ເວັບໄຊ້ Posttoday ໄດ້ລາຍງານວ່າ ບໍລິສັດຜະລິດວັດຖຸສິນເປືອງທາງດ້ານການແພດໃນເມືອງຊິນຊຽງ ໃນມົນທົນເຫີໜານທາງພາກກາງຂອງປະເທດຈີນ ໄດ້ມີການພັດທະນາຊຸດປ້ອງກັນທາງການແພດແຮງດັນບວກພ້ອມກັບລະບົບປັບອາກາດ ເຊິ່ງຊ່ວຍເຮັດໃຫ້ມີອາກາດເຢັນຢູ່ພາຍໃນຊຸດ ເພື່ອເພີ່ມຄວາມສະດວກສະບາຍໃຫ້ກັບບຸກຄະລາກອນທາງການແພດ.
ຈາກການລາຍງານໄດ້ລະບຸວ່າ ຊຸດນີ້ມີຄວາມປອດໄພ ແລະ ມີປະສິດທິພາບ ໂດຍການຕິດຕັ້ງເຄື່ອງຟອກອາກາດ ແລະ ປະຕິບັດການດ້ວຍລະບົບສໍາຜັດ ໂດຍຜູ້ໃຊ້ງານສາມາດຄວບຄຸມອຸນຫະພູມພາຍໃນຊຸດຢູ່ລະຫວ່າງ 26-29 ອົງສາ ເພື່ອຊ່ວຍໃຫ້ບຸກຄະລາກອນທາງການແພດສະດວກສະບາຍຍິ່ງຂຶ້ນ.
