ສຳນັກຂ່າວຕ່າງປະເທດລາຍງານຈາກປາຣີ ປະເທດຝຣັ່ງ ເມື່ອວັນທີ່ 22 ຕຸລາ ວ່າ ຄະນະກຳມາຖິການນິວເຄຼຍ (CEA) ຂອງຝຣັ່ງ ກ່າວວ່າ ທີມນັກວິໃຈຈາກບໍລິສັດ ເວດາແລບ (Vedalab) ໃດ້ຄິດຄົ້ນອຸປະກອນກວດຫາເຊື້ອອີໂບລາ Ebola EZYSCREEN ທີ່ສາມາດຮູ້ຜົນໃດ້ພາຍໃນເວລາພຽງ 15 ນາທີ ເປັນອຸປະກອນທີ່ສະດວກຕໍ່ການໃຊ້ ມີລັກຊະນະຄ້າຍເຄື່ອງກວດການຖືພາ.
ອຸປະກອນນີ້ ເຮັດງານໂດຍໃຊ້ຄຸນສົມບັດຂອງໂມໂນໂຄນແອນບໍດີ (monoclonal antibody) ໃນການກວດຫາການປາກົດຂອງເຊື້ອ ເຊິ່ງສາມາດກວດໃດ້ໂດຍໃຊ້ຕົວຢ່າງເລືອດ ຫຼືປັດສະວະ ພຽງນ້ອຍດຽວເທົ່ານັ້ນ ແລະສາມາດດຳເນີນການໃດ້ໂດຍບໍ່ຕ້ອງໃຊ້ອຸປະກອນເສີມ ແຕກຕ່າງກັບວິທີການກວດຫາເຊື້ອທີ່ໃຊ້ ໃນປັດຈຸບັນ ໃນການກວດຫາດີເອັນເອຂອງເຊື້ອໄວ້ຣັສ ເຊິ່ງເປັນໂຕບົ່ງຊີ້ທີ່ມີປະສິດທິພາບ ແຕ່ຈຳເປັນຕ້ອງໃຊ້ເຄື່ອງມືສະເພາະແລະໃຊ້ເວລາໃນການກວດປະມານ 2 ຊົ່ວໂມງເຄິ່ງ ແລະດຳເນີນການໃນຫ້ອງປະຕິບັດການເທົ່ານັ້ນ.
ທັ້ງນີ້ ແມ້ວ່າອຸປະກອນດັ່ງກ່າວຍັງບໍ່ຜ່ານການອະນຸມັດ ແຕ່ຄາດວ່າຈະແຈກຈ່າຍສູ່ປະເທດທີ່ມີການລະບາດ ພາຍໃນສິ້ນເດືອນ ຕຸລາ ນີ້.