spot_img
Homeຂ່າວຕ່າງປະເທດເກົາຫຼີເໜືອ ແລະ ເກົາຫຼີໃຕ້ ຟື້ນຄືນສາຍດ່ວນ ຫຼັງຂາດການຕິດຕໍ່ກັນ 1 ປີ

ເກົາຫຼີເໜືອ ແລະ ເກົາຫຼີໃຕ້ ຟື້ນຄືນສາຍດ່ວນ ຫຼັງຂາດການຕິດຕໍ່ກັນ 1 ປີ

Published on

ສຳນັກຂ່າວ BBC ລາຍງານວ່າ: ເກົາຫຼີເໜືອ ແລະ ເກົາຫຼີໃຕ້ໄດ້ຟື້ນຄືນສາຍດ່ວນການສື່ສານ ຫຼັງຝ່າຍເໜືອເປັນຜູ້ຕັດຂາດການສື່ສານດັ່ງກ່າວໃນເດືອນມິຖຸນາຂອງປີກາຍ ເນື່ອງຈາກຄວາມສຳພັນທີ່ບໍ່ລົງລອຍກັນ ອັນເປັນຜົນມາຈາກກອງປະຊຸມສຸດຍອດລະຫວ່າງສອງປະເທດທີ່ຖືກລົ້ມເລີກ.

ອີງຕາມຂໍ້ມູນຂອງທຳນຽບປະທານາທິບໍດີເກົາຫຼີໃຕ້ໄດ້ລາຍງານວ່າ: ຜູ້ນຳຂອງສອງປະເທດໄດ້ຕົກລົງກັນໃນການປັບປຸງຄວາມສຳພັນ ແລະ ພ້ອມສ້າງຄວາມປອງດອງກັນຄືນໃໝ່, ຂະນະທີ່ປະທານາທິບໍດີເກົາຫຼີໃຕ້ກໍໄດ້ຮຽກຮ້ອງໃຫ້ມີການກູ້ຄືນສາຍດ່ວນການສື່ສານພ້ອມມີການເຈລະຈາໂດຍມຸ່ງເປົ້າໄປທີ່ການຮື້ຖອນໂຄງການນິວເຄຼຍ ແລະ ຂີປານາວຸດຂອງເກົາຫຼີເໜືອ.

ຜູ້ນຳລະດັບສູງຂອງສອງປະເທດ ຍັງໄດ້ວາງມາດຕະການເພື່ອດຳເນີນການປະສານງານດ້ານການສື່ສານລະຫວ່າງເກົາຫຼີເໜືອ ແລະ ເກົາຫຼີໃຕ້ຄືນໃໝ່ ໃນວັນທີ 27 ກໍລະກົດ, ເຊິ່ງຕົວແທນລັດຖະບານຂອງສອງປະເທດກໍຍັງໄດ້ໂອ້ລົມກັນທາງໂທລະສັບເປັນເວລາສາມນາທີ ທັງມີການນັດໝາຍເວລາໂທຫາກັນອີກໃນຄັ້ງຕໍ່ໄປ.

“ພວກເຮົາດີໃຈທີ່ໄດ້ໂອ້ລົມກັນອີກຄັ້ງພາຍຫຼັງຕັດຂາດກັນ 1 ປີ ແລະ ຫວັງວ່າສິ່ງນີ້ຈະນຳເອົາຂ່າວດີມາມອບໃຫ້ປະຊາຊົນເກົາຫຼີທັງສອງປະເທດ.” ຕົວແທນລັດຖະບານເກົາຫຼີໃຕ້ກ່າວ.

ຄວາມສຳພັນລະຫວ່າງສອງປະເທດເລີ່ມດີຂຶ້ນໃນປີ 2018 ເມື່ອສອງປະທານາທິບໍດີ ມຸນ ແຈອິນ ພົບປະກັບ ຄິມ ຈອງອຶນເຖິງສາມຄັ້ງ ແຕ່ແລ້ວຄວາມສຳພັນດັ່ງກ່າວກໍພັງທະລາຍລົງອີກຄັ້ງ ເມື່ອກອງປະຊຸມສຸດຍອດຄັ້ງທີສອງຖືກຍົກເລີກ, ຄວາມຕຶງຄຽດຍິ່ງເພີ່ມທະວີແຮງຂຶ້ນໃນເວລາຕໍ່ມາ ເມື່ອກຸ່ມນັກກິດຈະກຳຜູ້ແປພັກເກົາຫຼີໃຕ້ໄດ້ສົ່ງໂຄສະນາຊວນເຊື່ອຂ້າມຊາຍແດນ ຈູດຊະນວນໃຫ້ເກົາຫຼີເໜືອຕັດສິນໃຈລະເບີດຫ້ອງການສື່ສານປະຈຳຊາຍແດນລະຫວ່າງສອງປະເທດ.

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...