ເວລາປະມານ 17:15 ວັນທີ 17 ຕຸລາ 2014,ເກີດອຸບັດຕິເຫດ ຂົວຫັກ ທີ່ເມືອງຈຳປາສັກແຂວງຈຳປາສັກ.
ຈາກຜູ້ເຫັນເຫດການລາຍງານເຂົ້າມາວ່າ, ໄດ້ມີລົດຂົນສົ່ງ ໝາຍເລກທະບຽນ ຈຳປາສັກ ບຂ 1666, ໄດ້ແລ່ນເຂົ້າຂົວ ຢູ່ເມືອງຈຳປາສັກ ແຂວງຈຳປາສັກ,ເຊິ່ງລົດດັ່ງກ່າວ ແມ່ນບັນທຸກເຄື່ອງໜັກ, ພໍຂີ່ຜ່ານຂົວໃກ້ຈະວິດ ແຕ່ເກີດຂົວຫັກ ຍ້ອນຂົວຮັບນ້ຳໜັກລົດບໍ່ໄຫວ. ເພາະຂົວດັ່ງກ່າວ ແມ່ນກຳນົດໃຫ້ຮັບນ້ຳໜັກພຽງ 15 ໂຕ່ນ, ແຕ່ລົດຄັນດັ່ງກ່າວແມ່ນນ້ຳໜັກຫຼາຍ. ກ່ອນໜ້ານີ້ປີ 2013, ຂົວນີ້ກໍ່ຫັກມາເທື່ອໜຶ່ງແລ້ວ.
ຂົວດັ່ງກ່າວແມ່ນຂົວຂ້າມຫ້ວຍພະບາງ ບ້ານໂພນແພງ ເມືອງຈຳປາສັກ ສິຂ້າມໄປທາງວັດພູ ຈຳປາສັກ.
ອຸບັດຕິເຫດຄັ້ງນີ້ ໄດ້ສ້າງຄວາມເສຍຫາຍ ໃຫ້ຂົວ ເພາະຫັກລົງນ້ຳເຊ ແລະ ລົດກໍ່ຄາ ຍັງເອົາອອກບໍ່ໄດ້. ໂຊກດີບໍ່ມີຜູ້ເສຍຊີວິດ.
ບັນດາລົດຂົນສົ່ງຕ້ອງໄດ້ ເອົາໃຈໃສ່ ປະຕິບັດຕາມປ້າຍ ຈາລະຈອນ ແລະ ປ້າຍກຳນົດ ນ້ຳໜັກ ຢ່າງເຄັ່ງຄັດ ເພາະທີ່ຜ່ານມາເຫັນວ່າ ລົດຂົນສົ່ງ ນ້ຳໜັກເກີດ ສ້າງຄວາມເສຍຫາຍ ໃຫ້ແກ່ເສັ້ນທາງ ແລະ ຂົວຫຼາຍແຫ່ງໃນ ປະເທດລາວ.
ພາບແລະຂ່າວ: Phouthasack Bounsoutthavy ແລະໂທລະໂຄ່ງ