spot_img
Homeຂ່າວພາຍ​ໃນພິທີເຊັນບົດບັນທຶກຄວາມເຂົ້າໃຈການຮ່ວມມື ເຊື່ອມຕໍ່ການຊຳລະ ລະຫວ່າງ ບໍລິສັດ ສະຕາ ຟິນເທັກ ຈຳກັດຜູ້ດຽວ ແລະ ທະນາຄານເອຊີລີດາ ລາວ ຈໍາກັດ

ພິທີເຊັນບົດບັນທຶກຄວາມເຂົ້າໃຈການຮ່ວມມື ເຊື່ອມຕໍ່ການຊຳລະ ລະຫວ່າງ ບໍລິສັດ ສະຕາ ຟິນເທັກ ຈຳກັດຜູ້ດຽວ ແລະ ທະນາຄານເອຊີລີດາ ລາວ ຈໍາກັດ

Published on

ໃນຕອນບ່າຍວັນທີ 15 ກໍລະກົດ 2020, ຢູ່ທີ່ ສໍານັກງານໃຫຍ່ ບໍລິສັດ ສະຕາ ໂທລະຄົມ ໄດ້ມີການຈັດພິທີລົງນາມເຊັນບົດບັນທຶກຄວາມເຂົ້າໃຈວ່າດ້ວຍ ການຮ່ວມມື ເຊື່ອມຕໍ່ການຊຳລະ ຮ່ວມກັນ ລະຫວ່າງ ທະນາຄານ ເອຊີລີດາ ລາວ ຈໍາກັດ ແລະ ບໍລິສັດ ສະຕາ ຟິນເທັກ ຈຳກັດຜູ້ດຽວເຊິ່ງການເຊັນບົດບັນທຶກຄວາມເຂົ້າໃຈ ໃນຄັ້ງນີ້ ຕາງໜ້າລົງນາມ ໂດຍ ທ່ານ ດຣ ຮາຍ ສະວາຍ – ຜູ້ອຳນວຍການ​ໃຫຍ່ທະ​ນາ​ຄານ​ເອຊີລິດາ ລາວ ຈໍາກັດ ແລະ ທ່ານ ລິວແມ໋ງ ຮ່າ – ອຳນວຍການ ບໍລິສັດ ສະຕາ ຟິນເທັກ ຈຳກັດຜູ້ດຽວ ແລະ ທັງເປັນ ຜູ້ອຳນວຍການໃຫ່ຍບໍລິສັດ ສະຕາ ໂທລະຄົມ. ໃຫ້ກຽດເຂົ້າຮ່ວມເປັນສັກຂີພິຍານໂດຍ ທ່ານ ສຸລິສັກ ທໍານຸວົງ  ຫົວໜ້າກົມ ຄຸ້ມຄອງ ລະບົບ ຊໍາລະສະສາງ ທະນາຄານ ແຫ່ງ ສ ປ ປ ລາວ. ພ້ອມດ້ວຍ ຄະນະຜູ້ບໍລິຫານ,ຄະນະພະແນກ,ຄະນະສູນບໍລິສັດ ສະຕາ ຟີນເທັກ ,ບໍລິສັດ ສະຕາ ໂທລະຄົມ ແລະ ທະ​ນາ​ຄານ​ເອຊີ​ລີດາ ລາວ ຈໍາກັດຕະຫຼອດຮອດພະນັກງານຂອງທັງສອງຝ່າຍ ແລະ ສື່ມວນຊົນກໍ່ໄດ້ເຂົ້າຮ່ວມຢ່າງພ້ອມພຽງ.

