spot_img
Homeຂ່າວຕ່າງປະເທດແອມໂມເນຍໄນເຕຣດ! ທຳລາຍເມືອງຫຼວງເລບານອນໃນພິບຕາ

ແອມໂມເນຍໄນເຕຣດ! ທຳລາຍເມືອງຫຼວງເລບານອນໃນພິບຕາ

Published on

ເຫດການລະເບີດຊັອກໂລກ ທີ່ປະເທດເລບານອນ ເມື່ອວັນທີ 4 ສິງຫາ ທີ່ຜ່ານມາ ເຊິ່ງມີສາເຫດມາຈາກ ແອມໂມເນຍໄນເຕຣດ ໃນປະລິມານ 2,750 ໂຕນ ທີ່ຖືກເກັບມ້ຽນຢ່າງບໍ່ເໝາະສົມໃນສາງສິນຄ້າທີ່ທ່າເຮືອເປັນເວລາກວ່າ 6 ປີ ໄດ້ທຳລາຍເມືອງຫຼວງຂອງເລບານອນເປັນວົງກວ້າງໃນລັດສະໝີ 10 ກິໂລແມັດ ເຮັດໃຫ້ມີຜູ້ເສຍຊີວິດ 100 ຄົນ ແລະ ບາດເຈັບກວ່າ 4,000ຄົນ.

ເຫດການລະເບີດທີ່ເກີດຂຶ້ນໃນເລບານອນ ບໍ່ແມ່ນການລະເບີດຄັ້ງທຳອິດ ເມື່ອຍ້ອນກັບໄປໃນປີ 1947 ທີ່ເທັກຊັດຊີຕີ້ ກໍ່ເກີດເຫດການລະເບີດຮຸນແຮງທີ່ມີສາເຫດມາຈາກ ແອມໂມເນຍໄນເຕຣດ 2,300 ໂຕນ ເຮັດໃຫ້ມີຜູ້ເສຍຊີວິດ 500 ຄົນ.

ນອກຈາກນີ້, ຍັງມີເຫດການທີ່ເກີດຂຶ້ນຄ້າຍໆກັນອີກຫຼາຍປະເທດ ເຊິ່ງເຮັດໃຫ້ເກີດຄວາມເສຍຫາຍໂດຍມີສາເຫດຫຼັກແມ່ນມາຈາກ ແອມໂມເນຍ ໄນເຕຣດ ທີ່ເກີດການປົນເປື້ອນຈົນເກີດປະຕິກິລິຍາສ້າງແຮງລະເບີດ.

ການລະເບີດຂອງແອມໂມເນຍໄນເຕຣດ ໃນເລບານອນ ຍັງເປັນຂໍ້ສົງໃສ ແລະ ຫາຄຳຕອບກັນຢູ່ວ່າແອມໂມເນຍໄນເຕຣດ ທີ່ຖືກເກັບໄວ້ນັ້ນໄດ້ເຮັດປະຕິກິລິຍາກັບສິ່ງໃດຈຶ່ງໄດ້ເກີດລະເບີດຮຸນແຮງຂະໜາດນີ້.

ແອມໂມເນຍເປັນສານເຄມີທີ່ມີປະໂຫຍດຫຼາຍຢ່າງທັງໃນພາກຂອງການກະເສດ ແລະ ພາກອຸດສາຫະກຳ ໃນສ່ວນຂອງພາກການກະເສດ ແອມໂມເນຍສ່ວນໃຫຍ່ປະມານ 85% ຖືກນຳໄປໃຊ້ຜະລິດປຸ໋ຍ ໂດຍສະເພາະໃຊ້ຜະລິດປຸ໋ຍແອມມເນຍໄນເຕຣດ (ammonium nitrate) ແລະ ປຸ໋ຍຢູເຣຍ (urea).

ແອມໂມເນຍໄນເຕຣດຄື: ເປັນສ່ວນປະກອບທາງເຄມີ ມີຮູບຮ່າງເປັນເມັດແຂງສີຂາວ ເຊິ່ງເປັນການປະສົມກັນລະຫວ່າງກົດໂນຕຣິກ ແລະ ແອັມໂມເນຍແກ໊ສ ກ່ອນຜ່ານຂະບວນການເຮັດໃຫ້ແຫ້ງກາຍເປັນເມັດສີຂາວ ຍ້ອນສານຊະນິດມີ ໄນໂຕຣເຈນສູງ ທີ່ເປັນສານອາຫານສຳຄັນຂອງພືດ ຈຶ່ງຖືກນຳໄປໃຊ້ໃນອຸດສາຫະກຳການຜະລິດປຸ໋ຍ, ແຕ່ໃນອີກດ້ານໜຶ່ງກໍ່ເປັນສ່ວນສຳຄັນໃນການນຳໄປເຮັດລະເບີດທີ່ອັນຕະລາຍໄດ້ຄືກັນເມື່ອນຳສານດັ່ງກ່າວໄປປະສົມກັບເຊື້ອເພີງ ຫຼື ກົດກຳມະທັນ (ອາຊິດຊູນຟູຣິກ) ຈະເຮັດໃຫ້ເກີດລະເບີດແຮງດັນ. ເຊິ່ງໃນປັດຈຸບັນ, ການເຮັດລະເບີດຈາກປຸ໋ຍ ແອມໂມເນຍ ໄນເຕຣດ ຖືກນຳມາໃຊ້ໃນປະລິມານທີ່ພໍດີກັບການເຮັດເໝືອງຖ່ານຫີນ ແຕ່ໃນອີກກໍລະນີໜຶ່ງດ້ວຍຄຸນສົມບັດທີ່ໃຊ້ງ່າຍ ແລະ ລາຄາຖືກ ຫາຊື້ໄດ້ທົ່ວໄປໃນອຸດສາຫະກຳການເຮັດປຸ໋ຍ ສານເຄມີຊະນິດນີ້ຈຶ່ງນຳໄປໃຊ້ເຮັດອາວຸດເພື່ອກໍ່ການຮ້າຍທີ່ມີຊື່ຮຽກກັນວ່າ ລະເບີດປຸ່ຍ (fertilizer bomb).

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...