ເກິດເຫດໄຟໄໝ້ຢ່າງຮຸນແຮງທີ່ໂຮງງານຜະລິດດອກໄມ້ໄຟ “ມານີກັນຕາ” ໃນທາງຕອນໃຕ້ຂອງປະເທດອິນເດຍ ສົ່ງຜົນໃຫ້ມີຜູ້ເສຍຊີວິດຢ່າງຕ່ຳ 17 ຄົນ ໂດຍເຫດລະເບິດເມື່ອຕອນບ່າຍວັນຈັນທີ່ຜ່ານມາ ເຮັດໃຫ້ເກິດໄຟໄໝ້ ໂຮງງານໃດ້ຮັບຄວາມເສຍຫາຍທັ້ງນີ້ ມັກເກິດອຸບັດເຫດລະເບິດທີ່ໂຮງງານດອກໄມ້ໄຟ ເຊິ່ງຜະລິດດອກໄມ້ໄຟໃນງານແຕ່ງ,ເທດສະການທາງສາດສະໜາແລະພິທີອື່ນໆ ຢູ່ເປັນປະຈຳໃນອິນເດຍ ແລະເຫດການຄັ້ງນີ້ເກິດຂື້ນກ່ອນງານ “ທີວາລີ” ເຊິ່ງເປັນງານບຸນຫລິ້ນໄຟຂອງຊາວອິນດູ ສ່ວນສາເຫດຂອງໄຟໄໝ້ຄັ້ງນີ້ຍັງບໍ່ຊາບສາເຫດ.
ທັ້ງນີ້ອິນເດຍມີໂຮງງານຜະລິດດອກໄມ້ໄຟຜິດກົດໝາຍກະຈ່າຍຢູ່ໃນຫຼາຍພື້ນທີ່ທົ່ວປະເທດ ແລະການບໍ່ມີກົດໝາຍເບິ່ງແຍ້ງດ້ານຄວາມປອດໄພຢ່າງພຽງພໍ ສຳລັບໂຮງງານເຫຼົ່ານີ້ມັກກໍ່ໃຫ້ເກິດອຸບັດເຫດຮ້າຍແຮງເປັນປະຈຳ ເມື່ອຕົ້ນເດືອນນີ້ມີຄົນເສຍຊີວິດ 15 ຄົນ ແລະບາດເຈັບສາຫັດ 7 ຄົນ ຫຼັງຈາກເກິດເຫດລະເບິດທີ່ໂຮງງານຜະລິດດອກໄມ້ໄຟຜິດກົດໝາຍ ໃນ West Bengal ທາງຕາເວັນອອກແລະAndhra ທາງຕອນໃຕ້ຂອງປະເທດ
ອຸບັດເຫດໃນລັກຊະນະດຽວກັນນີ້ເຄີຍເກິດຂື້ນໃນປີ 2012 ທາງຕອນໃຕ້ຂອງປະເທດມີຜູ້ເສຍຊີວິດ 40 ຄົນ ແລະບາດເຈັບສາຫັດຫຼາຍກວ່າ 70 ຄົນ.