ສໍານັກຂ່າວ Thairath ໄດ້ລາຍງານວ່າ: ຈາກສະຖານະການເກີດຝົນຕົກໜັກໃນແຂວງເຫີໜານ ທາງພາກກາງຂອງປະເທດຈີນ ຈົນກໍ່ໃຫ້ເກີດມີນໍ້າຖ້ວມສູງຢ່າງໄວວາໃນເມືອງເຈີງໂຈ ເມືອງຫຼວງຂອງແຂວງເຫີໜານ ຈົນຕ້ອງມີການອົບພະຍົບຄົນຫຼາຍກວ່າໝື່ນຄົນ ແລະ ເຮັດໃຫ້ມີຜູ້ເສຍຊີວິດຢ່າງໜ້ອຍ 12 ຄົນ ເນື່ອງຈາກເກີດນໍ້າໄຫຼເຂົ້າມາພາຍໃນສະຖານີລົດໄຟໃຕ້ດິນແຫ່ງໜຶ່ງໃນເມືອງເຈີງໂຈ ເຮັດໃຫ້ຜູ້ໂດຍສານບໍ່ສາມາດອອກມາໄດ້ ກ່ອນທີ່ທາງທີມກູ້ໄພຈະເຂົ້າມາຊ່ວຍເຫຼືອ ແລະ ສາມາດຊ່ວຍຊີວິດປະຊາຊົນໄດ້ຫຼາຍກວ່າ 500 ຄົນອອກມາຈາກສະຖານີລົດໄຟໃຕ້ດິນຢ່າງປອດໄພ.
ທາງດ້ານເຈົ້າໜ້າທີ່ຂອງຈີນໄດ້ແຈ້ງວ່າໄດ້ເກີດເຫດນໍ້າຖ້ວມເປັນບໍລິເວນກວ້າງໃນຫຼາຍພື້ນທີ່ຂອງແຂວງເຫີໜານ ຫຼັງຈາກທີ່ມີຝົນຕົກໜັກ ຈົນມີການຄາດວ່າເປັນຝົນທີ່ຕົກໜັກໃນຮອບ 1000 ປີ. ສ່ວນທາງດ້ານສໍານັກງານອຸຕຸນິຍົມວິທະຍາຂອງຈີນຍັງແຈ້ງວ່າ ອິດທິພົນຂອງພາຍຸຈະເຮັດໃຫ້ເກີດຝົນຕົກໜັກໃນອີກ 3 ມື້ຂ້າງໜ້າ.
https://youtu.be/eUmyGUBcGL4
ຂໍຂອບໃຈຄລິບຈາກ: Kanem คาเนม