spot_img
Homeຂ່າວຕ່າງປະເທດສຸດອາໄລ! ຍອດຜູ້ເສຍຊີວິດ ຈາກເຫດນໍ້າຖ້ວມຢູ່ຈີນເພີ່ມຮອດ 300 ກວ່າລາຍ

ສຸດອາໄລ! ຍອດຜູ້ເສຍຊີວິດ ຈາກເຫດນໍ້າຖ້ວມຢູ່ຈີນເພີ່ມຮອດ 300 ກວ່າລາຍ

Published on

ແຫຼ່ງຂ່າວ BBC ລາຍງານ: ທາງການຈີນຢືນຢັນຍອດຜູ້ເສຍຊີວິດຈາກເຫດນໍ້າຖ້ວມໃນແຂວງເຫີໜານເພີ່ມຂຶ້ນເຖິງ 302 ລາຍ ຂະນະທີ່ 50 ຄົນຍັງສູນຫາຍ ພາຍຫຼັງເຫດນໍ້າຖ້ວມຮຸນແຮງເກີດຂຶ້ນຍ້ອນຝົນຕົກໜັກຕິດຕໍ່ກັນຫຼາຍວັນໃນທ້າຍເດືອນຜ່ານມາ.

ປະຊາຊົນເກືອບ 13 ລ້ານຄົນໄດ້ຮັບຜົນກະທົບຈາກອຸທົກກະໄພຄັ້ງນີ້ ແລະ ບ້ານເຮືອນປະມານ 9.000 ຫຼັງໄດ້ຮັບຄວາມເສຍຫາຍ ຂະນະທີ່ມີລາຍງານຜູ້ເສຍຊີວິດ 39 ລາຍ ໃນເຫດການທີ່ນໍ້າໄຫຼເຂົ້າຖ້ວມລະບົບລົດໄຟໃຕ້ດິນໃນເມືອງເຈີງໂຈວ ແລະ ອີກ 14 ຄົນເສຍຊີວິດພາຍຫຼັງນໍ້າຖ້ວມລະບົບລົດໄຟໃຕ້ດິນສາຍທີ 5 ຂອງເມືອງ.

ເນື່ອງຈາກຝົນຕົກໜັກຕິດຕໍ່ກັນຫຼາຍວັນຈິ່ງພາໃຫ້ເກີດນໍ້າຖ້ວມຮຸນແຮງໃນຫຼາຍພື້ນທີ່ຂອງແຂວງເຫີໜານ ເຊິ່ງຕັ້ງຢູ່ທາງພາກກາງຂອງຈີນ ໃນທ້າຍເດືອນກໍລະກົດຜ່ານມາ, ໃນນັ້ນ 12 ຕົວເມືອງໄດ້ຮັບຜົນກະທົບຍ້ອນເສັ້ນທາງຫຼາຍສາຍຖືກຕັດຂາດ ພ້ອມຫຼາຍຖ້ຽວບິນຖືກຍົກເລີກ, ຂະນະທີ່ທາງການຈີນໄດ້ຮີບຮ້ອນອົບພະຍົບປະຊາກອນຫຼາຍພັນຄົນໄປສູ່ພື້ນທີ່ປອດໄພ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...