spot_img
Homeຂ່າວທ້ອງຖິ່ນຄະນະສະເພາະກິດຈະບໍ່ອະນຸຍາດໃຫ້ທຸກຄົນເຂົ້າ-ອອກເມືອງຕົ້ນເຜິ້ງຢ່າງເດັດຂາດ

ຄະນະສະເພາະກິດຈະບໍ່ອະນຸຍາດໃຫ້ທຸກຄົນເຂົ້າ-ອອກເມືອງຕົ້ນເຜິ້ງຢ່າງເດັດຂາດ

Published on

ໃນກໍລະນີທີ່ຊາຍຈີນ 2 ຄົນທີ່ຕິດພະຍາດໂຄວິດ-19 ໄດ້ລັກລອບເຂົ້າມາເມືອງຕົ້ນເຜິ້ງ ແຂວງບໍ່ແກ້ວ ໃນວັນທີ 24 ພະຈິກ 2020 ທີ່ຜ່ານມາໂດຍໄດ້ພັກເຊົາຢູ່ເມືອງຕົ້ນເຜິ້ງເປັນເວລາ 4 ວັນນັ້ນ, ຄະນະສະເພາະກິດເພື່ອປ້ອງກັນ, ຄວບຄຸມ ແລະ ການແຜ່ລະບາດຂອງພະຍາດໂຄວິດ-19 ແຂວງບໍ່ແກ້ວໄດ້ສັ່ງປິດການເຂົ້າ-ອອກ ເມືອງຕົ້ນເຜິ້ງເປັນເວລາ 14 ວັນນັບແຕ່ວັນທີ 5 ທັນວາ 2020 ທີ່ຜ່ານມາ ເພື່ອປ້ອງກັນການແຜ່ລະບາດຂອງພະຍາດໂຄວິດ-19.

ເພື່ອເປັນການສະດວກໃຫ້ແກ່ເຈົ້າໜ້າທີ່ ແລະ ຄະນະສະເພາະກິດທີ່ປະຈໍາຢູ່ຈຸດກວດກາ ໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19; ຍ້ອນມີການເຂົ້າ-ອອກຂອງພົນລະເມືອງ ນັບທັງພະນັກງານ,ທະຫານ, ຕຳຫຼວດ ທີ່ທຽວປະຈໍາການ ສະນັ້ນ, ຈຶ່ງອອກແຈ້ງການເພີ່ມເຕີມດັ່ງນີ້:

1. ພະນັກງານ, ທະຫານ, ຕຳຫຼວດ ຕະຫຼອດຮອດປະຊາຊົນບັນດາເຜົ່າພາຍໃນເມືອງຕົ້ນເຜິ້ງທີ່ຈະໄປເຮັດວຽກຢູ່ແຂວງ ແລະ ພາກສ່ວນຢູ່ແຂວງ ຈະໄປເຮັດວຽກຢູ່ເມືອງ ແມ່ນບໍ່ອະນຸຍາດໃຫ້ເຂົ້າ-ອອກຢ່າງເດັດຂາດ ຈົນກວ່າຈະມີແຈ້ງການຊີ້ນໍາໃຫ້ເຂົ້າ-ອອກ, ສ່ວນວຽກງານປົກກະຕິ ກໍ່ໃຫ້ແກ້ໄຂໂດຍຜ່ານລະບົບສື່ສານ, ອອນລາຍໃນການປະສານງານກັບກົມກອງຂອງຕົນຢ່າງເປັນປົກກະຕິ, ໃນກໍລະນີເຈັບເປັນ ແລະ ພະນັກງານ, ທະຫານ, ຕໍາຫຼວດ ຫາກມີຄວາມຈຳເປັນຂາດການບໍ່ໄດ້ຕ້ອງກະກຽມເອົາເຄື່ອງນຸ່ງຫົ່ມໄປນອນປະຈໍາການຈົນຄົບ 14 ວັນ ຈຶ່ງກັບຄືນ.

2. ການຂົນສົ່ງສິນຄ້າໃນແຕ່ລະຄັ້ງ, ແຕ່ລະບໍລິສັດ ທີ່ມີຄວາມຈໍາເປັນນໍາເຂົ້າ ແລະ ສົ່ງອອກສິນຄ້າວັດສະດຸຕ່າງໆ ຕ້ອງໃສ່ຊື່ ແລະ ນາມສະກຸນ ຜູ້ຂັບລົດ, ຜູ້ປ່ຽນ ແລະ ປ້າຍລົດ ສະເໜີ ຫາ ຄະນະສະເພາະກິດຂັ້ນແຂວງກ່ອນ ເພື່ອຄົ້ນຄວ້າພິຈາລະນາ, ການຂົນສົ່ງສິນຄ້າແມ່ນກໍານົດໄລຍະເວລາເຂົ້າ- ອອກ ແຕ່ເວລາ 8:00 ໂມງ ຫາ 18:00 ໂມງ.

3. ການຂົນສົ່ງສິນຄ້າປະເພດພືດກະສິກໍາ, ເຄື່ອງອຸປະໂພກ-ບໍລິໂພກທີ່ມີຄວາມຈໍາເປັນເຂົ້າ-ອອກເມືອງຕົ້ນເຜິ້ງ ແມ່ນຕ້ອງມີການຄຽນຖ່າຍສິນຄ້າ, ສັບປ່ຽນພະນັກງານຂັບລົດຢູ່ຈຸດດ່ານ ນໍ້າເກິງ ໂດຍມີການພົ່ນຢາ, ກວດອຸນຫະພຸມ ແລະ ປະຕິບັດຕາມມາດຕະການປ້ອງກັນໂຄວິດ-19ຂອງຄະນະສະເພາະກິດວາງອອກຢ່າງເຂັ້ມງວດ.

4. ສໍາລັບລົດຂົນສົ່ງສິນຄ້າ ທີ່ບໍ່ສາມາດສັບປ່ຽນພະນັກງານຂັບລົດໄດ້ ເຊັ່ນ: ປະເພດອາຍແກັດ,ນໍ້າມັນເຊື້ອໄຟ, ປຸນເຕົ້າ, ຕ້ອງມີເຈົ້າໜ້າທີ່ ແລະ ຄະນະສະເພາະກິດ ເປີດ-ປິດ ຂະບວນລົດ ຢູ່ຈຸດດ່ານນ້ໍາເກິ່ງ ໂດຍມີການພົ່ນຢາ, ກວດອຸ່ນຫະພຸມ ແລະ ປະຕິບັດຕາມມາດຕະການປ້ອງກັນໂຄວິດ-19 ຂອງຄະນະສະເພາະກິດວາງອອກຢ່າງເຂັ້ມງວດ.

5. ມອບໃຫ້ເມືອງ ຊີ້ນໍາອົງການປົກຄອງບ້ານ ເປັນເຈົ້າການໃນການຕິດຕາມ, ກວດກາພົນລະເມືອງ ທີ່ເຂົ້າ-ອອກບ້ານຂອງຕົນ ແລະ ປະຕິບັດຕາມມາດຕະການປ້ອງ ກັນ, ຄວບຄຸມພະຍາດດັ່ງກ່າວຢ່າງຮັດກຸມ ແລະ ເຂັ້ມງວດ ຖ້າບໍ່ຈຳເປັນແມ່ນໃຫ້ຢູ່ເຮືອນໃຜເຮືອນລາວ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...