spot_img
Homeຂ່າວຕ່າງປະເທດຄູໃນມຽນມາຫຼາຍກວ່າ 125,000 ຄົນ ຖືກສັ່ງພັກວຽກ ຍ້ອນອອກມາປະທ້ວງລັດຖະປະຫານ !!

ຄູໃນມຽນມາຫຼາຍກວ່າ 125,000 ຄົນ ຖືກສັ່ງພັກວຽກ ຍ້ອນອອກມາປະທ້ວງລັດຖະປະຫານ !!

Published on

ລັດຖະບານທະຫານຂອງມຽນມາສັ່ງພັກວຽກຄູຫຼາຍກວ່າ 125,000 ຄົນ ທີ່ເຂົ້າຮ່ວມໃນການເຄື່ອນໄຫວຕໍ່ຕ້ານລັດຖະປະຫານເມື່ອເດືອນກຸມພາທີ່ຜ່ານມາ.

ທາງລັດຖະບານທະຫານຂອງມຽນມາໄດ້ອອກຄໍາສັ່ງພັກວຽກຂອງຄູໃນປະເທດມຽນມາກ່ອນທີ່ຈະເປີດເທີມໃໝ່ພຽງບໍ່ດົນ ໃນຂະນະທີ່ຄູ ແລະ ຜູ້ປົກຄອງນັກຮຽນຈໍານວນຫຼາຍຮ່ວມກັນຕໍ່ຕ້ານການເປີດສົກຮຽນໃໝ່ເພື່ອກົດດັນລັດຖະບານທະຫານມຽນມາ, ທັງນີ້ຄູທີ່ຖືກພັກວຽກມີຈໍານວນທັງໝົດ 125,900 ຄົນ ຈາກຈໍານວນຄູທີ່ມີຢູ່ໃນປະເທດຫຼາຍກວ່າ 430,000 ຄົນ ອີງຕາມສະຖິຕິເມື່ອສອງປີກ່ອນ.

ກ່ອນໜ້ານີ້ໜັງສຶພິມ New Light of Myanmar ຂອງທາງການມຽນມາໄດ້ຂໍໃຫ້ຄູ ແລະ ນັກຮຽນທຸກຄົນກັບເຂົ້າມາຮຽນໃນມື້ເປີດເທີມທີ່ກໍາລັງຈະມາຮອດໃນເດືອນໜ້າ ເພື່ອທີ່ຈະເຮັດໃຫ້ລະບົບການສຶກສາຂອງມຽນມາໄດ້ດໍາເນີນຕໍ່ໄປ ແຕ່ຜູ້ປົກຄອງຂອງນັກຮຽນຫຼາຍຄົນບອກວ່າຈະບໍ່ໃຫ້ລູກຂອງຕົນເອງໄປໂຮງຮຽນ ດ້ວຍເຫດຜົນດ້ານຄວາມປອດໄພ ແລະ ເພື່ອຕໍ່ຕ້ານລັດຖະປະະຫານ.

ທາງດ້ານໂຄສົກລັດຖະບານເອກະພາບແຫ່ງຊາດຂອງມຽນມາ ຫຼື ລັດຖະບານເງົາ ໄດ້ສົ່ງອີເມລໄປຂໍໃຫ້ອົງກອນຜູ້ບໍລິຈາກລະຫວ່າງປະເທດຢຸດການສະໜັບສະໜຸນກະຊວງສຶກສາທິການມຽນມາທີ່ຢູ່ພາຍໃຕ້ການນໍາຂອງລັດຖະບານທະຫານ ໂດຍທາງລັດຖະບານເງົາຈະເລືອກວິທີອື່ນໃນການສະໜັບສະໜຸນນັກຮຽນ ແລະ ຄູ ໃນມຽນມາທີ່ປະຕິເສດການສຶກສາຂອງລັດຖະບານທະຫານດ້ວຍຕົນເອງ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...