spot_img
Homeຂ່າວທ້ອງຖິ່ນເຫດໄຟໄໝ້ຈໍາປາທອງກາເດັນຣີສອດທີ່ວັງວຽງຍ້ອນປະຊາຊົນຈູດຫຍ້າ

ເຫດໄຟໄໝ້ຈໍາປາທອງກາເດັນຣີສອດທີ່ວັງວຽງຍ້ອນປະຊາຊົນຈູດຫຍ້າ

Published on

ເຈົ້າໜ້າທີ່ໜ່ວຍງານຈະລາຈອນມອດໄຟ ເມືອງວັງວຽງ ແຂວງວຽງຈັນ ແຈ້ງໃຫ້ຮູ້ວ່າ: ຈາກກໍລະນີທີ່ເກີດເຫດໄຟໄໝ້ຈໍາປາທອງກາເດັນຣີສອດ ທີ່ບ້ານປາກເປະ ເມືອງວັງວຽງ ແຂວງວຽງຈັນ ເມື່ອວັນທີ 16 ມີນາ 2021 ທີ່ຜ່ານມາ, ສາເຫດທີ່ເກີດອັກຄີໄພໃນຄັ້ງນີ້ແມ່ນເກີດຈາກປະຊາຊົນອ້ອມຂ້າງໄດ້ຈູດຫຍ້າ ແລ້ວລາມໄໝ້ໃສ່ຫຼັງຄາບ້ານພັກທີ່ມຸງດ້ວຍຫຍ້າຄາ ເສຍຫາຍສະເພາະໂຊນຕຶກ D ແລະ ຕຶກ C.

ທ່ານພັນຕີ ທາ ປັນຍາສິລິ ຫົວໜ້າໜ່ວຍງານຈະລາຈອນມອດໄຟ ເມືອງວັງວຽງໄດ້ແຈ້ງຕໍ່ ທີມງານວຽງຈັນທາຍ ເມື່ອວັນທີ 17 ມີນາ 2021 ນີ້ກ່ຽວກັບຄວາມຄືບໜ້າໄຟໄໝ້ດັ່ງກ່າວວ່າ: ມີເຮືອນພັກຈໍານວນ 6 ຫຼັງທີ່ຖືກໄໝ້ໝົດ ແລະ ອີກ 1 ຫຼັງຖືກໄຟໄໝ້ເລັກນ້ອຍ, ສາເຫດທີ່ເກີດອັກຄີໄພໃນຄັ້ງນີ້ແມ່ນເກີດຈາກປະຊາຊົນຈູດຫຍ້າ ແລ້ວລາມໄປໄໝ້ຫຼັງຄາບ້ານພັກທີ່ມຸງດ້ວຍຫຍ້າຄາ. ສ່ວນປະຊາຊົນທີ່ຈູດຫຍ້ານັ້ນຍັງບໍ່ຮູ້ວ່າແມ່ນໃຜ ແລະ ຜົນເສຍຫາຍຍັງຢູ່ໃນຂັ້ນຕອນການ ສືບສວນ-ສອບສວນ.

ປັດຈຸບັນນີ້, ຈຳປາທອງ ກາເດັນ ຣີສອດແມ່ນຍັງເປີດເປັນປົກກະຕິ (ແຕ່ຈະປິດໂຊນທີ່ຖືກໄຟໄໝ້), ສ່ວນໂຊນອື່ນເຊັ່ນ: ຮ້ານອາຫານ, ສະລອຍນ້ຳ, ສະຖານທີ່ຈັດກິດຈະກຳ, ທີ່ພັກ ແມ່ນເປີດເປັນປົກກະຕິ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...