີນ 1191 ສີບຸນເຮືອງ ແລະ ການຈັດຕັ້ງບ້ານ ເຂົ້າກັກຕົວ ທ້າວ ພານຸລັກ ຫຼື ຕີ່ງ ຢູ່ເຮືອນຂອງຜູ້ກ່ຽວ ພ້ອມຢຶດອາວຸດປືນດັດແປງທັງ 4 ກະບອກ.

ຜ່ານການສອບສວນເບື້ອງຕົ້ນ ຜູ້ກ່ຽວຮັບສາລະພາບວ່າ: ປືນ 4 ກະບອກນັ້ນ ຜູ້ກ່ຽວໄດ້ປະດິດຂຶ້ນມາເອງ ໂດຍນໍາໃຊ້ໄວ້ເພື່ອລ່າສັດ ແລະ ໄດ້ຍິງປືນໜຶ່ງນັດຂຶ້ນຟ້າ ໃນເຂດເຮືອນຂອງຕົນແທ້. ປັດຈຸບັນ ປກສ ກຸ່ມໜອງໜ້ຽວ ໄດ້ສົ່ງຕົວຜູ້ກ່ຽວ ໃຫ້ກອງບັນຊາການ ປກສ ເມືອງສີໂຄດຕະບອງດໍາເນີນຄະດີຕາມຂັ້ນຕອນຕໍ່ໄປ.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງພົນລະເມືອງໃນນະຄອນຫຼວງວຽງຈັນ ຈົ່ງພ້ອມກັນເປັນຫູເປັນຕາຊ່ວຍເຈົ້າໜ້າທີ່ ຖ້າພົບເຫັນກຸ່ມຄົນບໍ່ດີກໍ່ຄວາມບໍ່ສະຫງົບ ແລະ ເຫດການອື່ນໆ ທີ່ເປັນໄພອັນຕະລາຍຕໍ່ສັງຄົມ ໃຫ້ຮີບຮ້ອນແຈ້ງເຈົ້າໜ້າທີ່ຢູ່ໃກ້ຄຽງ ຫຼື ແຈ້ງມາທີ່ເບີວອດແອັບ 020 28899774 ຫຼື ຜ່ານທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ ເພື່ອລົງແກ້ໄຂໃຫ້ທັນສະພາບການ.

ຂໍ້ມູນຈາກ: ປ້ອງກັນຄວາມສະຫງົບນະຄອນຫຼວງວຽງຈັນ

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...