spot_img
Homeຂ່າວຕ່າງປະເທດນານາຊາດແຂ່ງກັບເວລາ ເພື່ອເກັບຄາບນໍ້າມັນໃນທະເລທີ່ມໍຣິເຊຍ

ນານາຊາດແຂ່ງກັບເວລາ ເພື່ອເກັບຄາບນໍ້າມັນໃນທະເລທີ່ມໍຣິເຊຍ

Published on

ເວັບໄຊ dailynews ລາຍງານວ່າ ສຳນັກງານປະສານງານຂອງສະຫະປະຊາຊາດ (UN) ປະຈຳມໍຣິເຊຍ ອອກຖະການເມື່ອວັນອັງຄານວ່າ ຄະນະຊ່ຽວຊານ ຂອງຢູເອັນເດີນທາງເຖິງມໍຣິເຊຍແລ້ວ ເພື່ອສະໜັບສະໜູນຄວາມພະຍາຍາມຂອງທຸກພາກສ່ວນ ໃນການບັນເທົາຜົນກະທົບຈາກວິກິດນໍ້າມັນຮົ່ວທີ່ມີຕໍ່ຊັບພະຍາກອນທຳມະຊາດ ແລະ ປະຊາຊົນໃຫ້ເຫຼືອໜ້ອຍທີ່ສຸດ.

ທີມຜູ້ຊ່ຽວຊານດ້ານການປ້ອງກັນ ແລະ ບັນເທົາສາທາລະນະໄພຈຳນວນ 6 ຄົນຂອງຍີ່ປຸ່ນ ເດີນທາງເຖິງມໍຣິເຊຍແລ້ວ ໃນຂະນະທີ່ເຮືອລາດຕະເວນເລີຊອມແປລງ ຂອງກອງທັບຝຣັ່ງ ທີ່ປະຈຳການຢູ່ເກາະເຣອູນີຍົງ ເດີນທາງຮອດພື້ນທີ່ພ້ອມກັບບຸກຄະລາກອນ ແລະ ອຸປະກອນສະເພາະທາງນໍ້າໜັກລວມຫຼາຍກວ່າ 20 ໂຕນ ເຊິ່ງມີ: ເຄື່ອງປໍ້າ,​ ຊຸດປ້ອງກັນ,​ ອຸປະກອນເກັບມ້ຽນນໍ້າມັນ ແລະ ເຄື່ອງມືເກັບຄາບນໍ້າມັນ.

ທັງນີ້, ຜູ້ນຳມໍຣິເຊຍ ປະກາດສະຖານະການສຸກເສີນດ້ານລະບົບນິເວດ ເມື່ອອາທິດທີ່ຜ່ານມາ ຫຼັງຈາກບໍ່ສາມາດຈັດການກັບຄາບນໍ້າມັນປະມານ 1,000ໂຕນ ທີ່ຮົ່ວໄຫຼອອກມາຈາກເຮືອ “ເອັມວີ ວາກາຊິໂອະ” ເຊິ່ງເປັນເຮືອຂົນສິນຄ້າເທກອງຕິດທຸງຊາດປານາມາ ຂອງບໍລິສັດ ນາງາຊິກິ ຊິບປິ້ງ ຈາກຍີ່ປຸ່ນ ແລະ ບໍລິຫານງານໂດຍ ມິດຊູອິ ໂອເອສເຄ ໄລນ໌ ທີ່ລອຍຕົວຢູ່ໃກ້ກັບແນວປະກາລັງ ແຄມຊາຍຝັ່ງທາງຕະເວັນອອກສຽໃຕ້ຂອງປະເທດ ເມື່ອວັນທີ 25 ກໍລະກົດ ທີ່ຜ່ານມາ ພ້ອມທັງຂໍຄວາມຊ່ວຍເຫຼືອໂດຍກົງໄປທີ່ລັດຖະບານຝຣັ່ງ.

ພາລະກິດນີ້ຖືເປັນພາລະກິດທີ່ຕ້ອງແຂ່ງຂັນກັບເວລາ ແລະ ຄວາມບໍ່ແນ່ນອນ ເນື່ອງຈາກເທິງເຮືອຍັງມີນໍ້າເຫຼືອຢູ່ອີກປະມານ 2,000ໂຕນ ແລະ ຕົວເຮືອກໍ່ໄດ້ຮັບຄວາມເສຍຫາຍຈາກການເກີຍຕື້ນຊາຍຝັ່ງ. ທາງດ້ານມິດຊູອິ ໂອເອສເຄ ໄລນ໌ ຢືນຢັນພ້ອມຮັບຜິດຊອບກັບຄວາມເສຍຫາຍທັງໝົດ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...