ຈຸດປະສົງໃນການເຊັນບົດບັນທຶກຄວາມເຂົ້າໃຈ ຄັ້ງນີ້ເພື່ອຄົ້ນຄວ້າການຮ່ວມມື ໃນການເປີດກວ້າງການເຂົ້າເຖີງບໍລິການດ້ານການທະນາຄານໃຫ້ສະດວກ ວ່ອງໄວຍິ່ງຂຶ້ນ,  ບໍ່ວ່າຈະເປັນລູກຄ້າ ທີ່ມີບັນຊີ ກະເປົາເງິນ ອີເລັກໂຕຼນິກ ຢູມັນນີ (u – money) ສາມາດໂອນເງິນເຂົ້າບັນຊີໂດຍກົງຂອງທະ​ນາ​ຄານ​ເອຊີລີດາ ລາວ ຈໍາກັດແລະ ບັນຊີທະ​ນາ​ຄານ​ເອຊີລີດາ ລາວ ຈໍາກັດກໍ່ສາມາດໂອນເງິນເຂົ້າບັນຊີ ກະເປົາເງິນອີເລັກໂຕຼນິກ ຢູມັນນີ (u – money) ໄດ້ເຊັ່ນດຽວກັນ ເຊີ່ງເຮັດໃຫ້ມີຄວາມງ່າຍ ຕໍ່ການເຮັດທຸລະກໍາການຊຳລະ ແລະ ການໃຊ້ ບໍລິການຕ່າງໆຂອງທັງສອງຝ່າຍ ບໍ່ວ່າຈະເປັນການໂອນເງິນ,ການຊໍາລະຄ່າບໍລິການຕ່າງໆ ໄດ້ຢ່າງງ່າຍດາຍ ແລະ ວ່ອງໄວ.  ຕະຫລອດໄລຍະຜ່ານມາ ບໍລິສັດ ສະຕາ ຟີນເທັກ ຈໍາກັດ ໄດ້ປະຕິບັດການເຊັນສັນຍາ ການເຊື່ອມຕໍ່ກັບບັນດາ ທະນາຄານອື່ນເຊັ່ນ: ທະນາຄານ ຫຸ້ນສ່ວນການຄ້າທະຫານ – ສາຂາລາວ,ທະນາຄານ ລາວ – ຫວຽດ, ທະນາຄານ ມາຣູຮານ ເຈແປນ ລາວ,ທະນາຄານ ຮ່ວມພັດທະນາ (ເຊັນ ບົດບັນທຶກຄວາມເຂົ້າໃຈຮ່ວມກັນ), ທະນາຄານການຄ້າຕ່າງປະເທດລາວ ມະຫາຊົນ(ສະໜອງການບໍລິການດ້ານ “ BCEL E-Commerce ”).

ບໍລິສັດ ສະຕາ ຟີນເທັກຈຳກັດຜູ້ດຽວ ພາຍໃຕ້ເຄື່ອງໝາຍການຄ້າ  ຢູມັນນີ (u – money),ເປັນບໍລິສັດໃນເຄືອຂອງ ບໍລິສັດ ສະຕາ ໂທລະຄົມ ເຊີ່ງໄດ້ຮັບອະນຸຍາດຈາກທະນາຄານແຫ່ງ ສປປ ລາວ ໃນການສະໜອງບໍລິການດ້ານກະເປົາເງິນ ອີເລັກໂຕຼນິກຢ່າງເປັນທາງການ,ເຊີ່ງການໃຫ້ບໍລິການດັ່ງກ່າວນີ້ ຈະເພີ່ມຄວາມສະດວກໃຫ້ແກ່ລູກຄ້າ ປະຊາຊົນທົ່ວໄປ ທີ່ອາໄສ່ຢູ່ທຸກຂົງເຂດ ທົົ່ວປະເທດລາວ ສາມາດເຂົ້າເຖິງທະນາຄານແບບ ດີຈິຕອນ ໄດ້ຢ່າງງ່າຍດາຍທີ່ສຸດ.

ການຮ່ວມມືໃນຄັ້ງນີ້ຖືເປັນອີກໜຶ່ງຍຸດທະສາດໃນການພັດທະນາຂອງບໍລິສັດ ສະຕາ ຟິນເທັກ ຈຳກັດ ແລະ ທະ​ນາ​ຄານ​ເອຊີລີດາ ລາວ ຈໍາກັດ ເພື່ອຕອບສະໜອງຄວາມຕ້ອງການຂອງລູກຄ້າ ແລະ ທັງສອງຝ່າຍຍັງຈະສືບຕໍ່ຄົ້ນຄ້ວາການຮ່ວມມືອື່ນໆ ທີ່ເປັນປະໂຫຍດໃນອານາຄົດ.

ບໍລິສັດ ສະຕາຟີນເທັກ ຈຳກັດ ຫລື ຢູມັນນີ (u – money) ຂໍສະແດງຄວາມຂອບໃຈ ມາຍັງ ທະ​ນາ​ຄານ​ເອຊີລີດາ ລາວ ຈໍາກັດແລະ ລູຸກຄ້າທຸກທ່ານທີ່ນຳໃຊ້ ບໍລິການຢູມັນນີ ຂອງພວກເຮົາຕະຫລອດມາ. ບໍລິສັດ ສະຕາຟີນເທັກ ພາຍໃຕ້ສະໂລແກນ “ທະນາຄານເທິງມືຖືຂອງຄົນລາວ”ຈະສືບຕໍ່ ຮ່ວມມືກັບພາກສ່ວນອື່ນໆ ເພື່ອອໍານວຍຄວາມສະດວກ ໃນການນໍາໃຊ້ ທຸລະກໍາທະນາຄານໃນຍຸກແຫ່ງບໍລິການທະນາຄານ ແບບດີຈິຕອນ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...