spot_img
Homeຂ່າວທ້ອງຖິ່ນຄະນະຕ້ານໂຄວິດ-19 ມີຄວາມກັງວົນຕໍ່ຄົນລາວທີ່ກັບຄືນມາປະເທດໂດຍບໍ່ໄດ້ຜ່ານການກວດ

ຄະນະຕ້ານໂຄວິດ-19 ມີຄວາມກັງວົນຕໍ່ຄົນລາວທີ່ກັບຄືນມາປະເທດໂດຍບໍ່ໄດ້ຜ່ານການກວດ

Published on

ຈາກກໍລະນີທີ່ມີການລະບາດຮອບໃໝ່ຂອງພະຍາດໂຄວິດ-19 ຢູ່ບັນດາປະເທດທີ່ມີຊາຍແດນຕິດກັບ ສປປ ລາວ ໂດຍສະເພາະຫວຽດນາມ, ສປ ຈີນ, ກໍາປູເຈຍ ແລະ ໄທ ໄດ້ສ້າງຄວາມວິຕົກໃຫ້ແກ່ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ລາວໃນການຕ້ານພະຍາດດັ່ງກ່າວເຖິງແມ່ນວ່າຈະມີມາດຕະການຕ່າງໆແລ້ວກໍ່ຕາມ ເຊິ່ງຄວາມກັງວົນ ແລະ ເປັນຫ່ວງທີ່ສຸດແມ່ນຜູ້ໄປອອກແຮງງານຢູ່ປະເທດເພື່ອນບ້ານທີ່ຈະກັບຄືນເຂົ້າມາປະເທດແບບຜິດກົດໜາຍໂດຍທີ່ທາງເຈົ້າໜ້າທີ່ບໍ່ພົບເຫັນ ແລະ ບໍ່ໄດ້ກວດສຸຂະພາບຕາມຂັ້ນຕອນອາດຈະນໍາເຊື້ອພະຍາດດັ່ງກ່າວມາແຜ່ເຊື້ອຢູ່ລາວກໍ່ເປັນໄດ້.

ໜັງສືພິມວຽງຈັນທາມ ລາຍງານວ່າ ທ່ານ ຮສ. ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໄດ້ກ່າວກ່ຽວກັບການກັບຄືນມາຂອງຄົນລາວທີ່ໄປເຮັດວຽກຢູ່ຕ່າງປະເທດເມື່ອບໍ່ດົນມານີ້ວ່າ: ຖ້າຜູ້ຂາຍແຮງງານເຫຼົ່ານີ້ເຂົ້າມາແບບຜິດກົດໝາຍ ໂດຍທີ່ທາງເຈົ້າໜ້າທີ່ ຫຼື ຄະນະສະເພາະກິດພົບເຫັນແມ່ນຖືວ່າສາມາດປ້ອງກັນພະຍາດໂຄວິດ-19 ໄດ້ ເພາະໄດ້ໃຫ້ ເຂົາເຈົ້າ ໄປຢູ່ສູນກັກກັນຕາມກໍານົດເວລາ, ແຕ່ສິ່ງທີ່ໜ້າກັງວົນແມ່ນບຸກຄົນເຫຼົ່ານັ້ນເຂົ້າມາແບບຜິດກົດໝາຍໂດຍທີ່ທາງເຈົ້າໜ້າທີ່ບໍ່ເຫັນນັ້ນຈະມີຄວາມສ່ຽງຕໍ່ການນໍາເອົາພະຍາດນີ້ມາແຜ່ເຊື້ອຢູ່ລາວໄດ້ໃນກໍລະນີເຂົາເຈົ້າຕິດເຊື້ອ, ຈຶ່ງຮຽກຮ້ອງໃຫ້ເຈົ້າໜ້າທີ່ຢູ່ທຸກໆຂົງເຂດໃນທົ່ວປະເທດໃຫ້ເພີ່ມການລາດຕະເວນຢ່າງເຂັ້ມງວດຕາມຊາຍແດນ ແລະ ຮຽກຮ້ອງໃຫ້ປະຕິບັດນະໂຍບາຍດ້ານມະນຸດສະທໍາໃນກໍລະນີທີ່ພົບເຫັນເຂົາເຈົ້າລັກລອບເຂົ້າມາຍ້ອນວ່າເປັນຄົນລາວສາມາດກັບປະເທດໄດ້ຢູ່ແລ້ວ.

ທ່ານ ຮສ. ດຣ ພູທອນໄດ້ກ່າວຕື່ມວ່າ: ຄາດວ່າຜູ້ອອກແຮງງານທີ່ໄປເຮັດວຽກຢູ່ປະເທດອ້ອມຂ້າງ ສປປ ລາວສ່ວນຫຼາຍ ແມ່ນລັກຂ້າມໄປ (ບໍ່ມີເອກະສານໃດໆ) ດັ່ງນັ້ນເມື່ອເຂົາເຈົ້າກັບຄືນ ມາກໍ່ຕ້ອງໄດ້ລັກຂ້າມມາ, ສະເພາະຢູ່ແຂວງໄຊຍະບູລີແຂວງດຽວທີ່ມີຊາຍແດນຕິດກັບປະເທດໄທແຕ່ເໜືອເຖິງໃຕ້ ຄາດວ່າມີຜູ້ອອກແຮງງານລັກລອບໄປເຮັດວຽກຢູ່ປະເທດໄທປະມານ 1.000 ກວ່າຄົນທີ່ຈະຂ້າມມາແບບຜິດກົດໝາຍໃນໄລຍະນີ້ ຊຶ່ງຮອດປະຈຸບັນເຈົ້າໜ້າທີ່ສາມາດພົບເຫັນພຽງແຕ່ 16 ຄົນ ແລະ ໄດ້ສົ່ງໄປຢູ່ສູນກັກກັນເປັນທີ່ຮຽບຮ້ອຍແລ້ວ. ດັ່ງນັ້ນຈຶ່ງຮຽກຮ້ອງໃຫ້ຜູ້ໄປອອກແຮງງານທີ່ມີຈຸດປະສົງກັບຄືນປະເທດຜູ້ທີ່ບໍ່ສາມາດກັບມາໂດຍຜ່ານດ່ານໄດ້ນັ້ນ ຂໍໃຫ້ປະສານສົມທົບກັບອໍານາດການປົກຄອງທ້ອງຖິ່ນທີ່ຕົນເອງອາໄສຢູ່ເພື່ອປະສານຫາການຊ່ວຍເຫຼືອໃນການກັບບ້ານ ທັງນີ້ກໍ່ເພື່ອຮັບປະກັນໃນການຕ້ານພະຍາດໂຄວິດ-19.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...