ອັງກິດເລັງພັດທະນາເຮືອບິນແບບບໍ່ມີປ່ອງຢ້ຽມ ດ້ານໃນຕິດໜ້າຈໍໃສ່ແທນ ຊ່ວຍຫລຸດນ້ຳໜັກຂອງເຮືອບິນລົງ ແລະ
ປະຢັດພະລັງງານຫລາຍຂຶ້ນ ຫລຸດຜ່ອນຄ່າໃຊ້ຈ່າຍ.
ເມື່ອວັນທີ 26 ຕຸລາ ທີ່ຜ່ານມາ ສຳນັກຂ່າວຕ່າງປະເທດລາຍງານວ່າ ບໍລິສັດ CPI ຜູ້ຜະລິດເຮືອບິນຂອງອັງກິດ ໄດ້ເຜີຍ
ແຜ່ພາບແນວຄວາມຄິດຂອງເຮືອບິນແບບບໍ່ມີປ່ອງຢ້ຽມອອກມາ ເຊິ່ງເປັນໂຄງການທີ່ບໍລິສັດກຳລັງເລັ່ງພັດທະນາຢູ່
ໂດຍໄດ້ແທນປ່ອງຢ້ຽມດ້ວຍຈໍສະກຣີນຄວາມລະອຽດສູງ ເຊິ່ງສາມາດສະແດງພາບຕ່າງໆໄດ້ ບໍ່ແຕກຕ່າງຈາກໜ້າຈໍ
ຂອງຄອມພິວເຕີ້ ໂດຍອາດໃຊ້ສະແດງພາບໝູ່ເມກທີ່ຄ້າຍຄືຈິງ, ຈຳລອງພາບດວງອາທິດຂຶ້ນ ຫລື ຕົກ, ພ້ອມກັນນັ້ນ
ກໍຍັງສາມາດເຊື່ອມສັນຍານສຳລັບການປະຊຸມຜ່ານລະບົບ ວີດີໂອຄອນເຟີເຣັນກໍໄດ້.
ສຳລັບເຫດຜົນຫລັກທີທາງບໍລິສັດ CPI ມຸ່ງໝັ້ນພັດທະນາເຮືອບິນແບບໄຮ້ປ່ອງຢ້ຽມນີ້ຂຶ້ນມາ ກໍແມ່ນເພື່ອຄວາມປະ
ຢັດ ອັນເປັນສິ່ງທີ່ຫລາຍສາຍການບິນກຳລັງເລັ່ງພະຍາຍາມຮັດເຂັມຂັດຕົນເອງຢູ່ ເມື່ອບໍ່ມີກະຈົກປ່ອງຢ້ຽມ ນ້ຳໜັກ
ເຮືອບິນກໍຈະເບົາຂຶ້ນ ໃຊ້ພະລັງງານເຊື້ອໄຟໜ້ອຍລົງ ຕະຫລອດຈົນປ່ອຍອາຍກາກບອນດີອົກຊິດ ອອກສູ່ບັນຍາກາດ
ໄດ້ໜ້ອຍລົງອີກດ້ວຍ ເຊິ່ງເອີ້ນໄດ້ວ່າທັງປະຢັດ ແລະ ຮັກສາໂລກໄປພ້ອມໆກັນ ໂດຍຄາດວ່າເຮືອບິນແບບດັ່ງກ່າວນີ້
ຈະມີໃຫ້ໃຊ້ບໍລິການຢ່າງແທ້ຈິງພາຍໃນອີກ 10 ປີຂ້າງໜ້າ.
