spot_img
Homeຂ່າວການພັດທະນາສ້າງລາຍໄດ້ເພີ່ມຈາກໃບໄມ້ແຫ້ງ

ສ້າງລາຍໄດ້ເພີ່ມຈາກໃບໄມ້ແຫ້ງ

Published on

ແຂງຊຽງໃໝ່ ປະເທດໄທ ໄດ້ເປີດໂຄງການ ໃບໄມ້ບໍ່ຕ້ອງຈູດ ເອົາມາອັດເປັນກ້ອນຂາຍໄດ້ ເພື່ອຫຼຸດຜ່ອນເຊື້ອໄຟ, ໄຟປ່າ ແລະ ຄວັນ.

ສະຖານະການໄຟປ່າໝອກຄວັນ ໃນແຂວງຊຽງໃໝໄດ້ເກີດຂຶ້ນຢ່າງຕໍ່ເນື່ອງ. ສະນັ້ນ, ທາງສູນປ້ອງກັນ ແລະ ໄກ້ໄຂບັນຫາຝຸ່ນລະອອງຂະໜາດນ້ອຍ PM2.5 ໃນແຂວງຈຶ່ງໄດ້ຫາທາງແກ້ໄຂບັນຫາ ບໍ່ວ່າຈະເປັນການຈັດການເຊື້ອໄຟ ແລະ ການເຝົ້າລະວັງດັບໄຟປ່າ. ຫຼ້າສຸດ, ຜູ້ອໍານວຍການທາງຍຸດທະສາດ ສໍານັກງານຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ເປິດເຜີຍວ່າ: ປີນີ້ໄດ້ມີໂຄງການໃຫ້ປະຊາຊົນ ປ່ຽນໃບໄມ້ໃຫ້ເປັນເງີນໄດ້ແທ້.

ສຳລັບໂຄງການແມ່ນຮັບເສດໃບໄມ້ ເຊິ່ງເປັນເຊື້ອໄຟທີ່ຈະສົ່ງຜົນໃຫ້ເກີດໄຟປ່າຈົນກາຍເປັນມົນລະພິດຈາກໝອກຄວັນ ເຊິ່ງວິທີການແມ່ນ ນຳເອົາໃບໄມ້ມາອັດເປັນກ້ອນເພື່ອຂາຍໃຫ້ກັບຜູ້ປະກອບການ ທີ່ມາຮັບຊື້. ໃບໄມ້ 1 ກິໂລ ແມ່ນລາຄາ 2 ບາດໄທ (680 ກີບ) ເຊິ່ງປັດຈຸບັນດຳເນີນໄປແລ້ວ 34 ບ້ານ ໃນເມືອງຕ່າງໆ ຂອງແຂວງຊຽງໃໝ່.

ສຳລັບເຮືອນໃດບໍ່ມີເຄື່ອງອັດໃບໄມ້ ກໍ່ສາມາດນຳໃສ່ກະສອບ ຫຼື ຖົງປານ ແລ້ວໄປຂາຍໃຫ້ເຈົ້າໜ້າທີ່ຕາມຈຸດຕ່າງໆ. ຄຽງຄູ່ກັນ ຍັງເປັນການສົ່ງເສີມໃຫ້ຊຸມຊົນນຳໃບໄມ້ໄປໃຊ້ປະໂຫຍດ ເຊັ່ນ: ການເຮັດປຸຍ ແລະ ການເພາະເຫັດ ເປັນຕົ້ນ. ເຊີ່ງເປັນການຊຸກຍູ້ໃຫ້ປະຊາຊົນມີວຽກເຮັດງານທຳ ແລະ ສ້າງລາຍໄດ້ເສີມ. ສຳຄັນກໍຄື ເປັນການຫຼຸດຜ່ອນການຈູດປ່າທີ່ສົ່ງຜົນໃຫ້ເກີດປະລິມານຝຸ່ນພິດ PM2.5.

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...