spot_img
Homeຂ່າວທ້ອງຖິ່ນພາຍຸດີເປຊັນພັດຜ່ານພາກເໜືອຂອງລາວເຮັດໃຫ້ຫຼາຍແຂວງເກີດນໍ້າຖ້ວມໜັກ

ພາຍຸດີເປຊັນພັດຜ່ານພາກເໜືອຂອງລາວເຮັດໃຫ້ຫຼາຍແຂວງເກີດນໍ້າຖ້ວມໜັກ

Published on

ເນື່ອງຈາກການພັດຜ່ານຂອງພາຍຸໝູນເຂດຮ້ອນ ໂຄກູມະ KOGUMA ເຄື່ອນທີ່ເຂົ້າທາງພາກເໜືອຂອງ ສສ ຫວຽດນາມ ໃນເວລາ 7 ໂມງ45 ນາທີ ມີຈຸດສູນກາງຢູ່ເສັ້ນຂະໜານທີ 19.6 ອົງສາເໜືອ ແລະ ເສັ້ນແວງທີ 105.4 ອົງສາຕາເວັນອອກ ພວມເຄື່ອນທີ່ມາທາງທິດຕາເວັນຕົກ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ ກາຍເປັນພາຍຸດີເປຊັນ ໃນຕອນແລງຂອງວານນີ້ ສົ່ງຜົນໃຫ້ມີຝົນຕົກໜັກເປັນບໍລິເວນກວ້າງ ແຕ່ເຂດແຂວງພາກກາງ ຫາ ພາກເໜືອ ພ້ອມມີລົມພັດແຮງຢູ່ບາງທ້ອງຖິ່ນໃນປະເທດລາວ  ໃນໄລຍະ 1-2 ວັນ.

ບໍລິເວນຄວາມກົດດັນອາກາດຕໍ່າໄດ້ປົກຄຸມຢູ່ທົ່ວທຸກພາກ ຂອງປະເທດລາວ, ສົມທົບກັບລົມມໍລະສຸມຕາເວັນຕົກສຽງໃຕ້ ພັດປົກຄຸມພາກເໜືອດ້ວຍກໍາລັງປານກາງ ຫາ ແຮງ, ເຊິ່ງຈະເຮັດໃຫ້ມີຝົນໃນລະດັບປານກາງ ຫາ ໜັກ ຢູ່ບາງທ້ອງຖິ່ນ ແຂວງຜົ້ງສາລີ, ໍ່ວງນໍ້າທາ, ອຸດົມໄຊ, ບໍ່ແກ້ວ, ຫລວງພະບາງ ແລະ ໄຊຍະບູລີ.

ໃນວັນທີ 14 ມີຖຸນາ 2021 ມີລາຍງານວ່າ ເກີດເຫດນໍ້າຖ້ວມ, ດິນເຈື່ອນໃນເທດສະບານເມືອງໄຊຍະບຸລີ, ນ້ຳປ່າໄຫຼຊຸເຂົ້າຖ້ວມ ບ້ານ ວຽງພັດທະນາ ເມືອງ ຜາອຸດົມ ແຂວງ ບໍ່ແກ້ວ, ເມືອງວັງວຽງ ແຂວງວຽງຈັນ, ແຂວງຊຽງຂວາງ ສົ່ງຜົນບ້ານເຮືອນປະຊາຊົນ, ສຳນັກງານ ແລະ ໄຮ່ນາຮົ້ວສວນໄດ້ຮັບຜົນກະທົບ.

ເມືອງວັງວຽງແຂວງວຽງຈັນເມື່ອຕອນເຊົ້າມື້ນີ້ (14 ມິຖຸນາ 2021) ວ່າ ຂົວສີສົ້ມ ເຊິ່ງເປັນຂົວຂ້າມນໍ້າຊອງເຊື່ອມຕໍ່ຝັ່ງຕົວເມືອງວັງວຽງໄປຫາຖໍ້າຈັງ ແຫຼ່ງທ່ອງທ່ຽວຂຶ້ນຊື່ຂອງເມືອງ ໄດ້ຫັກລົງແລ້ວເນື່ອງຈາກຖືກກະແສນໍ້າຊອງທີ່ເພີ່ມລະດັບ ແລະ ໄຫຼແຮງພັດ.

ຫຼາຍບ້ານຢູ່ເຂດເທດສະບານເມືອງໄຊຍະບູລີ ແຂວງໄຊຍະບູລີ ໄດ້ເກີດມີນໍ້າເຂົ້າຖ້ວມ ເຮືອນຊານຂອງປະຊາຊົນ. ປະຈຸບັນ, ຫຼາຍພາກສ່ວນ ກໍາລັງເຂົ້າໄປໃຫ້ການຊ່ວຍເຫຼືອຜູ້ໄດ້ຮັບຜົນກະທົບຢ່າງຮີບດ່ວນ.

ເກີດເຫດນ້ຳປ່າໄຫຼຊຸເຂົ້າຖ້ວມ ບ້ານ ວຽງພັດທະນາ ເມືອງ ຜາອຸດົມ ແຂວງ ບໍ່ແກ້ວ ມີເຮືອນບາງຫຼັງ ຖືກພັດໄປກັບກະແສນໍ້າ.

ຝົນຕົກໜັກ ເຮັດໃຫ້ນໍ້າແສງໄຫຼເຂົ້າຖ້ວມບ້ານນາມຸນລາດຄ້າຍ ເມືອງຜາໄຂ ແຂວວງຊຽງຂວາງ ປະຈຸບັນ, ຍັງມີຝົນຕົກ ແລະ ປະຊາຊົນ ຍັງເຝົ້າລະວັງ ການເພີ່ມຂຶ້ນຂອງນໍ້າ.
ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

7 ວັນອັນຕະລາຍ ໃນໄລຍະບຸນປີໃໝ່ເກີດອຸບັດຕິເຫດທົ່ວປະເທດ 313 ຄັ້ງ ເສຍຊີວິດທັງໝົດ 26 ຄົນ

ເສຍຊີວິດ 26 ຄົນ ຈາກອຸບັດຕິເຫດທີ່ເກີດຂຶ້ນທົ່ວປະເທດ 313 ຄັ້ງ ໃນໄລຍະບຸນປີໃໝ່ລາວ 2025. ພັອ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ຖະແຫຼງຕໍ່ສື່ມວນຊົນ...

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ໃຫ້ອອກນອກປະເທດເບລິສ ສຸດທ້າຍຖືກຍິງເສຍຊີວິດ

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ. ສຳນັກຂ່າວຕ່າງປະເທດລາຍງານເຫດລະທຶກຂວັນ! ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ ເມື່ອວັນພະຫັດ ທີ...

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...